ជាតិ
សង្គមជាតិ
ក្រសួងរៀបចំដែនដី បញ្ជាឲ្យទប់ស្កាត់ និងរុះរើសំណង់ខុសច្បាប់នៅទូទាំងប្រទេស
×![]()
ដោយ: ខន ចំប៉ា
ក្រសួងរៀបចំដែនដី នគរូបនីយកម្ម និងសំណង់ បានចេញបញ្ជាឲ្យអភិបាលរាជធានី ខេត្ត ទប់ស្កាត់ និងរុះរើសំណង់ខុសច្បាប់ ដែលសាងសង់រំលោភលើដីសាធារណៈ នៅទូទាំងប្រទេស។
ចំណាត់ការនេះ ធ្វើឡើងក្រោយពីមានការព្រមានពីលោក នាយករដ្ឋមន្ត្រី ហ៊ុន សែន ចាត់វិធានការលើមន្ត្រីពុករលួយដែលឃុបឃិតជាមួយ ក្រុមហ៊ុនឯកជន ដែលបណ្តោយឲ្យមានសំណង់អនាធិបតេយ្យខុសច្បាប់ នាំឲ្យប៉ះពាល់សោភ័ណភាពសាធារណៈ ។
បើតាមលិខិតដែលចុះហត្ថលេខាដោយ លោក អ៊ឹម ឈុនលឹម រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ កន្លងមកមានបាតុភាពកើតចេញពីការសាងសង់បំពានច្បាប់ដោយបុគ្គល ឬក្រុមហ៊ុន លើដីសាធារណៈ ដូចជាចំណីផ្លូវ និងសួនច្បារសាធារណៈ ដែលធ្វើឲ្យប៉ះពាល់ដល់សោភ័ណភាព សណ្តាប់ធ្នាប់ និងសុវត្ថិភាពសាធារណៈ។
ដើម្បីពង្រឹងការអនុវត្តច្បាប់ និងរក្សាបាននូវសណ្តាប់ធ្នាប់ និងសុវត្ថុភាពសាធារណៈ ក្រសួងបានបញ្ជារឲ្យអភិបាលរាជធានី ខេត្តនៅទូទាំងប្រទេស ត្រូវចាត់វិធានការដូចជា ផ្សព្វផ្សាយឲ្យបានទូលំទូលាយដល់ប្រជាពលរដ្ឋ និងធុរជនឲ្យបានជ្រួតជ្រាប និងចូលរួមអនុវត្តន៍វិធានការកែតម្រូវសំណង់ខុសច្បាប់ទាំងនោះ។
«កំណត់អត្តសញ្ញាណសំណង់ដែលសាងសង់រំលោភលើដីសាធារណៈ និងចាត់វិធានការតឹងរឹងឲ្យម្ចាស់សំណង់រុះរើ ឬកែតម្រូវជាបន្ទាន់ និងទប់ស្កាត់ឲ្យបានដាច់ខាតកុំឲ្យមានសំណង់ខុសច្បាប់រំលោភលើដីសាធារណៈ ទៅថ្ងៃមុខទៀត»។ នេះជាខ្លឹមសាររបស់លិខិតដដែល៕
Tag:
សំណង់អនាធិបតេយ្យ
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
4 ម៉ោង
