ជាតិ
សង្គមជាតិ
លោក ហ៊ុន សែន ប្រាប់អាជ្ញាធរឲ្យការពារសុវត្ថិភាពពលរដ្ឋ
× ភ្នំពេញ៖ លោកនាយករដ្ឋមន្ត្រី ហ៊ុន សែន បានប្រាប់អាជ្ញាធរពាក់ព័ន្ធឲ្យបង្កើនការការពារសុវត្ថិភាពជូនប្រជាពលរដ្ឋ នៅថ្ងៃចុងក្រោយ នៃពិធីបុណ្យអុំទូកឆ្នាំនេះ។
នាយករដ្ឋមន្ត្រី ហ៊ុន សែន បានសរសេរលើទំព័រហេ្វសប៊ុកផ្លូវការរបស់លោក យ៉ាងដូច្នេះថា៖«ពីរថ្ងៃ ពីរយប់បានកន្លងផុតនៃព្រះរាជពិធីបុណ្យអុំទូក បណ្តែតប្រទីប សំពះព្រះខែ។ នេះជាថ្ងៃចុងក្រោយដែលខ្ញុំសង្ឃឹមថា សេចក្ដីសុខនឹងការសប្បាយរីករាយរបស់ប្រជាជននឹងបន្តកើតមានដូច ២ថ្ងៃកន្លងមក។ សង្ឃឹមលើអាជ្ញាធរមានសមត្ថកិច្ចគ្រប់លំដាប់ថ្នាក់ការពារប្រជាពលរដ្ឋគ្រប់ទីកន្លែង។សង្ឃឹមលើប្រជាពលរដ្ឋចេះការពារខ្លួនឯង ពិសេសការបើកបរ ដោយគោរពច្បាប់ចរាចរណ៍។ សូមជូនពរដល់បងប្អូនជនរួមជាតិទាំងអស់ ជួបតែសេចក្តីសុខនិងការរីកចំរើន»។
លោកនាយករដ្ឋមន្ត្រីផ្ញើសារលើទំព័រហ្វេសប៊ុកបែបនេះ ហាក់ព្រួយបារម្ភពីហេតុការណ៍ចៃដន្យណាមួយ ដែលអាចកើតឡើងប៉ះពាល់ដល់សុវត្ថិភាពពលរដ្ឋ។ គួររម្លឹកផងដែរ កាលពីថ្ងៃចុងក្រោយនៃពិធីបុណ្យអុំទូក នៅយប់ថ្ងៃទី២២ វិច្ឆិកា ឆ្នាំ២០១០ ឧបទ្ទវហេតុមនុស្សរត់ជាន់គ្នាលើស្ពានពេជ្របណ្តាលឱ្យពលរដ្ឋចំនួន ៣៥៤នាក់ស្លាប់ និងជាច្រើននាក់រងរបួស៕
© រក្សាសិទ្ធិដោយ thmeythmey.com