ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
អត្ថបទពាណិជ្ជកម្ម
បទយកការណ៍/សម្ភាស
ជាតិ
សង្គមជាតិ
មនុស្សជាង១០០នាក់ទស្សនកិច្ចទីតាំងប្រវតិ្តសាស្ត្រនៅភូមិគោល
03, Nov 2015 ,
4:26 pm
រូបភាព
×
ដោយ:
អុីសា រ៉ហានី (Isa Rohany)
សៀមរាប៖ ក្រោយពីបញ្ចប់បទបង្ហាញរយៈពេលមួយថ្ងៃស្តីការស្រាវជ្រាវផ្លូវបុរាណ នៅអាជ្ញាធរជាតិអប្សរារួចមក សិក្ខាកាមជាង១០០នាក់ បានធ្វើទស្សនកិច្ចសិក្សានៅទីតាំងប្រវត្តិសាស្ត្រចំនួន៣កន្លែង មានស្ពានបុរាណ មន្ទីរពេទ្យ និងកន្លែងស្លដែក ដែលស្ថិតនៅភូមិគោល ស្រុកអង្គរជុំ ខេត្តសៀមរាប។
នៅម៉ោង១០ព្រឹកថ្ងៃទី២ វិច្ឆិកា ក្បួនរថយន្តដែលដឹកសិក្ខាកាមជាង១០០នាក់ បានទៅដល់គោលដៅនៃដំណើរទស្សនកិច្ច គឺនៅភូមិគោល ស្រុកអង្គរជុំ។ ទីនោះហើយ ដែលអ្នករៀបចំ មានអាជ្ញាធរអប្សរា និងភាគីថៃ ចង់បង្ហាញពីទីតាំងប្រវត្តិសាស្ត្រ និងប្រវត្តិមួយចំនួន របស់វា ដល់អ្នកចូលរួម ក្រោយតំបន់ទាំងនោះ បានឆ្លងកាត់ការស្រាវជ្រាវយ៉ាងល្អិតល្អន់រួចមក។
ក្រោមកិច្ចសហការរវាងភាគីកម្ពុជានិងថៃ ធ្វើឲ្យគម្រោងស្រាវជ្រាវផ្លូវបុរាណមួយ ដែលតភា្ជប់ពីតំបន់អង្គរ ទៅប្រាសាទភិមាយរបស់ប្រទេសថៃ ទទួលបានជោគជ័យ។ គម្រោងដែលប្រើពេល១០ឆ្នាំ និងធ្លាប់ទទួលបានពានរង្វាន់លេខមួយកាលពីឆ្នាំ២០១៣នៅថៃ បានរកឃើញកន្លែងសំខាន់ៗជាច្រើន មានស្ពានបុរាណធ្វើពីថ្មភក់និងថ្មបាយក្រៀម មន្ទីរពេទ្យ កន្លែងស្លដែក កន្លែងធ្វើអំបិល សាលាសំណាក់ និងបណ្តាញគមនាគមន៍នៃចក្រភពខ្មែរ ដែលមានចំនួន៦ខ្សែ តភ្ជាប់ទៅខេត្តនានានៃអាណាចក្រជិតខាង។
នៅពេលមកដល់គោលដៅ លោក អ៊ឹម សុខរិទ្ធី ដែលជាអ្នកដឹកនាំដំណើរទស្សនកិច្ចនៅពេលនោះ បាននិយាយរៀបរាប់ខ្លះៗពីទីតាំងបុរាណ មានស្ពាន មន្ទីរពេទ្យ។ មុនចាប់ផ្តើមដំណើរទស្សនកិច្ច លោក សុខរិទ្ធី បានបង្ហាញផែនទីជាច្រើនផ្ទាំង ដែលលម្អិតពីទីតាំងបុរាណ ហើយប្រៀបធៀបតំបន់ខ្លះទៅនឹងបច្ចុប្បន្ន។ មានកន្លែងខ្លះ ដូចជាអាងទឹកនៅភូមិគោលនោះ បានក្លាយជាវាលស្រែទៅហើយ។ មន្ទីរពេទ្យ រងការខូចខាត ដោយសារគ្មានការការពារត្រឹមត្រូវជាដើម។
ដំណើរទស្សនកិច្ច បានបញ្ចប់ ក្រោយពីអ្នកចូលរួមទាំងអស់ បានទៅកន្លែងស្លដែកពីបុរាណ។ នៅទីនោះ អ្នកចូលរួមមានចំណាប់អារម្មណ៍ខ្លាំង ព្រោះថា វាជាទិដ្ឋភាពថ្មី ប្លែក ដែលពួកគេកម្រឃើញពីមុន ជាពិសេសនោះ គឺការបង្ហាញពីអាចន៍ដែកដែលនៅសេសសល់ពីបុរាណ និងរបៀបស្លពីសម័យនោះ ដែលបង្ហាញដោយអ្នកជំនាញ។
អ្នកចូលរួម និងជាមគ្គុទ្ទេសក៍ទេសចរណ៍ភាសារុស្ស៊ី លោក ម៉ក់ សុធិន ថាទស្សនកិច្ចទៅកាន់ភូមិគោល គឺមានសារសំខាន់ណាស់សម្រាប់លោក។ លោក សុធិន បន្តថាលោកបានឃើញផ្ទាល់ពីទីតាំងប្រវត្តិសាស្ត្រទាំងនោះ ដែលកន្លងមកលោកធ្លាប់ឃើញនៅក្នុងឯកសារ។ ទោះជានៅឆ្ងាយពីទីរួមខេត្តបន្តិចមែន តែលោក សុធិន ថាទីតាំងទាំងនោះ មានផ្លូវបុរាណជាដើមនោះ គឺពិសេសណាស់ ដែលគួរផ្សព្វផ្សាយដល់ភ្ញៀវទេសចរបានដឹង។ ប៉ុន្តែមុននឹងឲ្យភ្ញៀវទេសចរទៅកាន់តំបន់នោះ តាមយោបល់របស់មគ្គុទ្ទេសក៍ភាសារុស្ស៊ី អាជ្ញាធរគួររៀបចំហេដ្ឋារចនាសម្ព័ន្ធ មានផ្លូវថ្នល់ បន្ទប់ទឹក និងអាហារដ្ឋាន ព្រោះថាស្ថានភាពបច្ចុប្បន្ន មិនអាចនាំភ្ញៀវទេសចរទៅកាន់តំបន់ទាំងនោះបាននៅឡើយទេ។
គួរបញ្ជាក់ថា បណ្តាញផ្លូវបុរាណ ដែលតភា្ជប់ពីចក្រភពអង្គរទៅក្រុងភិមាយប្រទេសថៃសព្វថ្ងៃ មានចម្ងាយ២៥០គម។ អ្នកស្រាវជ្រាវកម្ពុជា និងថៃ បានចំណាយពេលជាង១០ឆ្នាំ ដើម្បីសិក្សាស្រាវជ្រាវលើបណ្តាញផ្លូវគមនាគមន៍មួយនេះ ហើយផ្លូវនេះ បានបន្តប្រើប្រាស់ រហូតទល់នឹងបច្ចុប្បន្ន៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
ទេសចរណ៍
© រក្សាសិទ្ធិដោយ thmeythmey.com
អត្ថបទពេញនិយម
សណ្ដែកកួរ ឡើងដល់៤ម៉ឺនរៀល ក្នុងមួយគីឡូក្រាម
6 ថ្ងៃ
«ប្រទានកម្ម»មានន័យដូចម្តេច?
9 ម៉ោង
«ប្រសប់»និង«ប្រសព្វ» មានសូរសព្ទដូចគ្នា តែន័យខុសគ្នា!
1 សប្តាហ៍
តើពេលណាដែលគេសរសេរ«បរិបូរ, បរិបូណ៌ និង បរិបូរណ៍»នៅក្នុងសំណេរភាសាខ្មែរ?
1 ថ្ងៃ
«រឭក»,«រំឮក»,«រំលឹក» និង«រម្លឹក» ពាក្យណាត្រឹមត្រូវ?
2 ថ្ងៃ
អត្ថបទពេញនិយមបន្ថែម