ព័ត៍មានសុខភាព
×![]()
ដោយ: ថ្មីៗ
មានការសិក្សាជាច្រើនបានធ្វើការស្វែងយល់អំពីសម្បកឈើអែមដែលអាចគ្រប់គ្រងលើកម្រិតជាតិស្ករក្នុងឈាមបាន។ តាមការសិក្សាមួយក្នុងសារព័ត៌មាន American Journal of Clinical Nutrition បានឱ្យដឹងថា ការបន្ថែមសម្បកឈើអែមទៅក្នុងអាហារមានកាបូអ៊ីដ្រាតខ្ពស់អាចកាត់បន្ថយឥទ្ធិពលជាតិស្ករក្នុងឈាមរបស់អ្នកជំងឺបាន។ ក្រៅពីនេះ អាហារនោះអាចបន្ថយការឡើងជាតិស្ករក្នុងឈាមក្រោយពីញ៉ាំរួច ព្រោះវាទៅបន្ថយអត្រារំលាយអាហាររបស់ក្រពះក្រោយពីញ៉ាំរួចដែរ។
ការសិក្សាមួយផ្សេងទៀត ដែលធ្វើឡើងដោយនាយកដ្ឋានកសិកម្មអាមេរិក បានរកឃើញថា សារធាតុចម្រាញ់ចេញពីសម្បកឈើអែមជួយកាត់បន្ថយកត្តាប្រឈមមុខនឹងជំងឺទឹកនោមផ្អែម និងជំងឺបេះដូង។ ក្រោយពីចម្រាញ់សារធាតុចេញពីសម្បកឈើអែម៦ ទៅ១២សប្តាហ៍រួច គេរកឃើញថា សារធាតុទាំងនោះពង្រឹងដល់ស្ថានភាពអង់ទីអុកស៊ីដង់ ព្រមទាំងបន្ថយចំនួនជាតិស្ករក្នុងឈាមទៀត។
តាមការសិក្សាមួយដែលចុះផ្សាយក្នុង Diabetes Care បានឱ្យដឹងថា សម្បកឈើអែមប្រហែលជាអាចជួយពង្រឹងដល់ជាតិស្ករ និងខ្លាញ់ក្នុងឈាមចំពោះអ្នកជំងឺទឹកនោមផ្អែមប្រភេទទី២ទៀតដែរ។ ការសិក្សារកឃើញថា ការញ៉ាំសម្បកឈើអែមរហូតដល់៦ក្រាមក្នុងមួយថ្ងៃ អាចបន្ថយជាតិស្ករ ខ្លាញ់ Triglyceride កូឡេស្តេរ៉ុលអាក្រក់ និងកូឡេស្តេរ៉ុលសរុបក្នុងឈាមរបស់អ្នកជំងឺទឹកនោមផ្អែមប្រភេទទី២បាន។
សារព័ត៌មាន European Journal of Clinical Investigation បានឱ្យដឹងថា សារធាតុចម្រាញ់ចេញពីសម្បកឈើអែមអាចបន្ថយចំនួនជាតិស្ករក្នុងឈាមបានលឿន។
ដូច្នេះតើគួរញ៉ាំសម្បកឈើអែមប៉ុន្មានទៅ? អ្នកខ្លះយល់ថា ការញ៉ាំម្សៅសម្បកឈើអែមយ៉ាងហោចណាស់ កន្លះស្លាបព្រាបាយរាល់ថ្ងៃគឺមានប្រសិទ្ធភាពហើយ។ ការសិក្សាផ្សេងទៀតបានប្រើប្រាស់សម្បកឈើអែមពី១ ទៅ៦ក្រាម ប៉ុន្តែការញ៉ាំរបស់នេះច្រើនពេកគឺគ្រោះថ្នាក់ដល់សុខភាពទៅវិញទេ៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com
