ជាតិ
សង្គមជាតិ
រូបភាពពីហ្វេសប៊ុកនាយកដ្ឋានស៊ើបអង្កេត និងអនុវត្តនីតិវិធី
×![]()
ដោយ: ម៉ៅ សុផា
ជនអន្តោប្រវេសន៍ខុសច្បាប់ចំនួន ៣៩៦១នាក់ ត្រូវបានអាជ្ញាធរកម្ពុជាឃាត់ខ្លួន និងបណ្តេញចេញទៅស្រុកកំណើតវិញ ដោយគិតត្រឹមរយៈពេល ១០ខែ គឺចាប់ពីខែមករា ដល់ខែតុលា ឆ្នាំ២០១៥នេះ។ នេះបើតាមរបាយការណ៍របស់នាយកដ្ឋានស៊ើបអង្កេត និងអនុវត្តនីតិវិធី នៃអគ្គនាយដ្ឋានអន្តោប្រវេសន៍។
បើតាមការលើកឡើងរបស់លោក អ៊ុក ហៃសីលា ប្រធាននាយកដ្ឋានស៊ើបអង្កេត និងអនុវត្តនីតិវិធី ជនបរទេសខុសច្បាប់សរុប៣៩៦១នាក់ (ស្រី៥១៧នាក់) រួមមាន៤៨សញ្ជាតិ ត្រូវបានបណ្តេញចេញពីកម្ពុជា ដោយគិតត្រឹមរយៈពេល១០ខែ ក្នុងឆ្នាំ២០១៥នេះ។ ក្នុងចំណោមជនអន្តោប្រវេសន៍ទាំងនោះ ជនជាតិវៀតណាម មានចំនួនច្រើនជាងគេ ដែលមានរហូតដល់៣៧៦១នាក់ (ស្រី៥០៣នាក់) ហើយបន្ទាប់មក គឺជនជាតិចិន ដែលមានជិត៣០០នាក់ ហើយបន្ទាប់មកទៀតគឺជនជាតិហ្វីលីពីន។
លោក អ៊ុក ហៃសីលា បានបន្ថែមទៀតថា ជនអន្តោប្រវេសន៍ទាំងនោះ ចូលមកស្នាក់នៅ និងធ្វើការដោយខុសច្បាប់ក្នុងព្រះរាជាណាចក្រកម្ពុជាតាមទម្រង់ផ្សេងៗគ្នា។ លោកបញ្ជាក់យ៉ាងនេះថា៖ «ជនជាតិវៀតណាមភាគច្រើន លួចឆ្លងដែនដោយខុសច្បាប់ចូលមករស់នៅតែម្តង ហើយបើជនជាតិចិនវិញ មានលិខិតឆ្លងដែន និងទិដ្ឋាការត្រឹមត្រូវ តែភាគច្រើនពួកគេប្រព្រឹត្តបទល្មើសផ្សេងៗ ឬក៏ប្រកបមុខរបរខុសច្បាប់ ដូចជាចាប់ជំរិតទារប្រាក់តាមទូរសព្ទជាដើម»។
ក្រោយពីមានការអំពាវនាវរបស់ ប្រធាននាយកដ្ឋានរូបនេះកន្លងមក ប្រជាពលរដ្ឋកម្ពុជា ហាក់ដូចជាមានសកម្មភាពខ្លាំងក្លាជាងមុន ក្នុងការរាយការណ៍ដល់សមត្ថកិច្ច ដើម្បីឃាត់ខ្លួនជនបរទេស ជាពិសេសជនជាតិវៀតណាម ដែលមករស់នៅដោយខុសច្បាប់។ លោកបញ្ជាក់ដូច្នេះថា៖ «ឥឡូវឃើញថាប្រជាពលរដ្ឋបានផ្តល់ដំណឹងមកសមត្ថកិច្ចច្រើនពីជនអន្តោប្រវេសន៍ខុសច្បាប់ ជាពិសេសជនជាតិវៀតណាមដែលរស់នៅនិងធ្វើការផ្តុំគ្នា»។
ទោះបីជាយ៉ាងណាក៏ដោយ លោក អ៊ុក ហៃសីលា នៅតែបន្តស្នើឲ្យប្រជាពលរដ្ឋ ចូលរួមសហការជាមួយអាជ្ញាធរទាំង២៥រាជធានីខេត្តឲ្យសកម្មជាងមុន ក្នុងការផ្តល់ដំណឹងពីជនអន្តោប្រវេសន៍ខុសច្បាប់ ដែលលួចមកស្នាក់នៅ និងរកស៊ីដោយខុសច្បាប់នៅកម្ពុជា៕
បើតាមការលើកឡើងរបស់លោក អ៊ុក ហៃសីលា ប្រធាននាយកដ្ឋានស៊ើបអង្កេត និងអនុវត្តនីតិវិធី ជនបរទេសខុសច្បាប់សរុប៣៩៦១នាក់ (ស្រី៥១៧នាក់) រួមមាន៤៨សញ្ជាតិ ត្រូវបានបណ្តេញចេញពីកម្ពុជា ដោយគិតត្រឹមរយៈពេល១០ខែ ក្នុងឆ្នាំ២០១៥នេះ។ ក្នុងចំណោមជនអន្តោប្រវេសន៍ទាំងនោះ ជនជាតិវៀតណាម មានចំនួនច្រើនជាងគេ ដែលមានរហូតដល់៣៧៦១នាក់ (ស្រី៥០៣នាក់) ហើយបន្ទាប់មក គឺជនជាតិចិន ដែលមានជិត៣០០នាក់ ហើយបន្ទាប់មកទៀតគឺជនជាតិហ្វីលីពីន។
លោក អ៊ុក ហៃសីលា បានបន្ថែមទៀតថា ជនអន្តោប្រវេសន៍ទាំងនោះ ចូលមកស្នាក់នៅ និងធ្វើការដោយខុសច្បាប់ក្នុងព្រះរាជាណាចក្រកម្ពុជាតាមទម្រង់ផ្សេងៗគ្នា។ លោកបញ្ជាក់យ៉ាងនេះថា៖ «ជនជាតិវៀតណាមភាគច្រើន លួចឆ្លងដែនដោយខុសច្បាប់ចូលមករស់នៅតែម្តង ហើយបើជនជាតិចិនវិញ មានលិខិតឆ្លងដែន និងទិដ្ឋាការត្រឹមត្រូវ តែភាគច្រើនពួកគេប្រព្រឹត្តបទល្មើសផ្សេងៗ ឬក៏ប្រកបមុខរបរខុសច្បាប់ ដូចជាចាប់ជំរិតទារប្រាក់តាមទូរសព្ទជាដើម»។
ក្រោយពីមានការអំពាវនាវរបស់ ប្រធាននាយកដ្ឋានរូបនេះកន្លងមក ប្រជាពលរដ្ឋកម្ពុជា ហាក់ដូចជាមានសកម្មភាពខ្លាំងក្លាជាងមុន ក្នុងការរាយការណ៍ដល់សមត្ថកិច្ច ដើម្បីឃាត់ខ្លួនជនបរទេស ជាពិសេសជនជាតិវៀតណាម ដែលមករស់នៅដោយខុសច្បាប់។ លោកបញ្ជាក់ដូច្នេះថា៖ «ឥឡូវឃើញថាប្រជាពលរដ្ឋបានផ្តល់ដំណឹងមកសមត្ថកិច្ចច្រើនពីជនអន្តោប្រវេសន៍ខុសច្បាប់ ជាពិសេសជនជាតិវៀតណាមដែលរស់នៅនិងធ្វើការផ្តុំគ្នា»។
ទោះបីជាយ៉ាងណាក៏ដោយ លោក អ៊ុក ហៃសីលា នៅតែបន្តស្នើឲ្យប្រជាពលរដ្ឋ ចូលរួមសហការជាមួយអាជ្ញាធរទាំង២៥រាជធានីខេត្តឲ្យសកម្មជាងមុន ក្នុងការផ្តល់ដំណឹងពីជនអន្តោប្រវេសន៍ខុសច្បាប់ ដែលលួចមកស្នាក់នៅ និងរកស៊ីដោយខុសច្បាប់នៅកម្ពុជា៕
Tag:
បរទេសខុសច្បាប់
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
8 ម៉ោង
