ជាតិ
សង្គមជាតិ
×![]()
សៀមរាប៖ កាលពីសប្តាហ៍មុន អភិបាលខេត្តសៀមរាប បានចុះទៅមើលទីតាំងសង់រោងជ្រកនៅមុខមន្ទីរពេទ្យជ័យវរ្ម័នទី៧ ឫពេទ្យគន្ធបុប្ផា។ ទោះបីស្ថិតក្នុងគម្រោងសិក្សានៅឡើយក្តី តែអភិបាលខេត្តអះអាងថា រោងជ្រកទាំងនោះ នឹងចេញជារូបរាងក្នុងពេលឆាប់ៗខាងមុខនេះ ដើម្បីបំពេញសេចក្តីត្រូវការរបស់ប្រជាពលរដ្ឋ។
ដោយមើលឃើញពីភាពលំបាករបស់ប្រជាពលរដ្ឋក្រីក្រ ដែលនាំកូនតូចៗពីទីឆ្ងាយៗ មកព្យាបាលជំងឺនៅមន្ទីរពេទ្យគន្ធបុប្ផាខេត្តសៀមរាប អភិបាលខេត្តលោក ឃឹម ប៊ុនសុង បានប្រកាសពីគម្រោងសង់រោងជ្រក នៅមុខមន្ទីរពេទ្យមួយនេះ។ បច្ចុប្បន្នគម្រោងនេះ កំពុងសិក្សា និងរកទីតាំងសមរម្យ ដើម្បីងាយស្រួលដល់ពលរដ្ឋជ្រកកំដៅថ្ងៃ និងភ្លៀង។
កន្លងមកគេឃើញថា ពលរដ្ឋក្រីក្រនៅទីឆ្ងាយៗ មាននៅខេត្តបាត់ដំបង បន្ទាយមានជ័យ ឧត្តរមានជ័យ និងព្រះវិហារជាដើម បានសម្រុកយកកូនថៅតូចៗរបស់ខ្លួន មកព្យាបាលជំងីក្នុងមន្ទីរពេទ្យគន្ធបុប្ផាខេត្តសៀមរាប ព្រោះពួកគេជឿលើសមត្ថភាពព្យាបាលក្នុងមន្ទីរពេទ្យមួយនេះ។ យ៉ាងណា ការរង់ចាំធ្វើឲ្យពួកគេជួបនូវការលំបាកមួយចំនួន រួមមានកំដៅថ្ងៃ និងទទឹកទឹកភ្លៀងជាដើម ព្រោះថាមន្ទីរពេទ្យពុំមានកន្លែងជ្រកនោះទេ មានតែផ្លូវចូលដែលក្រាលដោយឥដ្ឋតែប៉ុណ្ណោះ។ ពលរដ្ឋមួយចំនួនធំ បានអង្គុយរង់ចាំនៅកៀនរបង ខ្លះមានបាំងឆ័ត្រ ខ្លះក៏គ្មាន។
គម្រោងសង់រោងជ្រករបស់សាលាខេត្ត គឺជាផ្នែកមួយដើម្បីរៀបចំសណ្តាប់ធ្នាប់ក្រុងផង។ កន្លងមក ដោយសារគ្មានកន្លែងជ្រកត្រឹមត្រូវ ពលរដ្ឋដែលនាំកូនមកព្យាបាលនៅពេទ្យគន្ធបុប្ផា ខ្លះអង្គុយលើវាលស្មៅពេញមុខមន្ទីរពេទ្យ ខ្លះទៀតអង្គុយតាមកៀនផ្លូវចូលមុខមន្ទីរពេទ្យជាដើម។ សម្រាប់អ្នកកំដរអ្នកជំងឺ ខ្លះចងអង្រឹងដេកតាមរបងពេទ្យក៏មាន។ ដូច្នេះ ការរៀបចំរោងជ្រករបស់សាលាខេត្ត នឹងធ្វើឲ្យសោភ័ណ្ឌភាពនៅមុខមន្ទីរពេទ្យគន្ធបុប្ផា អាចនឹងស្រស់ស្អាតឡើងវិញ ជាពិសេសកាត់បន្ថយ ការកកស្ទះចរាចរណ៍នៅពេលព្រឹកជាដើម ខណៈដែលអ្នករង់ចាំ បានឈរហៀរមុខមន្ទីរពេទ្យ។
គម្រោងសង់រោងជ្រកនេះ មានការសាទរពីពលរដ្ឋ។ ពលរដ្ឋដែលយកកូនមកព្យាបាលនៅមន្ទីរពេទ្យគន្ធបុប្ផា នឹងលែងលំបាកទៀតហើយ ប្រសិនបើរោងជ្រនទាំងនោះ សង់រួចក្នុងពេលឆាប់ៗខាងមុខ៕
ដោយមើលឃើញពីភាពលំបាករបស់ប្រជាពលរដ្ឋក្រីក្រ ដែលនាំកូនតូចៗពីទីឆ្ងាយៗ មកព្យាបាលជំងឺនៅមន្ទីរពេទ្យគន្ធបុប្ផាខេត្តសៀមរាប អភិបាលខេត្តលោក ឃឹម ប៊ុនសុង បានប្រកាសពីគម្រោងសង់រោងជ្រក នៅមុខមន្ទីរពេទ្យមួយនេះ។ បច្ចុប្បន្នគម្រោងនេះ កំពុងសិក្សា និងរកទីតាំងសមរម្យ ដើម្បីងាយស្រួលដល់ពលរដ្ឋជ្រកកំដៅថ្ងៃ និងភ្លៀង។
កន្លងមកគេឃើញថា ពលរដ្ឋក្រីក្រនៅទីឆ្ងាយៗ មាននៅខេត្តបាត់ដំបង បន្ទាយមានជ័យ ឧត្តរមានជ័យ និងព្រះវិហារជាដើម បានសម្រុកយកកូនថៅតូចៗរបស់ខ្លួន មកព្យាបាលជំងីក្នុងមន្ទីរពេទ្យគន្ធបុប្ផាខេត្តសៀមរាប ព្រោះពួកគេជឿលើសមត្ថភាពព្យាបាលក្នុងមន្ទីរពេទ្យមួយនេះ។ យ៉ាងណា ការរង់ចាំធ្វើឲ្យពួកគេជួបនូវការលំបាកមួយចំនួន រួមមានកំដៅថ្ងៃ និងទទឹកទឹកភ្លៀងជាដើម ព្រោះថាមន្ទីរពេទ្យពុំមានកន្លែងជ្រកនោះទេ មានតែផ្លូវចូលដែលក្រាលដោយឥដ្ឋតែប៉ុណ្ណោះ។ ពលរដ្ឋមួយចំនួនធំ បានអង្គុយរង់ចាំនៅកៀនរបង ខ្លះមានបាំងឆ័ត្រ ខ្លះក៏គ្មាន។
គម្រោងសង់រោងជ្រករបស់សាលាខេត្ត គឺជាផ្នែកមួយដើម្បីរៀបចំសណ្តាប់ធ្នាប់ក្រុងផង។ កន្លងមក ដោយសារគ្មានកន្លែងជ្រកត្រឹមត្រូវ ពលរដ្ឋដែលនាំកូនមកព្យាបាលនៅពេទ្យគន្ធបុប្ផា ខ្លះអង្គុយលើវាលស្មៅពេញមុខមន្ទីរពេទ្យ ខ្លះទៀតអង្គុយតាមកៀនផ្លូវចូលមុខមន្ទីរពេទ្យជាដើម។ សម្រាប់អ្នកកំដរអ្នកជំងឺ ខ្លះចងអង្រឹងដេកតាមរបងពេទ្យក៏មាន។ ដូច្នេះ ការរៀបចំរោងជ្រករបស់សាលាខេត្ត នឹងធ្វើឲ្យសោភ័ណ្ឌភាពនៅមុខមន្ទីរពេទ្យគន្ធបុប្ផា អាចនឹងស្រស់ស្អាតឡើងវិញ ជាពិសេសកាត់បន្ថយ ការកកស្ទះចរាចរណ៍នៅពេលព្រឹកជាដើម ខណៈដែលអ្នករង់ចាំ បានឈរហៀរមុខមន្ទីរពេទ្យ។
គម្រោងសង់រោងជ្រកនេះ មានការសាទរពីពលរដ្ឋ។ ពលរដ្ឋដែលយកកូនមកព្យាបាលនៅមន្ទីរពេទ្យគន្ធបុប្ផា នឹងលែងលំបាកទៀតហើយ ប្រសិនបើរោងជ្រនទាំងនោះ សង់រួចក្នុងពេលឆាប់ៗខាងមុខ៕
Tag:
សៀមរាប
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
6 ម៉ោង
