ព័ត៍មានសុខភាព
ជំងឺទឹកនោមផ្អែមនឹងកើតលើប្រជាពលរដ្ឋខ្មែររហូតដល់ ៣ សែននាក់យ៉ាងឆាប់រហ័ស
× នាយិកាក្រុមហ៊ុន សាណូហ្វីកម្ពុជា បាននិយាយថា ប្រជាជនខ្មែរនឹងកើតជំងឺទឹកនោមផ្អែមនឹងកើនឡើងរហូតដល់៣សែននាក់ ល្គឹកណាគ្មានវិធានការទប់ស្កាត់ឲ្យបានត្រឹមត្រូវ។ ការលើកឡើងរបស់អ្នកស្រី ង្វៀន ធីង៉ុក មីញ ធ្វើឡើងនៅក្នុងទិវាទឹកនោមផ្អែមពិភពលោក ឆ្នាំ២០១៥ ដែលធ្វើឡើងកាលពីថ្ងៃទី១៣ វិច្ឆិកាកន្លងទៅ។
យោងតាមទីភ្នាក់ងារសារព័ត៌មានកម្ពុជា ដែលបានស្រង់សំដីរបស់នាយិកាក្រុមហ៊ុន សាណូហ្ចីកម្ពុជា អ្នកស្រី ង្វៀន ធីង៉ុក មីញ បានរៀបរាប់ត្រួសៗពីមូលហេតុនៃជំងឺទឹកនោមផ្អែម ក្នុងនោះមាន ការបរិភោគអាហារដែលមានកាឡូរីខ្ពស់ ការគ្មានលំហាត់ប្រាណ ជក់បារី ពិសាគ្រឿងស្រវឹងច្រើន ការលើសជាតិស្ករក្នុងឈាមច្រើនពេក ជាកត្តាដែលធ្វើអ្នកជំងឺប្រឈមមុខខ្ពស់ទៅនឹងជំងឺទឹកនោមផ្អែម។
នៅកម្ពុជាមិនទាន់មានរបាយណ៍ជាក់លាក់ចំពោះអ្នកជំងឺទឹកនោមផ្អែមនោះទេ តែតាមរបាយការណ៍របស់អង្គការ IDF ក្នុងឆ្នាំ២០១៤កន្លងទៅ បានបង្ហាញថារយៈពេល៥០ឆ្នាំ ចុងក្រោយនេះ សន្ទុះនៃអ្នកជំងឺទឹកនោមផ្អែម មានការកើនឡើងយ៉ាងឆាប់រហ័ស ដែលអ្នកជំងឺភាគច្រើនស្ថិតនៅក្នុងវ័យកណ្តាល ដែលមានរហូតទៅ ៤០០លាននាក់។ ការសិក្សាដដែលនេះ បានបញ្ជាក់ថា តួលេខនឹងកើតដល់ ៥៩២លាននាក់នៅត្រឹមឆ្នាំ ២០៣៥ ៕
© រក្សាសិទ្ធិដោយ thmeythmey.com