ជាតិ
សង្គមជាតិ
បក្សប្រឆាំង និងអ្នកស្រាវជ្រាវសង្គម ពុំទាន់ជឿថា រដ្ឋាភិបាលអាចបញ្ឈប់ជួលដីតាមព្រំដែន
×![]()
ភ្នំពេញ៖ បក្សប្រឆាំង និងអ្នកស្រាវជ្រាវពីការអភិវឌ្ឍន៍សង្គម បានសាទរ ចំពោះចំណាត់ការរដ្ឋាភិបាល ដែលបញ្ជាឲ្យពលរដ្ឋតាមព្រំដែនបញ្ឈប់ជួលដីឲ្យប្រទេសជិតខាង។ ប៉ុន្តែ ពួកគេ ពុំទាន់ជឿជាក់ថា រដ្ឋាភិបាលអាចបញ្ឈប់ការជួលដីតាមព្រំដែនកម្ពុជា ថៃ ឡាវ ពិសេសគឺ វៀតណាម បាននៅឡើយ។
សូមស្ដាប់ព័ត៌មានលម្អិត៖
លោកនាយករដ្ឋមន្ត្រី ហ៊ុន សែន បានប្រកាសនៅថ្ងៃទី១៣ វិច្ឆិកានេះ ថា រដ្ឋាភិបាលនឹងចេញសារាចរណែនាំដល់ប្រជាពលរដ្ឋនៅតាមតំបន់ព្រំដែនឲ្យឈប់ជួល ដីស្រែចម្ការដល់បរទេស ពោលគឺឲ្យទៅជនជនជាតិវៀតណាម ថៃ និងឡាវ ដើម្បីចៀសវាងបញ្ហា (ដីខ្មែរ ស្រែវៀតណាម ដីខ្មែរស្រែថៃ ឬដីខ្មែរ ស្រែលាវ) ជាដើម។ ការប្រកាសរបស់លោក ហ៊ុន សែន ធ្វើឡើងនៅក្នុងកិច្ចប្រជុំពេញ អង្គគណៈរដ្ឋមន្ត្រីថ្ងៃសុក្រនេះ តាមរយៈទំព័រហ្វេសប៊ុករបស់លោក។
ទាក់ទិននឹងការលើកឡើងនេះ តំណាងរាស្ត្រគណបក្សសង្គ្រោះជាតិមណ្ឌលកំពង់ចាមលោក ម៉ៅ មុនីវណ្ណ សាទរនឹងវិធានរបស់រដ្ឋាភិបាល ដោយលោកលើកឡើងថា នេះ គឺវិធានការល្អសម្រាប់ការគ្រប់គ្រងការពារបូរណភាពទឹកដី ពិសេសតាមបណ្តោយខ្សែបន្ទាត់ព្រំដែន។ ប៉ុន្តែយ៉ាងណា តំណាងរាស្ត្របក្សប្រឆាំងក្នុងរដ្ឋសភាចំនួន ៣ អាណត្តិ រូបនេះ ពុំទាន់ជឿជាក់ថា រដ្ឋាភិបាលអាចដោះស្រាយបញ្ឈប់ការជួលដីតាមព្រំដែនឲ្យបរទេសនោះទេ។ «ជាការពិត ប្រជាពលរដ្ឋមានជីវភាពខ្វះខាត អាជ្ញាធរមូលដ្ឋានឃុបឃិត ប្រព្រឹត្តខុសច្បាប់ តើការអនុវត្តន៍សារាចរណែនាំនេះ បានកម្រិតណា»? នេះជាចម្ងល់របស់លោក ម៉ៅ មុនីវណ្ណ ជាតំណាងរាស្ត្រដែលតែងតែងតាមដានព្រំដែននេះ។
លោកយល់ឃើញថា ដើម្បីដោះស្រាយបញ្ហានេះ រដ្ឋាភិបាលគួរពង្រឹងច្បាប់ភូមិបាល បង្កើនកញ្ចប់ថវិកាជាតិ សម្រាប់ការអភិវឌ្ឍន៍ហេដ្ឋារចនាសម្ព័ន្ធ បង្កើតការវិនិយោគ សាលារៀន មន្ទីរពេទ្យ និងលើកកម្ពស់ជីវភាពប្រជាពលរដ្ឋតាមបណ្តោយព្រំដែន។
ដោយឡែក អ្នកសិក្សាស្រាវជ្រាវពីការអភិវឌ្ឍន៍សង្គមលោក កែម ឡី ក៏បានសាទរផងដែរ ចំពោះវិធានមួយនេះ។ ប៉ុន្តែលោកមិនទាន់ជឿជាក់ថា រដ្ឋាភិបាលអាចបញ្ឈប់ករណីជួលលក់ ដីតាមព្រំដែនបានទេ។ លោកបានលើកឡើងពីបញ្ហាស្មុគស្មាញមួយចំនួន ដែលរដ្ឋាភិបាល ត្រូវដោះស្រាយថា៖«បរទេសមានអត្តសញ្ញាណបណ្ណសញ្ជាតិខ្មែរកាន់កាប់ដីស្របច្បាប់។ វៀតណាមជាង ៩០ ភាគរយបានជួលទិញដីស្រែតាមព្រំដែន រីឯខ្មែរម្ចាស់ដីទៅជួលលក់ឲ្យគេ ដោយសារពួកគេធ្វើស្រែចម្ការមិនចំណេញ ព្រោះនៅពេលប្រមូលទិន្នផល តម្លៃលក់លើទីផ្សារធ្លាក់ចុះ។ ការអនុវត្តន៍ច្បាប់កាន់កាប់ដីធ្លី ពុំទាន់មានប្រសិទ្ធ បញ្ហាអំពើពុករលួយនៅថ្នាក់មូលដ្ឋាន តើរដ្ឋាភិបាលអាចដោះស្រាយបានទេ»?
ចំពោះលោក កែម ឡី រដ្ឋាភិបាលគួរប្រើច្បាប់ដាក់ទោសទណ្ឌ និងចាប់បង្ខំមន្ត្រី ប្រជាពលរដ្ឋ ឲ្យអនុវត្តន៍ការទិញលក់ដី និងដកដីទិញលក់ឲ្យបរទេសនោះមកវិញ។ ហើយថា រដ្ឋាភិបាល គួរជំរុញការអភិវឌ្ឍន៍តាមព្រំដែន ដោយរៀបចំផែនការអភិវឌ្ឍន៍សាកល្បងនូវភូមិគំរូ តាមបណ្តោយព្រំដែនកម្ពុជា ពិសេសគឺជាមួយវៀតណាម។
គួរបញ្ជាក់ផងដែរ បើតាមសារលើទំព័រហេ្វសប៊ុកលោកនាយករដ្ឋមន្ត្រី ហ៊ុន សែន រដ្ឋាភិបាល ម្ពុជា នឹងពិនិត្យមើលស្ថានភាពជាក់ស្តែងនៅតាមទីតាំងទាំងនោះ ដើម្បីរកវិធានការ អភិវឌ្ឍន៍ រួមទាំង ការសាងសង់លំនៅដ្ឋានសម្រាប់កងទ័ពនៅតាមបណ្តាព្រំដែនដើម្បីការពារទឹកដីកម្ពុជា។ ជាងនេះទៀត លោក នឹងផ្ញើលិខិតទៅនាយករដ្ឋមន្ត្រីនៃប្រទេសដែលជាប់ព្រំប្រទល់កម្ពុជា ដើម្បីឲ្យជួយសហការ និងហាមឃាត់មិនឲ្យពលរដ្ឋនៃប្រទេសទាំងនោះមកជួលដីនៅតាមព្រំដែនកម្ពុជាទៀតផង៕
សូមស្ដាប់ព័ត៌មានលម្អិត៖
លោកនាយករដ្ឋមន្ត្រី ហ៊ុន សែន បានប្រកាសនៅថ្ងៃទី១៣ វិច្ឆិកានេះ ថា រដ្ឋាភិបាលនឹងចេញសារាចរណែនាំដល់ប្រជាពលរដ្ឋនៅតាមតំបន់ព្រំដែនឲ្យឈប់ជួល ដីស្រែចម្ការដល់បរទេស ពោលគឺឲ្យទៅជនជនជាតិវៀតណាម ថៃ និងឡាវ ដើម្បីចៀសវាងបញ្ហា (ដីខ្មែរ ស្រែវៀតណាម ដីខ្មែរស្រែថៃ ឬដីខ្មែរ ស្រែលាវ) ជាដើម។ ការប្រកាសរបស់លោក ហ៊ុន សែន ធ្វើឡើងនៅក្នុងកិច្ចប្រជុំពេញ អង្គគណៈរដ្ឋមន្ត្រីថ្ងៃសុក្រនេះ តាមរយៈទំព័រហ្វេសប៊ុករបស់លោក។
ទាក់ទិននឹងការលើកឡើងនេះ តំណាងរាស្ត្រគណបក្សសង្គ្រោះជាតិមណ្ឌលកំពង់ចាមលោក ម៉ៅ មុនីវណ្ណ សាទរនឹងវិធានរបស់រដ្ឋាភិបាល ដោយលោកលើកឡើងថា នេះ គឺវិធានការល្អសម្រាប់ការគ្រប់គ្រងការពារបូរណភាពទឹកដី ពិសេសតាមបណ្តោយខ្សែបន្ទាត់ព្រំដែន។ ប៉ុន្តែយ៉ាងណា តំណាងរាស្ត្របក្សប្រឆាំងក្នុងរដ្ឋសភាចំនួន ៣ អាណត្តិ រូបនេះ ពុំទាន់ជឿជាក់ថា រដ្ឋាភិបាលអាចដោះស្រាយបញ្ឈប់ការជួលដីតាមព្រំដែនឲ្យបរទេសនោះទេ។ «ជាការពិត ប្រជាពលរដ្ឋមានជីវភាពខ្វះខាត អាជ្ញាធរមូលដ្ឋានឃុបឃិត ប្រព្រឹត្តខុសច្បាប់ តើការអនុវត្តន៍សារាចរណែនាំនេះ បានកម្រិតណា»? នេះជាចម្ងល់របស់លោក ម៉ៅ មុនីវណ្ណ ជាតំណាងរាស្ត្រដែលតែងតែងតាមដានព្រំដែននេះ។
លោកយល់ឃើញថា ដើម្បីដោះស្រាយបញ្ហានេះ រដ្ឋាភិបាលគួរពង្រឹងច្បាប់ភូមិបាល បង្កើនកញ្ចប់ថវិកាជាតិ សម្រាប់ការអភិវឌ្ឍន៍ហេដ្ឋារចនាសម្ព័ន្ធ បង្កើតការវិនិយោគ សាលារៀន មន្ទីរពេទ្យ និងលើកកម្ពស់ជីវភាពប្រជាពលរដ្ឋតាមបណ្តោយព្រំដែន។
ដោយឡែក អ្នកសិក្សាស្រាវជ្រាវពីការអភិវឌ្ឍន៍សង្គមលោក កែម ឡី ក៏បានសាទរផងដែរ ចំពោះវិធានមួយនេះ។ ប៉ុន្តែលោកមិនទាន់ជឿជាក់ថា រដ្ឋាភិបាលអាចបញ្ឈប់ករណីជួលលក់ ដីតាមព្រំដែនបានទេ។ លោកបានលើកឡើងពីបញ្ហាស្មុគស្មាញមួយចំនួន ដែលរដ្ឋាភិបាល ត្រូវដោះស្រាយថា៖«បរទេសមានអត្តសញ្ញាណបណ្ណសញ្ជាតិខ្មែរកាន់កាប់ដីស្របច្បាប់។ វៀតណាមជាង ៩០ ភាគរយបានជួលទិញដីស្រែតាមព្រំដែន រីឯខ្មែរម្ចាស់ដីទៅជួលលក់ឲ្យគេ ដោយសារពួកគេធ្វើស្រែចម្ការមិនចំណេញ ព្រោះនៅពេលប្រមូលទិន្នផល តម្លៃលក់លើទីផ្សារធ្លាក់ចុះ។ ការអនុវត្តន៍ច្បាប់កាន់កាប់ដីធ្លី ពុំទាន់មានប្រសិទ្ធ បញ្ហាអំពើពុករលួយនៅថ្នាក់មូលដ្ឋាន តើរដ្ឋាភិបាលអាចដោះស្រាយបានទេ»?
ចំពោះលោក កែម ឡី រដ្ឋាភិបាលគួរប្រើច្បាប់ដាក់ទោសទណ្ឌ និងចាប់បង្ខំមន្ត្រី ប្រជាពលរដ្ឋ ឲ្យអនុវត្តន៍ការទិញលក់ដី និងដកដីទិញលក់ឲ្យបរទេសនោះមកវិញ។ ហើយថា រដ្ឋាភិបាល គួរជំរុញការអភិវឌ្ឍន៍តាមព្រំដែន ដោយរៀបចំផែនការអភិវឌ្ឍន៍សាកល្បងនូវភូមិគំរូ តាមបណ្តោយព្រំដែនកម្ពុជា ពិសេសគឺជាមួយវៀតណាម។
គួរបញ្ជាក់ផងដែរ បើតាមសារលើទំព័រហេ្វសប៊ុកលោកនាយករដ្ឋមន្ត្រី ហ៊ុន សែន រដ្ឋាភិបាល ម្ពុជា នឹងពិនិត្យមើលស្ថានភាពជាក់ស្តែងនៅតាមទីតាំងទាំងនោះ ដើម្បីរកវិធានការ អភិវឌ្ឍន៍ រួមទាំង ការសាងសង់លំនៅដ្ឋានសម្រាប់កងទ័ពនៅតាមបណ្តាព្រំដែនដើម្បីការពារទឹកដីកម្ពុជា។ ជាងនេះទៀត លោក នឹងផ្ញើលិខិតទៅនាយករដ្ឋមន្ត្រីនៃប្រទេសដែលជាប់ព្រំប្រទល់កម្ពុជា ដើម្បីឲ្យជួយសហការ និងហាមឃាត់មិនឲ្យពលរដ្ឋនៃប្រទេសទាំងនោះមកជួលដីនៅតាមព្រំដែនកម្ពុជាទៀតផង៕
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 1 ថ្ងៃ
