អន្តរជាតិ
បារាំងបានឆ្កែ «Dobrynya» ពីរុស្ស៊ីដើម្បីជំនួស «Diesel» ដែលងាប់ដោយការវាយប្រហារ
×
ក្នុងពិធីមួយក្នុងទីក្រុងមូស្គូកាលពីថ្ងៃចន្ទ រុស្ស៊ី បានប្រគល់សុនខ «Dobrynya» ដើម្បីជំនួសសុនខ ឈ្មោះ «Diesel» បានងាប់ក្នុងការតាមប្រមាញ់ក្រុមភេរវករនៅក្នុងទីក្រុងប៉ារីស ប្រទេសបារាំង កាលពីខែមុន។
ឆ្កែ «Diesel» ដែលមានងារជាមន្ត្រីប៉ូលិស បានងាប់ នាអំឡុងពេលនៃប្រតិបត្តិការតាមចាប់ភេរវករនៅអាគារមួយ ជុំវិញការវាយប្រហារនៅក្នុងទីក្រុងប៉ារីស។ ដើម្បីបង្ហាញពីកាយវិការនៃសាមគ្គីភាព រុស្ស៊ី បានសម្រេចផ្តល់កាដូ «ឆ្កែ» ថ្មីមួយដល់បារាំង។
យោងតាម AFP រដ្ឋមន្ត្រីក្រសួងមហាផ្ទៃរុស្ស៊ី លោក Vladimir Kolokoltsev បានផ្ញើលិខិតទៅសមភាគីបារាំង លោក Bernard Cazeneuve ទាក់ទងការផ្តល់កាដូ ដែលជានិមិត្តរូបនៃសាមគ្គីភាពនេះ។ សុនខ «Dobrynya» ជាឈ្មោះឧទ្ទិសដល់វីរបុរសក្នុងរឿងនិទានរុស្ស៊ី Dobryanya Nikitich។
© រក្សាសិទ្ធិដោយ thmeythmey.com