ជាតិ
សង្គមជាតិ
ឃាត់ខ្លួនជនអន្តោប្រវេសន៍ជនជាតិ នីហ្សេរីយ៉ា ចំនួន៤៥នាក់
× អគ្គនាយកដ្ឋានអន្តោប្រវេសន៍ ខណ្ឌពោធិសែនជ័យ បានឃាត់ខ្លួន ជនអន្តោប្រវេសន៍ជនជាតិ នីហ្សេរីយ៉ា ចំនួន ៤៥ នាក់ បន្ទាប់ពីចុះឆែកឆេរ និងត្រួតពិនិត្យកន្លែងស្នាក់នៅរបស់ពួកគេ កាលពីព្រឹកថ្ងៃទី០១ ខែវិច្ឆិកា នេះ។
បើយោងតាមគេហទំព័រអគ្គស្នងការនគរបាលជាតិ ប្រតិបត្តិការចុះឆែកឆេរ និងត្រួតពិនិត្យឈានដល់ការឃាត់ខ្លួននេះ បន្ទាប់ពីអគ្គនាយកដ្ឋានជនអន្តោប្រវេសន៍ បានសហការជាមួយស្នងការដ្ឋាននគរបាលរាជធានីភ្នំពេញ ដោយមានការសម្របសម្រួលពី លោក មាស ច័ន្ទពិសិដ្ឋព្រះរាជអាជ្ញារងអមសាលាដំបូង រាជធានីភ្នំពេញបានចុះឆែកឆេរ និងត្រួតពិនិត្យកន្លែងស្នាក់នៅរបស់ជនបរទេសទាំងនោះ នៅក្នុងភូមិត្រពាំងថ្លឹង សង្កាត់ចោមចៅ ខណ្ឌពោធិសែនជ័យ ដោយបានរកឃើញ និងឃាត់ខ្លួនជនជាតិនីហ្សេរីយ៉ា ចំនួន 45 នាក់ ហើយពេលនេះកំពុងបញ្ជូនមកអគ្គនាយកដ្ឋានអន្តោប្រវេសន៍ ដើម្បីត្រួតពិនិត្យ និងអនុវត្តតាមច្បាប់៕
© រក្សាសិទ្ធិដោយ thmeythmey.com