ជាតិ
សង្គមជាតិ
ឃាត់ខ្លួនជនជនជាតិវៀតណាមខុសច្បាប់ចំនួន ១៥នាក់
× អគ្គនាយកដ្ឋានអន្តោប្រវេសន៍ ខេត្តសៀមរាប កាលពីថ្ងៃទី៣០ ខែតុលា បានធ្វើការឃាត់ខ្លួនជនជាតិ វៀតណាម ចំនួន ១៥ នាក់ ដែលមកធ្វើការ និងស្នាក់នៅខុសច្បាប់។
ប្រតិបត្តិការណ៍ចុះឆែកឆេរ និងត្រួតពិនិត្យឈានដល់ការឃាត់ខ្លួននេះដែរ បន្ទាប់ពីអគ្គនាយកដ្ឋានអន្តោប្រវេសន៍ ស្នងការដ្ឋាននគរបាល និងកម្លាំងការិយាល័យនគរបាលអន្តោប្រវេសន៍ ខេត្តសៀមរាប សហការជាមួយកម្លាំងនគរបាលក្រុង ជាពិសេសកម្លាំងនគរបាលប៉ុស្តិ៍រដ្ឋបាលស្វាយដង្គុំចុះត្រួតពិនិត្យ និងស្រង់ស្ថិតិ ដើម្បីស្វែងរកជនអន្តោប្រវេសន៍ដែលមកស្នាក់នៅក្នុងខេត្ត ដោយគ្មានលិខិតស្នាមច្បាស់លាស់។ បន្ទាប់ពីចុះស្រង់ស្ថិតិពេញមួយថ្ងៃ តាមបបន្ទប់ជួល ហាងកាហ្វេ និងកន្លែងម៉ាស្សាកោសជប់ រកឃើញជនជាតិវៀតណាមខុសច្បាប់ចំនួន ១៥នាក់ ស្រី៥នាក់ និងអនីតិជន៣នាក់។ នេះបើយោងតាមគេហទំព័ររបស់ អគ្គស្នងការនគរបាលជាតិ ថ្ងៃទី១ ខែវិច្ឆិកា។
ជនជាតិ វៀតណាម ខុសច្បាប់ទាំងនោះត្រូវបានកងកម្លាំងការិយាល័យនគរបាលអន្តោប្រវេសន៍ ឃាត់ខ្លួន និងបញ្ជូនទៅកាន់អគ្គនាយកដ្ឋានអន្តោប្រវេសន៍ ក្រសួងមហាផ្ទៃ ដើម្បីចាត់វិធានការបញ្ជូនទៅកាន់ប្រទេសដើមវិញ៕
© រក្សាសិទ្ធិដោយ thmeythmey.com