អន្តរជាតិ
ប៉ាក ហ្គឺនហេ អាចបាត់តំណែងព្រោះកែប្រវត្តិសាស្ត្រ និងបន្ថយអត្រាយុវជនគ្មានការងារ?
×![]()
ប្រជាជនកូរ៉េខាងត្បូងរាប់ម៉ឺននាក់បានបន្តបង្ហាញការខឹងសម្បារចំពោះរដ្ឋាភិបាលបក្សអភិរក្សរបស់លោកស្រី ប៉ាក ហ្គឺនហេ (Pak Geun Hye) ក្នុងការចងក្រងសៀវភៅប្រវត្តិសាស្ត្រឡើងវិញ និងរៀបចំគោលនយោបាយការងារថ្មី។ ប្រជាជនកូរ៉េ ទាមទារឲ្យរដ្ឋាភិបាលលោកស្រីចុះចេញពីតំណែង និងបញ្ឈប់ការបន្តកំណែទម្រង់ដែលផ្ទុយឆន្ទៈប្រជាជននិងបំផ្លាញប្រជាធិបតេយ្យ។
ប្រជាជនកូរ៉េរាប់ម៉ឺននាក់បានប្រមូលផ្តុំគ្នាកណ្តាលរដ្ឋធានីសេអ៊ូល ដើម្បីទាមទារឲ្យប្រធានាធិបតីកូរ៉េ លោកស្រី ប៉ាក ហ្គឺនហេ ចុះចេញពីតំណែង និងសុំអភ័យជាសាធារណៈ ចំពោះការបង្ក្រាបបាតុករ កាលពីពាក់កណ្តាលខែមុន។ មូលហេតុដែល ក្រុមបាតុករទាំងនោះបាតុកម្ម គឺដើម្បីប្រឆាំងគោលនយោបាយកែទម្រង់ប្រព័ន្ធការងារ និងកែប្រែសៀវភៅប្រវត្តិសាស្ត្រដែលកែប្រែមុខមាត់ឪពុករបស់លោកស្រីដែលត្រូវគេចាត់ទុកជាមេដឹកនាំផ្តាច់ការ។ ក្រុមបាតុករបាន អះអាងផងថា រដ្ឋាភិបាលបច្ចុប្បន្នកំពុងធ្វើឲ្យប្រជាធិបតេយ្យនៅកូរ៉េទន់ខ្សោយ។
១. កំណែទម្រង់ច្បាប់ការងារ ជួយកាត់បន្ថយអត្រាអ្នកគ្មានការងារធ្វើ
តាមពិតទៅ ក្រុមបាតុករប្រឆាំងនឹងគោលនយោបាយការងាររបស់រដ្ឋាភិបាលបក្សអភិរក្សរបស់លោកស្រី ប៉ាក ហ្គឺហេ ព្រោះគោលនយោបាយកំណែទម្រង់នេះលុបចោលគោលការណ៍ផ្តល់ប្រាក់បៀវត្សតាមសមត្ថភាពបំពេញការងារ និងកម្រិតប្រាក់ខែរបស់បុគ្គលិកដែលបម្រើការងារយូរឆ្នាំ។ ការកម្រិតបែបនេះ វាជំរុញឲ្យមានការកាត់បន្ថយអត្រាយុវជនគ្មានការងារធ្វើ ព្រោះម្ចាស់ក្រុមហ៊ុនអាចជ្រើសរើសបុគ្គលិកវ័យក្មេងឲ្យមកធ្វើការបានច្រើនជាងមុនផង។
វាប្រាកដណាស់ថា បាតុករភាគច្រើនជាបុគ្គលិកដែលបម្រើកាងាររយៈពេលយូរ ហើយពួកគេមិនសប្បាយចិត្តឡើយចំពោះគោលនយោបាយថ្មីនេះ។ ប៉ុន្តែស្របពេលដែលមានមនុស្សជាច្រើនបាតុកម្មប្រឆាំង គេក៏ឃើញមានក្រុមប្រជាជនច្រើនដែរ បានបង្ហាញការគាំទ្រចំណាត់ការថ្មីនេះ ព្រោះវាជួយដោះស្រាយបញ្ហាគ្មានការងារធ្វើក្នុងសង្គមកូរ៉េ ដែលជាកង្វល់ធំបច្ចុប្បន្ននេះ។
ដោយឡែកក្រោយមានចលនាបាតុកម្មកើតឡើងបន្តបន្ទាប់ គេឃើញអាជ្ញាធរកូរ៉េខាងត្បូងដាក់ចេញដីកាចាប់ខ្លួនមេដឹកនាំសហជីពផងដែរ ដោយសារក្រុមនេះបានបញ្ឆេះនិងបង្កឲ្យមានបាតុកម្មប្រឆាំងអាជ្ញាធរផង។
២.កែសៀវភៅប្រវត្តិសាស្ត្រ ចម្រូងចម្រាសតែមិនមែនបំភ្លៃការពិត?
នៅប្រហែល ២ឆ្នាំទៀតទេ អាណត្តិលោកស្រី ប៉ាក ហ្គឺនហេ នឹងត្រូវបញ្ចប់ហើយ។ អ្នកនយោបាយរូបនេះខំប្រឹងប្រែងដើម្បីសម្រេចគោលនយោបាយទាំងនេះឲ្យបានមុនពេលលោកស្រីចាកចេញពីតំណែងព្រោះប្រធានាធិបតីមានសិទ្ធិឈរឈ្មោះតែមួយអាណត្តិប៉ុណ្ណោះ។ ក្នុងចំណោមគោលនយោបាយសំខាន់ៗរបស់លោកស្រី ក៏មានការកែប្រែប្រវត្តិសាស្ត្រដើម្បីលើកមុខឪពុករបស់លោកស្រី ដែលត្រូវគេចាត់ទុកជាមេដឹកនាំផ្តាច់ការនោះ។
ក្នុងចំណោមអ្នកតវ៉ាកន្លងមក មានគ្រូបង្រៀន អ្នកស្រាវជ្រាវ និងប្រជាជនសាមញ្ញផង។ពួកគេបានលើកឡើងថា រដ្ឋាភិបាលដឹកនាំដោយលោកស្រី ប៉ាក ហ្គឺនហេ មានមហិច្ឆតាកែលម្អរប្រវត្តិសាស្ត្រដែលចែងពីឳពុកលោកស្រីថាជាមេដឹកនាំកាន់តំណែងយូរជាងនិងជាមេដឹកនាំផ្តាច់ការក្នុងប្រវត្តិសាស្ត្រឲ្យ ទៅជាវីរៈបុរសដែលបានប្រឹងប្រែងកសាងកូរ៉េខាងត្បូងប៉ុណ្ណោះ។
ប្រធានាធិបតីកូរ៉េពិតជាចង់កែខៃរឿងរ៉ាវដែលចារិកក្នុងសៀវភៅប្រវត្តិសាស្ត្រ ពាក់ព័ន្ធរបបដឹកនាំឳពុកលោកស្រី លោក Park Chung-hee ដែលឡើងកាន់តំណែងដោយធ្វើរដ្ឋប្រហារយោធាមួយដើម្បីដណ្តើមអំណាច។ ក្នុងសៀវភៅប្រវត្តិសាស្ត្រលោក Park Chung-heeត្រូវបានគេចាត់ទុកជាមេដឹកនាំផ្តាច់ការសម័យនោះ និងរំលោភសិទ្ធិសេរីភាពដោយធ្វើទុក្ខបុកម្នេញប្រជាជននិងអ្នកនយោបាយដែលប្រឆាំងលោកផង។ លោកបានឡើងកាន់តំណែងក្នុងឆ្នាំ ១៩៦១ តែនៅក្នុងឆ្នាំ ១៩៧៩ លោកត្រូវបានគេធ្វើឃាតតែម្តង។ ប៉ុន្តែទោះជារបបដឹកនាំរបស់លោកមានភាពផ្តាច់ការក៏ដោយ ប្រជាជនកូរ៉េខាងត្បូងក៏នៅចាំច្បាស់ពីសមិទ្ធផល និងការខិតខំប្រឹងប្រែងរបស់លោកក្នុងការដឹកនាំប្រទេសកូរ៉េខាងត្បូងដែលក្រីក្របំផុតក្រោយសង្គ្រាមឲ្យមកជាប្រទេសដែលមានសេដ្ឋកិច្ចធំជាងគេលំដាប់លេខ១១លើលោក និងរីកចម្រើនជាងគេមួយផងដែរនោះ។ បើសិនគ្មានមេដឹកនាំនេះទេ កូរ៉េខាងត្បូងក៏ពិបាកស្គាល់ការអភិវឌ្ឍដូចបច្ចុប្បន្ននេះដែរ។
ជុំវិញការទិតៀននេះ លោកស្រី ប៉ាក ហ្គឺនហេ បានចេញមុខបកស្រាយថាសៀវភៅប្រវត្តិសាស្ត្រដែលសិស្សកំពុងសិក្សាបច្ចុប្បន្នមានភាពលម្អៀងហើយធ្វើឲ្យមានការបែកខ្ញែកគ្នារវាងប្រជាជននិងសិស្សជុំវិញបញ្ហានយោបាយនិងជម្លោះមនោគមន៍វិជ្ជា។ អ្នកគាំទ្រលោកស្រី ដែលគាំទ្រនិន្នាការអភិរក្សនិយមនោះ បានសង្កត់ធ្ងន់ថា សៀវភៅប្រវត្តិសាស្ត្របច្ចុប្បន្នលម្អៀងបន្តិច រិះគន់តែរបបដឹកនាំកូរ៉េខាងត្បូងកាលពីសម័យមុន តែមិនសូវរិះគន់របបដឹកនាំផ្តាច់ការរបស់ក្រុងព្យុងយ៉ាងឡើយ។
ចំណែករដ្ឋមន្ត្រីក្រសួងអប់រំកូរ៉េខាងត្បូង Hwang Woo-yea តាំងពីដើមមកបានព្យាយាមការពារគោលបំណងប្តូរសៀវភៅប្រវត្តិសាស្ត្រនេះដែរ។ សៀវភៅពុម្ពប្រវត្តិសាស្ត្រថ្មីនឹងបង្រៀនសិស្សឲ្យដឹងពីប្រវត្តិសាស្ត្រដ៏គួរឲ្យកោតសរសើររបស់កូរ៉េខាងត្បូង ដ្បិតកូរ៉េខាងត្បូងមានលទ្ធភាពសម្រេចបានលទ្ធិប្រជាធិបតេយ្យនិងឧស្សាហូបនីយកម្មបានរហ័សជាងគេក្នុងប្រវតិ្តសាស្ត្រពិភពលោក។
សៀវភៅថ្មីនឹងត្រូវចងក្រងដោយសាស្ត្រាចារ្យប្រវត្តិសាស្ត្រ និងអ្នកជំនាញជាច្រើននាក់ដែលត្រូវចាត់តាំងដោយរដ្ឋាភិបាលបច្ចុប្បន្ន ហើយកាលបរិច្ឆេទនៃការចេញផ្សាយសៀវភៅនេះដំបូង នៅឆ្នាំ ២០១៧ខាងមុខ។
ប្រជាជនកូរ៉េរាប់ម៉ឺននាក់បានប្រមូលផ្តុំគ្នាកណ្តាលរដ្ឋធានីសេអ៊ូល ដើម្បីទាមទារឲ្យប្រធានាធិបតីកូរ៉េ លោកស្រី ប៉ាក ហ្គឺនហេ ចុះចេញពីតំណែង និងសុំអភ័យជាសាធារណៈ ចំពោះការបង្ក្រាបបាតុករ កាលពីពាក់កណ្តាលខែមុន។ មូលហេតុដែល ក្រុមបាតុករទាំងនោះបាតុកម្ម គឺដើម្បីប្រឆាំងគោលនយោបាយកែទម្រង់ប្រព័ន្ធការងារ និងកែប្រែសៀវភៅប្រវត្តិសាស្ត្រដែលកែប្រែមុខមាត់ឪពុករបស់លោកស្រីដែលត្រូវគេចាត់ទុកជាមេដឹកនាំផ្តាច់ការ។ ក្រុមបាតុករបាន អះអាងផងថា រដ្ឋាភិបាលបច្ចុប្បន្នកំពុងធ្វើឲ្យប្រជាធិបតេយ្យនៅកូរ៉េទន់ខ្សោយ។
១. កំណែទម្រង់ច្បាប់ការងារ ជួយកាត់បន្ថយអត្រាអ្នកគ្មានការងារធ្វើ
តាមពិតទៅ ក្រុមបាតុករប្រឆាំងនឹងគោលនយោបាយការងាររបស់រដ្ឋាភិបាលបក្សអភិរក្សរបស់លោកស្រី ប៉ាក ហ្គឺហេ ព្រោះគោលនយោបាយកំណែទម្រង់នេះលុបចោលគោលការណ៍ផ្តល់ប្រាក់បៀវត្សតាមសមត្ថភាពបំពេញការងារ និងកម្រិតប្រាក់ខែរបស់បុគ្គលិកដែលបម្រើការងារយូរឆ្នាំ។ ការកម្រិតបែបនេះ វាជំរុញឲ្យមានការកាត់បន្ថយអត្រាយុវជនគ្មានការងារធ្វើ ព្រោះម្ចាស់ក្រុមហ៊ុនអាចជ្រើសរើសបុគ្គលិកវ័យក្មេងឲ្យមកធ្វើការបានច្រើនជាងមុនផង។
វាប្រាកដណាស់ថា បាតុករភាគច្រើនជាបុគ្គលិកដែលបម្រើកាងាររយៈពេលយូរ ហើយពួកគេមិនសប្បាយចិត្តឡើយចំពោះគោលនយោបាយថ្មីនេះ។ ប៉ុន្តែស្របពេលដែលមានមនុស្សជាច្រើនបាតុកម្មប្រឆាំង គេក៏ឃើញមានក្រុមប្រជាជនច្រើនដែរ បានបង្ហាញការគាំទ្រចំណាត់ការថ្មីនេះ ព្រោះវាជួយដោះស្រាយបញ្ហាគ្មានការងារធ្វើក្នុងសង្គមកូរ៉េ ដែលជាកង្វល់ធំបច្ចុប្បន្ននេះ។
ដោយឡែកក្រោយមានចលនាបាតុកម្មកើតឡើងបន្តបន្ទាប់ គេឃើញអាជ្ញាធរកូរ៉េខាងត្បូងដាក់ចេញដីកាចាប់ខ្លួនមេដឹកនាំសហជីពផងដែរ ដោយសារក្រុមនេះបានបញ្ឆេះនិងបង្កឲ្យមានបាតុកម្មប្រឆាំងអាជ្ញាធរផង។
២.កែសៀវភៅប្រវត្តិសាស្ត្រ ចម្រូងចម្រាសតែមិនមែនបំភ្លៃការពិត?
នៅប្រហែល ២ឆ្នាំទៀតទេ អាណត្តិលោកស្រី ប៉ាក ហ្គឺនហេ នឹងត្រូវបញ្ចប់ហើយ។ អ្នកនយោបាយរូបនេះខំប្រឹងប្រែងដើម្បីសម្រេចគោលនយោបាយទាំងនេះឲ្យបានមុនពេលលោកស្រីចាកចេញពីតំណែងព្រោះប្រធានាធិបតីមានសិទ្ធិឈរឈ្មោះតែមួយអាណត្តិប៉ុណ្ណោះ។ ក្នុងចំណោមគោលនយោបាយសំខាន់ៗរបស់លោកស្រី ក៏មានការកែប្រែប្រវត្តិសាស្ត្រដើម្បីលើកមុខឪពុករបស់លោកស្រី ដែលត្រូវគេចាត់ទុកជាមេដឹកនាំផ្តាច់ការនោះ។
ក្នុងចំណោមអ្នកតវ៉ាកន្លងមក មានគ្រូបង្រៀន អ្នកស្រាវជ្រាវ និងប្រជាជនសាមញ្ញផង។ពួកគេបានលើកឡើងថា រដ្ឋាភិបាលដឹកនាំដោយលោកស្រី ប៉ាក ហ្គឺនហេ មានមហិច្ឆតាកែលម្អរប្រវត្តិសាស្ត្រដែលចែងពីឳពុកលោកស្រីថាជាមេដឹកនាំកាន់តំណែងយូរជាងនិងជាមេដឹកនាំផ្តាច់ការក្នុងប្រវត្តិសាស្ត្រឲ្យ ទៅជាវីរៈបុរសដែលបានប្រឹងប្រែងកសាងកូរ៉េខាងត្បូងប៉ុណ្ណោះ។
ប្រធានាធិបតីកូរ៉េពិតជាចង់កែខៃរឿងរ៉ាវដែលចារិកក្នុងសៀវភៅប្រវត្តិសាស្ត្រ ពាក់ព័ន្ធរបបដឹកនាំឳពុកលោកស្រី លោក Park Chung-hee ដែលឡើងកាន់តំណែងដោយធ្វើរដ្ឋប្រហារយោធាមួយដើម្បីដណ្តើមអំណាច។ ក្នុងសៀវភៅប្រវត្តិសាស្ត្រលោក Park Chung-heeត្រូវបានគេចាត់ទុកជាមេដឹកនាំផ្តាច់ការសម័យនោះ និងរំលោភសិទ្ធិសេរីភាពដោយធ្វើទុក្ខបុកម្នេញប្រជាជននិងអ្នកនយោបាយដែលប្រឆាំងលោកផង។ លោកបានឡើងកាន់តំណែងក្នុងឆ្នាំ ១៩៦១ តែនៅក្នុងឆ្នាំ ១៩៧៩ លោកត្រូវបានគេធ្វើឃាតតែម្តង។ ប៉ុន្តែទោះជារបបដឹកនាំរបស់លោកមានភាពផ្តាច់ការក៏ដោយ ប្រជាជនកូរ៉េខាងត្បូងក៏នៅចាំច្បាស់ពីសមិទ្ធផល និងការខិតខំប្រឹងប្រែងរបស់លោកក្នុងការដឹកនាំប្រទេសកូរ៉េខាងត្បូងដែលក្រីក្របំផុតក្រោយសង្គ្រាមឲ្យមកជាប្រទេសដែលមានសេដ្ឋកិច្ចធំជាងគេលំដាប់លេខ១១លើលោក និងរីកចម្រើនជាងគេមួយផងដែរនោះ។ បើសិនគ្មានមេដឹកនាំនេះទេ កូរ៉េខាងត្បូងក៏ពិបាកស្គាល់ការអភិវឌ្ឍដូចបច្ចុប្បន្ននេះដែរ។
ជុំវិញការទិតៀននេះ លោកស្រី ប៉ាក ហ្គឺនហេ បានចេញមុខបកស្រាយថាសៀវភៅប្រវត្តិសាស្ត្រដែលសិស្សកំពុងសិក្សាបច្ចុប្បន្នមានភាពលម្អៀងហើយធ្វើឲ្យមានការបែកខ្ញែកគ្នារវាងប្រជាជននិងសិស្សជុំវិញបញ្ហានយោបាយនិងជម្លោះមនោគមន៍វិជ្ជា។ អ្នកគាំទ្រលោកស្រី ដែលគាំទ្រនិន្នាការអភិរក្សនិយមនោះ បានសង្កត់ធ្ងន់ថា សៀវភៅប្រវត្តិសាស្ត្របច្ចុប្បន្នលម្អៀងបន្តិច រិះគន់តែរបបដឹកនាំកូរ៉េខាងត្បូងកាលពីសម័យមុន តែមិនសូវរិះគន់របបដឹកនាំផ្តាច់ការរបស់ក្រុងព្យុងយ៉ាងឡើយ។
ចំណែករដ្ឋមន្ត្រីក្រសួងអប់រំកូរ៉េខាងត្បូង Hwang Woo-yea តាំងពីដើមមកបានព្យាយាមការពារគោលបំណងប្តូរសៀវភៅប្រវត្តិសាស្ត្រនេះដែរ។ សៀវភៅពុម្ពប្រវត្តិសាស្ត្រថ្មីនឹងបង្រៀនសិស្សឲ្យដឹងពីប្រវត្តិសាស្ត្រដ៏គួរឲ្យកោតសរសើររបស់កូរ៉េខាងត្បូង ដ្បិតកូរ៉េខាងត្បូងមានលទ្ធភាពសម្រេចបានលទ្ធិប្រជាធិបតេយ្យនិងឧស្សាហូបនីយកម្មបានរហ័សជាងគេក្នុងប្រវតិ្តសាស្ត្រពិភពលោក។
សៀវភៅថ្មីនឹងត្រូវចងក្រងដោយសាស្ត្រាចារ្យប្រវត្តិសាស្ត្រ និងអ្នកជំនាញជាច្រើននាក់ដែលត្រូវចាត់តាំងដោយរដ្ឋាភិបាលបច្ចុប្បន្ន ហើយកាលបរិច្ឆេទនៃការចេញផ្សាយសៀវភៅនេះដំបូង នៅឆ្នាំ ២០១៧ខាងមុខ។
© រក្សាសិទ្ធិដោយ thmeythmey.com
