ជាតិ
សង្គមជាតិ
×![]()
សៀមរាប៖ បុណ្យឆ្លងផ្លូវ គឺជាពិធីមួយដ៏សំខាន់សម្រាប់អ្នកឃុំលាងដៃ។ ពិធីនេះត្រូវបានអ្នកភូមិជឿថា អាចនាំមកនូវសេចក្តីសុខសប្បាយដល់ពួកគេ ប៉ុន្តែវាអាចនឹងបង្កគ្រោះកាចផ្សេងៗ ប្រសិនបើពុំបានរៀបចំពិធីនេះទៅតាមទំលាប់។
គេធ្លាប់តែឃើញថ្នាក់ដឹកនាំ ឫអ្នកធំមួយចំនួន ចូលរួមកាត់ខ្សែបូ ដើម្បីសម្ពោធផ្លូវថ្នល់ សាលារៀន មន្ទីរពេទ្យ ឫវត្តអារាមជាដើម។ ខុសពីរូបភាពទាំងនោះ អ្នកឃុំលាងដៃ ដែលជាឃុំមួយ ស្ថិតក្នុងស្រុកអង្គរធំ ក្នុងតំបន់អង្គរ នៅតែប្រកាន់ភ្ជាប់ការរៀបចំពិធីបុណ្យឆ្លង ដើម្បីសម្ពោធសមិទ្ធិផលនានានៅក្នុងភូមិ។
ក្រោយពីទទួលបានចំណងដៃជាផ្លូវលំ ក្រាលក្រួសក្រហមមួយខ្សែប្រវែង ១៦០០ម៉ែត្រ ពីអាជ្ញាធរជាតិអប្សរារួចមក អ្នកឃុំលាងដៃបានរៀបចំពិធីឆ្លងផ្លូវ នៅក្នុងភូមិ ដើម្បីអបអរចំពោះសមិទ្ធិផលល្បី។ បុណ្យឆ្លងនេះ ត្រូវបានអ្នកឃុំ រៃអង្គាសថវិកាគ្នា ដើម្បីរៀបចំពិធីឲ្យអធិកអធម និងសមស្របទៅតាមក្បួនខ្នាត នៃពិធីដែលមានតាំងពីបុរាណកាលមក។
មេឃុំលាងដៃ អ្នកស្រី ដួង ឆោម បានឲ្យដឹងថា បុណ្យឆ្លងផ្លូវ ធ្វើឡើងដើម្បីឲ្យអ្នកភូមិ ក៏ដូចជាអ្នកដំណើរដែលបានឆ្លងកាត់ផ្លូវ មានសេចក្តីសុខសប្បាយ ជៀសវាងគ្រោះថ្នាក់ផ្សេងៗ ដែលកើតឡើងជាយថាហេតុ។ អ្នកស្រីបន្តថា ទំលាប់អ្នកភូមិអង្គរតាំងពីបុរាណកាលមក ចាំបាច់ត្រូវរៀបចំពិធីនេះ ដើម្បីបួងសួង សុំសេចក្តីសុខសប្បាយដល់អ្នកភូមិ ក៏ដូចជាឲ្យេះជ្រះស្រលះក្នុងអារម្មណ៍។ ប្រសិនបើពួកគេមិនបានធ្វើពិធីនេះទេ នោះពួកគេនឹងមានអារម្មណ៍ថា មិនទាន់បានធ្វើអ្វីមួយឲ្យសម្រេច ពេញលេញ ឫជ្រះស្រលះក្នុងចិត្តជាដើម។
ចំណែកលោក ហាប់ ពាង់ ចាស់ព្រឹទ្ធចារ្យ និងជាចៅអធិការវត្ត បានពន្យល់បន្ថែមពីមូលហេតុនៃការរៀបចំពិធីបុណ្យឆ្លង ដែលស្ទើរតែបាត់បង់ទៅហើយនេះថា គឺក្នុងបំណងចង់ឲ្យក្មេងៗជំនាន់ក្រោយបានដឹង និងអភិរក្សពិធីបុណ្យពីដូនតានេះតទៅមុខទៀត។ លោក ហាប់ ពាង់ បានបង្រៀនអ្នកភូមិឯទៀត ឲ្យចេះរៀបចំពិធីនេះ ទៅតាមលំអាននៃពិធី។ តាមការបញ្ជាក់របស់លោក ហាប់ ពាង់ ក្នុងពិធីឆ្លង មានរៀបចំជាពិធីក្រុងពាលី ពិធីសូទ្រមន្ត ពិធីបួងសួង និងពិធីចូលរូបជាដើម ដើម្បីសួរនាំថាការរៀបចំនេះ បានគ្រប់ជ្រុងជ្រោយហើយឫនៅ។ល។ នៅពេលយប់ ក៏មានការសម្តែងសិល្បៈដែលសម្តែងដោយក្រុមសិល្បៈប្រចាំភូមិឃុំផងដែរ។
តាមការបញ្ជាក់របស់លោក ហាប់ ពាង់ ប្រសិនបើអ្នកភូមិមិនបានរៀបពិធីឆ្លងនោះពួកគេនឹងជួបគ្រោះមួយចំនួន ដូចជា គ្រោះថ្នាក់ចរាចរណ៍ មានអ្នកលង់ទឹកស្លាប់ជាហូរហែរ។ ទាំងនេះជាអ្វីដែលចាស់ព្រឹទ្ធចារ្យ លោក ហាប់ ពាង់ តែងកត់សម្គាល់។
ផ្លូវក្រាលក្រួសក្រហមប្រវែង ១៦០០ម៉ែត្រ ទទឹង៥ម៉ែត្រ ដែលជាអំណោយរបស់អាជ្ញាធរជាតិអប្សរា បានបម្រើសេចក្តីត្រូវការដល់អ្នកភូមិចំនួន៥ភូមិ នៅក្នុងឃុំលាងដៃ។ ភូមិទាំងនោះមានភូមិលាងដៃ ភូមិដូនឪ ភូមិតាប្រុក ភូមិសំរោង និងភូមិភ្លង់។ តាមការបញ្ជាក់របស់មេឃុំលាងដៃ នៅរដូវវស្សា ផ្លូវបុរាណនេះ បានបង្កការលំបាកដល់ប្រជាពលរដ្ឋរស់នៅតំបន់នោះ នៅពេលពួកគេធ្វើដំណើរមកប្រកបរបររកស៊ីនៅតំបន់អង្គរជាដើម ព្រោះមានទឹកដក់ដោយកន្លែង។
គួរបញ្ជាក់ថា ផ្លូវលំដែលបម្រើផលប្រយោជន៍ដល់ប្រជាជនប្រមាណ១ពាន់គ្រួសារ ហើយដែលត្រូវសម្ពោធកាលពីថ្ងៃទី២៨ វិច្ឆិកានោះ គឺកសាងឡើងចេញពីភូមិលាងដៃ ទល់នឹងផ្លូវវង់ធំត្រង់ចំណុចខាងកើតប្រាសាទព្រះខ័ន៕
គេធ្លាប់តែឃើញថ្នាក់ដឹកនាំ ឫអ្នកធំមួយចំនួន ចូលរួមកាត់ខ្សែបូ ដើម្បីសម្ពោធផ្លូវថ្នល់ សាលារៀន មន្ទីរពេទ្យ ឫវត្តអារាមជាដើម។ ខុសពីរូបភាពទាំងនោះ អ្នកឃុំលាងដៃ ដែលជាឃុំមួយ ស្ថិតក្នុងស្រុកអង្គរធំ ក្នុងតំបន់អង្គរ នៅតែប្រកាន់ភ្ជាប់ការរៀបចំពិធីបុណ្យឆ្លង ដើម្បីសម្ពោធសមិទ្ធិផលនានានៅក្នុងភូមិ។
ក្រោយពីទទួលបានចំណងដៃជាផ្លូវលំ ក្រាលក្រួសក្រហមមួយខ្សែប្រវែង ១៦០០ម៉ែត្រ ពីអាជ្ញាធរជាតិអប្សរារួចមក អ្នកឃុំលាងដៃបានរៀបចំពិធីឆ្លងផ្លូវ នៅក្នុងភូមិ ដើម្បីអបអរចំពោះសមិទ្ធិផលល្បី។ បុណ្យឆ្លងនេះ ត្រូវបានអ្នកឃុំ រៃអង្គាសថវិកាគ្នា ដើម្បីរៀបចំពិធីឲ្យអធិកអធម និងសមស្របទៅតាមក្បួនខ្នាត នៃពិធីដែលមានតាំងពីបុរាណកាលមក។
មេឃុំលាងដៃ អ្នកស្រី ដួង ឆោម បានឲ្យដឹងថា បុណ្យឆ្លងផ្លូវ ធ្វើឡើងដើម្បីឲ្យអ្នកភូមិ ក៏ដូចជាអ្នកដំណើរដែលបានឆ្លងកាត់ផ្លូវ មានសេចក្តីសុខសប្បាយ ជៀសវាងគ្រោះថ្នាក់ផ្សេងៗ ដែលកើតឡើងជាយថាហេតុ។ អ្នកស្រីបន្តថា ទំលាប់អ្នកភូមិអង្គរតាំងពីបុរាណកាលមក ចាំបាច់ត្រូវរៀបចំពិធីនេះ ដើម្បីបួងសួង សុំសេចក្តីសុខសប្បាយដល់អ្នកភូមិ ក៏ដូចជាឲ្យេះជ្រះស្រលះក្នុងអារម្មណ៍។ ប្រសិនបើពួកគេមិនបានធ្វើពិធីនេះទេ នោះពួកគេនឹងមានអារម្មណ៍ថា មិនទាន់បានធ្វើអ្វីមួយឲ្យសម្រេច ពេញលេញ ឫជ្រះស្រលះក្នុងចិត្តជាដើម។
ចំណែកលោក ហាប់ ពាង់ ចាស់ព្រឹទ្ធចារ្យ និងជាចៅអធិការវត្ត បានពន្យល់បន្ថែមពីមូលហេតុនៃការរៀបចំពិធីបុណ្យឆ្លង ដែលស្ទើរតែបាត់បង់ទៅហើយនេះថា គឺក្នុងបំណងចង់ឲ្យក្មេងៗជំនាន់ក្រោយបានដឹង និងអភិរក្សពិធីបុណ្យពីដូនតានេះតទៅមុខទៀត។ លោក ហាប់ ពាង់ បានបង្រៀនអ្នកភូមិឯទៀត ឲ្យចេះរៀបចំពិធីនេះ ទៅតាមលំអាននៃពិធី។ តាមការបញ្ជាក់របស់លោក ហាប់ ពាង់ ក្នុងពិធីឆ្លង មានរៀបចំជាពិធីក្រុងពាលី ពិធីសូទ្រមន្ត ពិធីបួងសួង និងពិធីចូលរូបជាដើម ដើម្បីសួរនាំថាការរៀបចំនេះ បានគ្រប់ជ្រុងជ្រោយហើយឫនៅ។ល។ នៅពេលយប់ ក៏មានការសម្តែងសិល្បៈដែលសម្តែងដោយក្រុមសិល្បៈប្រចាំភូមិឃុំផងដែរ។
តាមការបញ្ជាក់របស់លោក ហាប់ ពាង់ ប្រសិនបើអ្នកភូមិមិនបានរៀបពិធីឆ្លងនោះពួកគេនឹងជួបគ្រោះមួយចំនួន ដូចជា គ្រោះថ្នាក់ចរាចរណ៍ មានអ្នកលង់ទឹកស្លាប់ជាហូរហែរ។ ទាំងនេះជាអ្វីដែលចាស់ព្រឹទ្ធចារ្យ លោក ហាប់ ពាង់ តែងកត់សម្គាល់។
ផ្លូវក្រាលក្រួសក្រហមប្រវែង ១៦០០ម៉ែត្រ ទទឹង៥ម៉ែត្រ ដែលជាអំណោយរបស់អាជ្ញាធរជាតិអប្សរា បានបម្រើសេចក្តីត្រូវការដល់អ្នកភូមិចំនួន៥ភូមិ នៅក្នុងឃុំលាងដៃ។ ភូមិទាំងនោះមានភូមិលាងដៃ ភូមិដូនឪ ភូមិតាប្រុក ភូមិសំរោង និងភូមិភ្លង់។ តាមការបញ្ជាក់របស់មេឃុំលាងដៃ នៅរដូវវស្សា ផ្លូវបុរាណនេះ បានបង្កការលំបាកដល់ប្រជាពលរដ្ឋរស់នៅតំបន់នោះ នៅពេលពួកគេធ្វើដំណើរមកប្រកបរបររកស៊ីនៅតំបន់អង្គរជាដើម ព្រោះមានទឹកដក់ដោយកន្លែង។
គួរបញ្ជាក់ថា ផ្លូវលំដែលបម្រើផលប្រយោជន៍ដល់ប្រជាជនប្រមាណ១ពាន់គ្រួសារ ហើយដែលត្រូវសម្ពោធកាលពីថ្ងៃទី២៨ វិច្ឆិកានោះ គឺកសាងឡើងចេញពីភូមិលាងដៃ ទល់នឹងផ្លូវវង់ធំត្រង់ចំណុចខាងកើតប្រាសាទព្រះខ័ន៕
Tag:
អង្គរ
© រក្សាសិទ្ធិដោយ thmeythmey.com
