ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
អត្ថបទពាណិជ្ជកម្ម
បទយកការណ៍/សម្ភាស
ជាតិ
សង្គមជាតិ
ស្ទឹងសៀមរាបមុនពិធីបុណ្យអុំទូកមកដល់
14, Nov 2015 ,
5:06 pm
រូបភាព
×
ដោយ:
អុីសា រ៉ហានី (Isa Rohany)
សៀមរាប៖ ស្ទឹងសៀមរាបកំពុងបង្ហាញសម្រស់ដ៏ស្រស់ស្អាតរបស់ខ្លួន មុនពិធីបុណ្យអុំទូកមកដល់នៅប៉ុន្មានថ្ងៃទៀតនេះ។ ទឹកស្ទឹងសៀមរាប ថ្លាស្រឡះ សឹងអាចឆ្លុះមុខបាន ក្រោយពីមានការសម្អាត យ៉ាងយកចិត្តទុកដាក់ ពីបុគ្គលិកអនាម័យរបស់សាលាក្រុងសៀមរាប។ គេសង្កេតឃើញថា ក្រៅពីសំរិទ្ធិសំរាំងនឹងការសម្អាតតាមដងស្ទឹង ដែលជាទីតាំងសម្រាប់ប្រារព្ធពិធីបុណ្យអុំទូកហើយនោះ ក្នុងនោះអាជ្ញាធរក្រុងក៏បាននិងកំពុងបំពាក់បង្គោលភ្លើងនៅតាមដងវិថីសំខាន់ៗផងដែរ ជាពិសេសផ្លូវសងខាង ដងស្ទឹងសៀមរាប។
អាជ្ញាធរខេត្តសៀមរាប បានកំណត់យកថ្ងៃទី២៤ និង២៥ វិច្ឆិកា ដើម្បីប្រារព្ធពិធីបុណ្យអុំទូក ដែលជាប្រពៃណីដ៏សំខាន់របស់ខ្មែរ។ កាលពីឆ្នាំ២០១៤កន្លងទៅ ខេត្តសៀមរាបមានទូកងចំនួន ៣៦ទូកចូលរួមអុំ ក្នុងនោះមានទូកនារី៦ទូក។ នៅឆ្នាំ២០១៥នេះ ចំនួនទូកមិនទាន់កំណត់នៅឡើយ ខណៈដែលទូកខ្លះបានដាក់បង្ហាញនៅមាត់ស្ទឹងហើយ ដើម្បីត្រៀមហាត់សម។
អភិបាលក្រុងសៀមរាប បានប្រកាសរិតបន្តឹងបញ្ហាអនាម័យ។ បញ្ហាអនាម័យដែលកាលពីឆ្នាំទៅ ហាក់មិនទាន់ប្រសើរនៅឡើយ ព្រោះថាក្រោយពីពិធីបុណ្យអុំទូកបិទបញ្ចប់ទៅ ថង់សំរាមរាប់មិនអស់ បានហើរពេញផ្ទៃសួនច្បារតាមដងស្ទឹង ដែលជាកន្លែងប្រណាំងទូក។ នៅឆ្នាំនេះ អាជ្ញាធរក្រុងសៀមរាប គ្រោងបន្ថែមធុងសំរាមប្រមាណ ២២០ធុងទៀត នៅតាមដងស្ទឹង ដើម្បីសម្រួលដល់ការសម្អាត។
ដោយឡែក មែកឈើចាស់ៗ ពុកផុយ នៅតាមមាត់ស្ទឹង ត្រូវបានកាត់រះយ៉ាងស្រឡះ ដើម្បីកុំឲ្យមានគ្រោះថ្នាក់កើតជាយថាហេតុ។ រហូតមកដល់ថ្ងៃសៅរ៍នេះ គេនៅមិនទាន់ឃើញការរៀបចំវេទិកា ស្តង់លក់ទំនិញ ឫឆាកតន្ត្រីនៅឡើយទេ ខណៈថ្ងៃនៃពិធីបុណ្យជិតខិតមកដល់ហើយនោះ៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
អុំទូក
© រក្សាសិទ្ធិដោយ thmeythmey.com
អត្ថបទពេញនិយម
សណ្ដែកកួរ ឡើងដល់៤ម៉ឺនរៀល ក្នុងមួយគីឡូក្រាម
5 ថ្ងៃ
«ប្រសប់»និង«ប្រសព្វ» មានសូរសព្ទដូចគ្នា តែន័យខុសគ្នា!
7 ថ្ងៃ
បុរាណវិទូប្រឹងគាស់កកាយអាថ៌កំបាំងព្រែកជីកស្រមោច ដែលបានជីកមុនរាជ្យព្រះបាទជ័យវរ្ម័នទី៧
1 សប្តាហ៍
តើពេលណាដែលគេសរសេរ«បរិបូរ, បរិបូណ៌ និង បរិបូរណ៍»នៅក្នុងសំណេរភាសាខ្មែរ?
15 ម៉ោង
«រឭក»,«រំឮក»,«រំលឹក» និង«រម្លឹក» ពាក្យណាត្រឹមត្រូវ?
2 ថ្ងៃ
អត្ថបទពេញនិយមបន្ថែម