អន្តរជាតិ
លោក Helmut Schmidt អតីតអធិការបតីអាល្លឺម៉ង់ទទួលមរណភាពក្នុងអាយុ៩៦ឆ្នាំ
× អតីតអធិការបតីអាល្លឺម៉ង់ លោក Helmut Schmidt បានទទួលមរណភាពក្នុងអាយុ៩៦ឆ្នាំនាថ្ងៃអង្គារ ទី១០ ខែវិច្ឆិកា នេះ បន្ទាប់ពីសុខភាពរបស់លោកធ្លាក់ដុនដាបយ៉ាងខ្លាំងនារយៈពេលប៉ុន្មានសប្តាហ៍ចុងក្រោយ។ នេះបើតាមការផ្សាយរបស់ AFP។
លោក Helmut Schmidt ជាអតីតមេដឹកនាំគណបក្សសង្គមប្រជាធិបតី ដោយបានដឹកនាំប្រទេសអាល្លឺម៉ង់ពីឆ្នាំ១៩៧៤ ដល់ឆ្នាំ១៩៨២ ។ លោកបានទទួលមរណភាពនៅគេហដ្ឋានរបស់លោកក្នុងទីក្រុង Hamburg។
បើទោះបីជាចាកចេញពីនយោបាយជាង៣០ឆ្នាំកន្លងមកក៏ដោយ លោក Schmidt បានចូលរួមយ៉ាងសកម្មក្នុងវេទិកានយោបាយ។ លោកបានសរសេរសៀវភៅជាង៣០ក្បាល ហើយក៏ធ្លាប់ធ្វើនិពន្ធនាយក និងជាចាងហ្វាងការផ្សាយរបស់ទស្សនាវដ្តីប្រចាំសប្តាហ៍ Die Zeit ផងដែរ៕
© រក្សាសិទ្ធិដោយ thmeythmey.com