ព័ត៍មានសុខភាព
សុខភាព៖ របៀបសង្គ្រោះមុខដែលមានស្នាមអ៊ុចខ្មៅ
×
យើងខ្ញុំជឿជាក់ថានារីគ្រប់រូបសុទ្ធតែសង្ឃឹមចង់បានមុខដែលសស្អាត ហើយគ្មានស្នាមគ្រប់គ្នា ប៉ុន្តែសព្វថ្ងៃនេះដោយសារតែមូលហេតុផ្សេងៗបានធ្វើឱ្យមុខរបស់នារីមួយចំនួនមានស្នាមអ៊ុចខ្មៅ ដូចនេះគួរតែធ្វើដូចម្តេចទើបអាចសង្គ្រោះបាននោះ?
ផ្លែននោង
របៀបធ្វើ ៖ អ្នកអាចយកវាទៅហាលឱ្យស្ងួត បន្ទាប់មកកិនឱ្យម៉ត់ រួចយកទឹកលាយជាមួយវា បន្ទាប់មកយកមកលាបលើមុខ ទុកដល់ព្រឹកឡើងទើបយកទឹកក្តៅអ៊ុនៗលាងចេញ អ្នកក៏អាចយកទឹកឃ្មុំលាយដែរ ប៉ុន្តែមិនត្រូវទុកដល់ព្រឹកទេ អ្នកអាចលាងក្រោយពេលលាបបាន២០នាទីរួច។
ទឹកតែ
របៀបធ្វើ ៖ ក្រោយពេលដែលអ្នកលុបមុខរួច អ្នកអាចយកទឹកតែមកលាបលើមុខអ្នកបាន បន្ទាប់មកយកដៃរបស់អ្នកវ៉ៃមុខអ្នកថ្មមៗ រួចទើបលាងចេញ នោះវានឹងធ្វើឱ្យស្នាមនោះមានពណ៌រាងរាក់បន្តិច។
ស្ករក្រាម និងប្រេងអូលីវ
របៀបធ្វើ ៖ អ្នកអាចយកស្ករក្រាមលាយជាមួយប្រេងអូលីវ បន្ទាប់មកយកម៉ាសបិតមុខយកមកត្រាំនៅក្នុងនោះ រួចយកមកបិតលើមុខអ្នក ដោយមួយអាទិត្យអ្នកអាចធ្វើ២ទៅ៣ដងបាន នោះស្នាមទាំងនោះនឹងមានពណ៌រាក់ជាងមុន។
ពងមាន់
របៀបធ្វើ ៖ អ្នកអាចយកពងមាន់ត្រាំក្នុងទឹកខ្មេះសបាន ត្រាំដល់សំបកពងមាន់ប្រែជាទន់ បន្ទាប់មកយកផ្នែកសចេញ លាបលើមុខចំនួន២០នាទី ទើបលាងចេញ ប៉ុន្តែអ្នកត្រូវតែព្យាយាមធ្វើទើបបានសម្រេច ហើយទទួលបានលទ្ធផលល្អ៕
© រក្សាសិទ្ធិដោយ thmeythmey.com