ជាតិ
នយោបាយជាតិ
លោក សម រង្ស៊ី បង្ហោះរូបថតជាមួយលោកស្រី អ៊ុងសាន ស៊ូជី ខណៈលោកស្រី ស៊ូជី ទទួលជ័យជម្នះ ខណៈដែលគណបក្សប្រឆាំងរបស់លោកស្រី អ៊ុងសាន ស៊ូជី កំពុងទទួលបានសំឡេងឆ្នោតនៅមីយ៉ាន់ម៉ាភ្លូកទឹកភ្លូកដីនោះ លោក សម រង្ស៊ី ប្រធានគណបក្សប្រឆាំងនៅកម្ពុជានេះវិញ ក៏បានបង្ហោះរូបថតអនុស្សាវរីយ៍ជាមួយលោកស្រី អ៊ុងសាន ស៊ូជី។ រូបថតចំនួន២សន្លឹក ដែលលោក សម រង្ស៊ី បានជួបជាមួយលោកស្រី អ៊ុងសាន ស៊ូជី នោះគឺនៅក្នុងឆ្នាំ១៩៩៦ និងឆ្នាំ២០១៣ ។
ភ្ជាប់ជាមួយរូបថតនោះលោក សម រង្ស៊ី ក៏បានសរសេរលើហ្វេសប៊ុកខ្លួនទៀតថា៖«ជ័យជម្នះ ភ្លូកទឹកភ្លូកដី របស់លោកស្រី អ៊ុង សាន ស៊ូ ជី និងគណបក្ស "សម្ព័ន្ធភាពជាតិ ដើម្បីលទ្ធិប្រជាធិបតេយ្យ" របស់លោកស្រី ក្នុងការបោះឆ្នោត កាលពីថ្ងៃ ៨ វិច្ឆិកា ២០១៥ នៅប្រទេសភូមា គឺជាដំណឹងល្អ សម្រាប់លទ្ធិប្រជាធិបតេយ្យ ទូទាំងពិភពលោក ជាពិសេស សម្រាប់ ប្រទេសកម្ពុជា»។
© រក្សាសិទ្ធិដោយ thmeythmey.com