ជាតិ
សេដ្ឋកិច្ច
អគារភ្លោះ Gateway នឹងលេចឡើងក្បែរសាលាតិចណូនៅឆ្នាំ២០១៦
× ទីក្រុងភ្នំពេញនឹងមានអគារភ្លោះឈ្មោះ Gateway កម្ពស់៣៩ជាន់មួយទៀតនៅក្បែរសាលាតិចណូ លើមហាវិថីសហព័ន្ធរុស្ស៊ី។ គេមិនទាន់ដឹងពីតម្លៃវិនិយោគលើអគារភ្លោះ និងថាតើអ្នកណាជាម្ចាស់នៃអគារភ្លោះនេះឡើយ ប៉ុន្តែដំណឹងស្តីពីវត្តមាននៃអគារភ្លោះនេះ ត្រូវបានផ្សព្វផ្សាយនៅលើទំព័រហ្វ៊េសប៊ុករបស់លោកឧកញ៉ា អូស្មាន ហាស្សាន់ ដែលគេស្គាល់ជាអ្នកជំនួញធំរបស់កម្ពុជា។
អគារពាណិជ្ជកម្មដែលនឹងត្រូវសាងសង់រួមគ្នាដោយវិនិយោគិនក្នុងស្រុក និងបរទេស នឹងត្រូវផ្តើមការសាងសង់នៅដើមឆ្នាំ២០១៦ ខាងមុខនេះ។ នេះបើតាមការបញ្ជាក់របស់លោក អូស្មាន ហាហ្សាន់ ដដែល មុននឹងលោកសរសេរបន្តយ៉ាងដូច្នេះថា៖«ទីនេះនឹងផ្ដល់ការងារដល់ប្រជាជនយើង ច្រើនពាន់នាក់ ហើយសង្ឃឹមថា រដ្ឋយើងនឹងទទួលបាននូវប្រាក់ពន្ធអាគារ សំណង់ ពន្ធអាជីវកម្ម (កន្លងមកបានពន្ធតែលើដីតូចមួយ) ពន្ធលើប្រាក់ចំណេញ ពន្ធលើប្រាក់បៀវត្ស»។
ចំពោះលោកឧកញ៉ាដែលជាខ្មែរអ៊ីស្លាម អគារភ្លោះGateway នឹងបន្ថែមសម្រស់ដល់រាជធានីភ្នំពេញដែលអាចទាក់ទាញភ្ញៀវទេសចរកាន់តែច្រើន និងសេចក្តីទុកចិត្តលើរដ្ឋាភិបាល។
លោកឧកញ៉ា អូស្មាន ហាហ្សាន់ គឺជារដ្ឋមន្ត្រីអមប្រតិភូនាយករដ្ឋមន្ត្រីផង ជារដ្ឋលេខាធិការនៃក្រសួងការងារផង និងជាប្រធានអង្គការមូលនិធិអភិវឌ្ឍមូស្លីមកម្ពុជាដែរ៕
Tag:
អគារភ្លោះ
សេដ្ឋកិច្ច
© រក្សាសិទ្ធិដោយ thmeythmey.com