ជាតិ
×![]()
ដោយ: ថ្មីៗ
ជ័យលាភីសន្តិភាព Gusi ទាំង១៩រូប ដែលក្នុងនោះក៏មានលោក ហ៊ុន ម៉ានីដែរនោះ បានទៅដល់ទីក្រុងម៉ានីលប្រទេសហ្វីលីពីនជុំគ្នាហើយ។ នៅព្រឹកនេះ ជ័យលាភីទាំងអស់បានជួបជុំគ្នានៅសួនឧទ្យាន Rizal ដើម្បីចូលរួមគ្នាពិធីគោរពវិញ្ញាណក្ខន្តមួយ។
មនុស្សរាប់ពាន់នាក់រួមទាំងអ្នកសារព័ត៌មានផង បានចូលរួមក្នុងពិធីនេះ។ នេះបើតាមការបញ្ជាក់ពីអ្នកសម្របសម្រួលកម្មវិធីទទួលពានរង្វាន់របស់ប្រតិភូកម្ពុជា។
លោក ហ៊ុន ម៉ានី ដែលជាអ្នកតំណាងរាស្ត្រ និងប្រធានសហភាពសហព័ន្ធយុវជនកម្ពជា គឺជាជ័យលាភីរបស់កម្ពុជាដំបូងគេ ចាប់តាំងពីពានរង្វាន់នេះត្រូវបានបង្កើតឡើងនៅឆ្នាំ២០០២មក។ ហើយថា នៅក្នុងឆ្នាំ២០១៥នេះ ក្នុងចំណោមជ័យលាភីទាំង១៩រូប លោក ហ៊ុន ម៉ានី មានវ័យក្មេងជាងគេ។
ពិធីប្រគល់ និងទទួលពានរង្វាន់នឹងប្រព្រឹត្តិទៅនៅថ្ងៃពុធទី២៥វិច្ឆិកា ដោយមានការផ្សាយបន្តផ្ទាល់នៅកញ្ចក់ទូរទស្សន៍បាយ័នមកកម្ពុជាផងដែរ ចាប់ពីម៉ោង៥លា្ងច។
កម្ពុជាបាននាំយករបាំសហសម័យ ដែលសំដែងដោយសិល្បករ សិល្បការិនីចំនួន១៤រូប។ ទស្សនីយភាពនោះមានចំណងជើងថា ព្រះចន្ទពេញវង់ ដែលបង្ហាញពីសាមគ្គីភាព និងការរីកចម្រើនរបស់កម្ពុជា៕
© រក្សាសិទ្ធិដោយ thmeythmey.com
