ជាតិ
សង្គមជាតិ
បិទផ្លូវម្តុំវត្តបទុមវត្តីនៅព្រឹកថ្ងៃព្រហស្បតិ៍ដើម្បីធ្វើពិធីសម្ពោធគម្រោង JICA
×![]()
ដោយ: ម៉ៅ សុផា
សាលារាជធានីភ្នំពេញ នឹងប្រារព្ធពិធីសម្ពោធគម្រោងការពារទឹកជំនន់ និងកែលម្អប្រព័ន្ធប្រឡាយលូជំហានទី៣ ស្ថិតក្នុងសង្កាត់ចតុមុខ ខណ្ឌដូនពេញ ដែលប្រព្រឹត្តទៅក្រោមអធិបតីភាពរបស់ លោកនាយករដ្ឋមន្ត្រី ហ៊ុន សែន ។ ក្នុងអំឡុងពិធីនេះ សាលារាជធានីភ្នំពេញ នឹងបិទផ្លូវមួយចំនួន ស្ថិតនៅម្តុំវត្តបទុមវត្តីផងដែរ។
យោងតាមសេចក្តីជូនដំណឹងរបស់សាលារាជធានីភ្នំពេញ ផ្លូវមួយចំនួននឹងត្រូវបិទបណ្តោះអាសន្ន ដោយមិនអនុញ្ញាតឲ្យយានជំនិះគ្រប់ប្រភេទឆ្លងកាត់ ចាប់ពីម៉ោង៧ព្រឹក រហូតដល់ម៉ោង១១ព្រឹក ក្នុងពេលប្រារព្ធពិធីសម្ពោធគម្រោងការពារទឹកជំនន់ និងកែលម្អប្រព័ន្ធប្រឡាយលូជំហានទី៣ នៅទីតាំងសួនច្បារវត្តបទុមវត្តី ស្ថិតក្នុងសង្កាត់ចតុមុខ ខណ្ឌដូនពេញ ដែលនឹងប្រព្រឹត្តទៅនៅថ្ងៃទី៥ ខែវិច្ឆិកា ឆ្នាំ២០១៥ ។ ផ្លូវដែលត្រូវបិទនោះគឺ កំណាត់មហាវិថីព្រះសុធារស ចាប់ពីចំណុចប្រសព្វមហាវិថីព្រះសីហនុ រហូតដល់ផ្លូវលេខ ២៤០ មហាវិថីព្រះសុរាម្រិត និងកំណាត់ផ្លូវលេខ២៤០ ចាប់ពីចំណុចប្រសព្វមហាវិថីព្រះនរោត្តម រហូតដល់ព្រះមហាវិថីព្រះសុធារស ។
សូមបញ្ជាក់ថា គម្រោងការពារទឹកជំនន់ និងកែលម្អប្រព័ន្ធប្រឡាយលូជំហានទី៣នេះ គឺជាជំនួយរបស់រដ្ឋាភិបាលជប៉ុន តាមរយៈទីភ្នាក់ងារសហប្រត្តិការអន្តរជាតិជប៉ុន ហៅកាត់ថា JICA៕
យោងតាមសេចក្តីជូនដំណឹងរបស់សាលារាជធានីភ្នំពេញ ផ្លូវមួយចំនួននឹងត្រូវបិទបណ្តោះអាសន្ន ដោយមិនអនុញ្ញាតឲ្យយានជំនិះគ្រប់ប្រភេទឆ្លងកាត់ ចាប់ពីម៉ោង៧ព្រឹក រហូតដល់ម៉ោង១១ព្រឹក ក្នុងពេលប្រារព្ធពិធីសម្ពោធគម្រោងការពារទឹកជំនន់ និងកែលម្អប្រព័ន្ធប្រឡាយលូជំហានទី៣ នៅទីតាំងសួនច្បារវត្តបទុមវត្តី ស្ថិតក្នុងសង្កាត់ចតុមុខ ខណ្ឌដូនពេញ ដែលនឹងប្រព្រឹត្តទៅនៅថ្ងៃទី៥ ខែវិច្ឆិកា ឆ្នាំ២០១៥ ។ ផ្លូវដែលត្រូវបិទនោះគឺ កំណាត់មហាវិថីព្រះសុធារស ចាប់ពីចំណុចប្រសព្វមហាវិថីព្រះសីហនុ រហូតដល់ផ្លូវលេខ ២៤០ មហាវិថីព្រះសុរាម្រិត និងកំណាត់ផ្លូវលេខ២៤០ ចាប់ពីចំណុចប្រសព្វមហាវិថីព្រះនរោត្តម រហូតដល់ព្រះមហាវិថីព្រះសុធារស ។
សូមបញ្ជាក់ថា គម្រោងការពារទឹកជំនន់ និងកែលម្អប្រព័ន្ធប្រឡាយលូជំហានទី៣នេះ គឺជាជំនួយរបស់រដ្ឋាភិបាលជប៉ុន តាមរយៈទីភ្នាក់ងារសហប្រត្តិការអន្តរជាតិជប៉ុន ហៅកាត់ថា JICA៕
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
10 ម៉ោង
