ជាតិ
សង្គមជាតិ
ទេសចរបរទេសទិញប័ណ្ណទស្សនាអង្គរមានជាង២សែនក្នុងខែវិច្ឆិកា
× សៀមរាប៖ យោងតាមរបាយការណ៍ចំណូលទេសចរណ៍ប្រចាំខែ របស់អាជ្ញាធរជាតិអប្សរា បានបង្ហាញថា ក្នុងខែវិច្ឆិកា មានភ្ញៀវទេសចរអន្តរជាតិជាង២សែននាក់ ដែលបានទិញប័ណ្ណចូលទស្សនាក្នុងរមណីយដ្ឋានអង្គរ។ ចំនួននេះ គឺកើនឡើងជាង ៣ភាគរយ បើធៀបនឹងខែវិច្ឆិកា ឆ្នាំ២០១៤ ។
ខែវិច្ឆិកា ឆ្នាំ២០១៥ ភ្ញៀវទេសចរដែលចូលមកកម្សាន្តក្នុងរមណីយដ្ឋានអង្គរ មានចំនួន ២០០,០៨៥នាក់។ តួលេខនេះ កើនឡើង ៣.៥៤ភាគរយ ធៀបនឹងឆ្នាំ២០១៤ ។ ក្នុងរបាយការណ៍សង្ខេបរបស់អាជ្ញាធរជាតិអប្សរាបានបន្ត និងបូកសរុបពីចំណូលក្នុងខែវិច្ឆិកា ថាមានចំនួន ជិត៦លានដុល្លារអាមេរិក (៥,៨៧៥,៤០០) ធ្វើឲ្យកើនឡើង ៥.៧១ភាគរយ ធៀបនឹងឆ្នាំ២០១៤ ។
ដូចគ្នាទៅនឹងរបាយការណ៍ជាប្រចាំខែរបស់ខ្លួន អាជ្ញាធរជាតិអប្សរា ក៏បានបូកសរុបតួលេខភ្ញៀវទេសចរ ដែលទិញប័ណ្ណទស្សនាអង្គរ តាំងពីដើមឆ្នាំមកដែរ។ រយៈពេល១១ខែកន្លងមកនេះ មានទេសចរប្រមាណជិត ២លាននាក់ (១,៨៧៧,៤៣៦) កើនឡើងជាង ២ភាគរយ។ ១១ខែកន្លងមកនេះ ធ្វើឲ្យចំណូលពីការលក់ប័ណ្ណទស្សនាអង្គរ មានរហូតដល់ទៅ ៥៣,៥៥៦,៤៨០ដុល្លារអាមេរិក គឺកើនជាង ១ភាគរយ៕
© រក្សាសិទ្ធិដោយ thmeythmey.com