ជាតិ
សង្គមជាតិ
អ្នកជំនាញកំពុងធ្វើពិដានឈើជំនួសពិដានចាស់ដែលបែកបាក់នៅប្រាសាទអង្គរ
ពិដានឈើដែលអ្នកជំនាញកំពុងឆ្លាក់យកទៅបំពាក់នៅរោងទងកូរសមុទ្រទឹកដោះនៃប្រាសាទអង្គរវត្ត
×![]()
សៀមរាប៖ អ្នកជំនាញប្រាសាទនៃអាជ្ញាធរជាតិអប្សរា កំពុងរៀបចំធ្វើពិដានឈើ ដើម្បីយកទៅបំពាក់នៅពិដានឈើចាស់ ដែលរងការបែកបាក់នៅប្រាសាទអង្គរវត្ត។ ជាជំហានសាងល្បង ពិដានឈើទាំងនោះ អាចនឹងត្រូវបំពាក់នៅពាក់កណ្តាលឆ្នាំក្រោយនេះ។
ជាជំហានដំបូង អាជ្ញាធរជាតិអប្សរា នឹងឆ្លាក់ពិដានឈើ តាមរចនាបថបុរាណ ទៅបំពាក់នៅរោងទងកូរសមុទ្រទឹកដោះ។ ពិដានឈើ ដែលស្ថិតក្នុងការសាកល្បងនេះ អាចមានទំហំចន្លោះពី ៣ទៅ៥ម៉ែត្រ។
លោក លី វណ្ណា ប្រធាននាយកដ្ឋានអភិរក្សក្នុងឧទ្យានអង្គរ និងបុរាណវិទ្យាបង្ការ នៃអាជ្ញាធរជាតិអប្សរា បានឲ្យដឹងនៅក្នុងកិច្ចប្រជុំអាយស៊ីស៊ី-អង្គរនៅព្រឹកថ្ងៃទី២ធ្នូនេះថា គម្រោងឆ្លាក់ពិដានថ្មីទៅជំនួសពិដានចាស់នេះ គឺស្ថិតក្រោមកិច្ចសហការរវាងមូលនិធិប្រាសាទបុរាណ ហៅកាត់ថា WMF របស់សហរដ្ឋអាមេរិក និងអាជ្ញាធរជាតិអប្សរា។ លោកបន្ថែមថា ក្រុមការងារបានយករោងទងកូរសមុទ្រទឹកដោះនៃប្រាសាទអង្គរវត្ត ដើម្បីបំពាក់សាកល្បង។
តាមពិតទៅ គម្រោងនេះមានការសិក្សាពីចម្លាក់ក្បាច់ប្រមាណជា៣ឆ្នាំ មុននឹងដាក់ទៅគណៈកម្មាធិការ អាយស៊ីស៊ី-អង្គរ ដើម្បីប្រជុំអនុម័ត។ អ្នកជំនាញបានសិក្សាពីសំណល់ចម្លាក់បុរាណ និងបានជ្រើសរើសប្រភេទឈើ ឆ្លាក់ដោយល្អិតល្អន់ តែប្រើបច្ចេកទេស ដើម្បីឲ្យចម្លាក់ មើលទៅដូចរូបបុរាណ។ លោក លី វណ្ណា ពន្យល់ពីបច្ចេកទេសឆ្លាក់ថា៖« ការយកចម្លាក់ថ្មីទៅជំនួសចម្លាក់ចាស់ មិនមែនចេះតែធ្វើនោះទេ។ ការរៀបពិដានឈើថ្មីនេះ យើងបានប្រើបច្ចេកទេសបាញ់គ្រាប់ខ្សាច់ទៅលើសាច់ឈើ ដើម្បីមើលទៅរៀងសឹក ហាក់ដូចជាចម្លាក់បុរាណដូច្នោះដែរ»។
គម្រោងបំពាក់ពិដានឈើនៅរោងទងកូរសមុទ្រទឹកដោះ នៃប្រាសាទអង្គរវត្ត នឹងដាក់ដំណើរការនៅអំឡុងខែ មិថុនា ឆ្នាំ២០១៦ខាងមុខនេះ ដែលដំណាក់កាលដំបូង អាចមានទំហំពី៣ ទៅ៥ម៉ែត្រ។ ក្បាច់ទាំងអស់ សរុបមានចំនួន១០ក្បាច់។ ប្រសិនបើគម្រោងនេះទទួលបានជោគជ័យនោះ គម្រោងនេះនឹងបន្តទៅទីតាំង និងប្រាសាទផ្សេងៗទៀត ក្នុងរមណីយដ្ឋានអង្គរ ដែលរងការខូចខាតដូចគ្នានេះ៕
ជាជំហានដំបូង អាជ្ញាធរជាតិអប្សរា នឹងឆ្លាក់ពិដានឈើ តាមរចនាបថបុរាណ ទៅបំពាក់នៅរោងទងកូរសមុទ្រទឹកដោះ។ ពិដានឈើ ដែលស្ថិតក្នុងការសាកល្បងនេះ អាចមានទំហំចន្លោះពី ៣ទៅ៥ម៉ែត្រ។
លោក លី វណ្ណា ប្រធាននាយកដ្ឋានអភិរក្សក្នុងឧទ្យានអង្គរ និងបុរាណវិទ្យាបង្ការ នៃអាជ្ញាធរជាតិអប្សរា បានឲ្យដឹងនៅក្នុងកិច្ចប្រជុំអាយស៊ីស៊ី-អង្គរនៅព្រឹកថ្ងៃទី២ធ្នូនេះថា គម្រោងឆ្លាក់ពិដានថ្មីទៅជំនួសពិដានចាស់នេះ គឺស្ថិតក្រោមកិច្ចសហការរវាងមូលនិធិប្រាសាទបុរាណ ហៅកាត់ថា WMF របស់សហរដ្ឋអាមេរិក និងអាជ្ញាធរជាតិអប្សរា។ លោកបន្ថែមថា ក្រុមការងារបានយករោងទងកូរសមុទ្រទឹកដោះនៃប្រាសាទអង្គរវត្ត ដើម្បីបំពាក់សាកល្បង។
តាមពិតទៅ គម្រោងនេះមានការសិក្សាពីចម្លាក់ក្បាច់ប្រមាណជា៣ឆ្នាំ មុននឹងដាក់ទៅគណៈកម្មាធិការ អាយស៊ីស៊ី-អង្គរ ដើម្បីប្រជុំអនុម័ត។ អ្នកជំនាញបានសិក្សាពីសំណល់ចម្លាក់បុរាណ និងបានជ្រើសរើសប្រភេទឈើ ឆ្លាក់ដោយល្អិតល្អន់ តែប្រើបច្ចេកទេស ដើម្បីឲ្យចម្លាក់ មើលទៅដូចរូបបុរាណ។ លោក លី វណ្ណា ពន្យល់ពីបច្ចេកទេសឆ្លាក់ថា៖« ការយកចម្លាក់ថ្មីទៅជំនួសចម្លាក់ចាស់ មិនមែនចេះតែធ្វើនោះទេ។ ការរៀបពិដានឈើថ្មីនេះ យើងបានប្រើបច្ចេកទេសបាញ់គ្រាប់ខ្សាច់ទៅលើសាច់ឈើ ដើម្បីមើលទៅរៀងសឹក ហាក់ដូចជាចម្លាក់បុរាណដូច្នោះដែរ»។
គម្រោងបំពាក់ពិដានឈើនៅរោងទងកូរសមុទ្រទឹកដោះ នៃប្រាសាទអង្គរវត្ត នឹងដាក់ដំណើរការនៅអំឡុងខែ មិថុនា ឆ្នាំ២០១៦ខាងមុខនេះ ដែលដំណាក់កាលដំបូង អាចមានទំហំពី៣ ទៅ៥ម៉ែត្រ។ ក្បាច់ទាំងអស់ សរុបមានចំនួន១០ក្បាច់។ ប្រសិនបើគម្រោងនេះទទួលបានជោគជ័យនោះ គម្រោងនេះនឹងបន្តទៅទីតាំង និងប្រាសាទផ្សេងៗទៀត ក្នុងរមណីយដ្ឋានអង្គរ ដែលរងការខូចខាតដូចគ្នានេះ៕
Tag:
អង្គរ
© រក្សាសិទ្ធិដោយ thmeythmey.com
