ព័ត៍មានសុខភាព
×![]()
ដោយ: ថ្មីៗ
តើអ្នកដឹងទេថាស្ករក្រហមពិតជាផ្តល់អត្ថប្រយោជន៍ច្រើនណាស់ដល់ស្បែកអ្នក វាអាចធ្វើឱ្យមុខអ្នកស្អាត អាចជម្រះស្បែកក្រិន អាចធ្វើឱ្យស្នាមអ៊ុចខ្មៅមានពណ៌រាក់ ថែមទាំងអាចធ្វើឱ្យស្បែកអ្នកទន់ ដូចនេះតើមានរូបមន្តអ្វីខ្លះដែលអាចធ្វើឱ្យស្បែកស្អាត?
តែស្ករក្រហម
អ្នកអាចយកតែបៃតងចំនួន២ក្រាម ស្ករក្រហមចំនួន៣០ក្រាម បន្ទាប់មកយកទឹកក្តៅដែលទើបនឹងពុះយកមកឆុងតែនោះ រួចទុក៥នាទី អាចពិសារបានហើយ ក្រោយពេលដែលអ្នកផឹករួច នោះស្បែកអ្នកនឹងប្រែជាភ្លឺរលោង ប្រសិនបើស្បែកអ្នកគ្រើម នោះវានឹងធ្វើឱ្យរលោងវិញ។
ម៉ាសស្ករក្រហម
អ្នកអាចយកស្ករក្រហមចំនួនមួយស្លាបព្រាតូច លាយជាមួយទឹកឃ្មុំចំនួន៣ភាគនៃស្ករក្រហមនោះ បន្ទាប់មកលាយបញ្ចូលគ្នា ដោយកូរឱ្យសព្វ អ្នកអាចយកវាមកលាបលើមុខដែលសើមបាន ប៉ុន្តែមិនត្រូវលាបនៅស្បែកដែលនៅជុំវិញភ្នែក និងមាត់ទេ រួចម៉ាស្សា ទុក៥នាទីរួចទើបលាងចេញ ដោយមួយអាទិត្យអ្នកអាចធ្វើម្តង នោះវានឹងជួយអ្នកជម្រះស្បែកក្រិន វាថែមទាំងអាចធ្វើឱ្យស្បែកអ្នកភ្លឺ ហើយអាចបំបាត់ស្នាមអ៊ុចខ្មៅបានទៀតផង។
ស្ករក្រហមជាមួយទឹកដោះគោ
អ្នកអាចយកស្ករក្រហមចំនួន៣០០ក្រាមដោយយកទឹកក្តៅធ្វើឱ្យវារលាយ បន្ទាប់មកចាក់ទឹកដោះគោស្រស់ដែលមានបរិមាណល្មមចូលទៅក្នុងនោះ រួចយកមកលាបលើមុខអ្នកចំនួន៣០នាទី ទើបយកទឹកលាងចេញ អ្នកអាចធ្វើមួយថ្ងៃម្តង ដោយអនុវត្តចំនួន៣ខែ នោះវានឹងជួយបំបាត់កោសិកាខ្មៅដែលមានក្នុងស្បែកអ្នក នោះស្បែកអ្នកនឹងមិនដុះចេញនូវស្បែកខ្មៅឡើយ ប៉ុន្តែជាធម្មតាគេអនុវត្តមួយអាទិត្យចំនួន២ដង៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com
