ជាតិ
×![]()
រដ្ឋាភិបាលចិន នឹងសាង់សង់អគារការិយាល័យថ្នាក់ដឹកនាំព្រឹទ្ធសភាតម្លៃជិត ៣ លានដុល្លារអាមេរិកដល់រដ្ឋាភិបាលកម្ពុជា។ លោក អ៊ុំ សារិទ្ធ អគ្គលេខាធិការព្រឹទ្ធសភា និងលោក PENG ZHENG ប្រធានគម្រោងសាង់សង់ នៃទីប្រឹក្សាសេដ្ឋកិច្ច និងពាណិជ្ជកម្មចិន បានចុះហត្ថលេខាគម្រោងសាងសង់រួចរាល់ហើយ កាលពីរសៀលថ្ងៃទី៣០ ខែវិច្ឆិកា នៅវិមានព្រឹទ្ធសភា។ នេះបើយោងតាមគេហទំព័រ AKP។ 
អគារថ្មីដែលរដ្ឋាភិបាលចិនគ្រោងនឹងសាង់សង់នេះមានទំហំ ១,៥០០ម៉ែត្រការ៉េ មានកម្ពស់ ៣ជាន់ និងមានតម្លៃ ២២លានយន់ ប្រហែជិត ៣ លានដុល្លារអាមេរិក ហើយអគារនេះគ្រោងនឹងសាងសង់រួចក្នុងរយៈពេលជាង១ឆ្នាំខាងមុខនេះ។ នេះមិនមែនជាជំនួយលើកទី១ទេ របស់រដ្ឋាភិបាលចិន ក្នុងរយៈពេល១៥ឆ្នាំមកនេះចិនបានជួយដល់ព្រឹទ្ធសភាកម្ពុជានូវអគារនិងគម្រោងសាងសង់ ៩លើកហើយបើគិតទាំងគម្រោងនេះ។ នេះបើតាមការបញ្ជាក់របស់ លោក អ៊ុំ សារិទ្ធ អគ្គលេខាធិការព្រឹទ្ធសភា។
លោក អ៊ុំ សារិទ្ធ បានវាយតម្លៃខ្ពស់ចំពោះជំនួយរបស់រដ្ឋាភិបាលចិនចំពោះព្រឹទ្ធសភាកម្ពុជា ដែលបានរួមចំណែកយ៉ាងសំខាន់ក្នុងកិច្ចអភិវឌ្ឍន៍ការងារព្រឹទ្ធសភាកម្ពុជាលើគ្រប់ផ្នែក និងគ្រប់វិស័យ ជាពិសេសសម្រាប់ការិយាល័យថ្នាក់ដឹកនាំទាំងបីរបស់ព្រឹទ្ធសភាកម្ពុជា។ លោកសង្ឃឹមថា ក្រោយពីពិធីចុះហត្ថលេខានេះ នឹងធ្វើឱ្យកិច្ចដំណើរការសាងសង់ប្រកបដោយរលូន និងតាមកាលកំណត់៕
Tag:
ព្រឹទ្ធសភា
© រក្សាសិទ្ធិដោយ thmeythmey.com
