អន្តរជាតិ
របបសឹកថៃ ចាប់ខ្លួនអ្នកតវ៉ារឿងអាស្រូវពុករលួយនៅឧទ្យានជាតិជាបន្តបន្ទាប់
×![]()
រឿងអាស្រូវពុករលួយនៅឧទ្យាន រាចាបាទី (Rajabhakti) បានឈានដល់ដំណាក់កាលមួយគួរព្រួយបារម្ភ ដ្បិតទាំងសកម្មជននយោបាយ និងទាំងនិស្សិតដែលតវ៉ានឹងរឿងអាស្រូវពុករលួយរបស់យោធានៅ ឧទ្យាននោះ ត្រូវបានចាប់ខ្លួនជាបន្តបន្ទាប់។ ការចាប់ខ្លួននោះ គឺក្រោមការចោទប្រកាន់ការតវ៉ានោះជាសកម្មភាពនយោបាយនោះទេ។
ក្រុមយោធាថៃ ចេញការព្រមានរាល់ការប្រមូលផ្តុំទាំងឡាយដើម្បីតវ៉ានឹងរឿងអាស្រូវពុករលួយរបស់ យោធានៅឧទ្យានជាតិដែលជាកន្លែងសក្ការៈបូជាសម្រាប់ព្រះមហាក្សត្រ និងប្រជាជនថៃ។ ការចេញព្រមាននេះ ដោយចោទថា សកម្មភាពតវ៉ាត្រូវបានធ្វើឡើងក្រោមរូបភាពនយោបាយ និងទាញផល នយោបាយតែប៉ុណ្ណោះ។
ថ្មីៗនេះមានព័ត៌មានបែកធ្លាយពីរឿងអាស្រូវពុករលួយនៅក្នុងឧស្យាន រាចាបាទី ដែលស្ថិតក្រោមការគ្រប់គ្រងដោយ លោកឧត្តមសេនីយ៍ Udomdej Sitabutr អនុរដ្ឋមន្ត្រីក្រសួងការពារជាតិថៃ។ រឿងអា ស្រូវ នោះគឺមានការអះអាងមួយចំនួនលើកឡើងថា មានការប្រព្រឹត្តអំពើពុករលួយ និងភាពមិនប្រក្រតី លើមូលនីតិនៃការសាងសង់ឧទ្យាននោះ។
បញ្ហានេះ បានកែប្រែតំបន់ឧទ្យានរាចាបាទី ក្លាយជាតំបន់នយោបាយក្តៅ និងរសើប។ កាលពីសបា្តហ៍ មុន មេដឹកនាំបក្សប្រឆាំងភឿថៃពីររូប ក៏ត្រូវបានចាប់ខ្លួន ក្រោយពីពួកគេ បានព្យាយាមទៅទីនោះ និង ថែមទាំងរិះគន់អាជ្ញាធរទៀតផង។ ពួកគេត្រូវបានដោះលែងវិញហើយ ក្រោយពីទទួលការណែនាំ។
តែអ្វីដែលធ្ងន់ធ្ងរនោះ កាលពីថ្ងៃទី០៧ ខែធ្នូ ម្សិលមិញ យោធា ក៏បានចាប់ខ្លួន និងឃុំខ្លួនក្រុមនិស្សិត ជាច្រើននាក់ដែលអះអាងខ្លួនថាអ្នកសិក្សាលទ្ធិប្រជាធិបតេយ្យ ខណៈពួកគេកំពុងតែធ្វើដំណើរឆ្ពោះ ទៅកាន់ឧទ្យានក្នុងគោលបំណងប្រមូលផ្តុំគ្នាដើម្បីប្រឆាំង និងទាមទារឲ្យរដ្ឋាភិបាលថៃចាត់វិធានលើ រឿងអាស្រូវនោះ។
ជុំវិញបញ្ហានេះ លោកនាយករដ្ឋមន្ត្រីរដ្ឋប្រហារ ប្រាយុទ្ធ ចាន់អូចា បានអះអាងថា គ្មានអំពើពុករលួយ បានកើតឡើងនោះទេ ហើយលោក ក៏មិនមានគម្រោងដើម្បីដាក់សម្ពាធទៅលើអនុរដ្ឋមន្ត្រីការពារជាតិដើម្បីចុះចេញពីតំណែងដែរ។ តែលោក ប្រាយុទ្ធ បានបង្កើតគណៈកម្មាការមួយដើម្បីស៊ើបអង្កេតលើ រឿងអាស្រូវនេះ។ មតិសាធារណៈ បានទាមទារឲ្យមានការស៊ើបអង្កេតមួយដោយឯករាជ្យ ដ្បិត ប្រធានស៊ើបអង្កេតនោះ គឹជាឧត្តមសេនីយ៍ដែលជាប្អូនប្រុសរបស់លោកនាយករដ្ឋមន្ត្រីប្រាយុទ្ធផងដែរ៕
ក្រុមយោធាថៃ ចេញការព្រមានរាល់ការប្រមូលផ្តុំទាំងឡាយដើម្បីតវ៉ានឹងរឿងអាស្រូវពុករលួយរបស់ យោធានៅឧទ្យានជាតិដែលជាកន្លែងសក្ការៈបូជាសម្រាប់ព្រះមហាក្សត្រ និងប្រជាជនថៃ។ ការចេញព្រមាននេះ ដោយចោទថា សកម្មភាពតវ៉ាត្រូវបានធ្វើឡើងក្រោមរូបភាពនយោបាយ និងទាញផល នយោបាយតែប៉ុណ្ណោះ។
ថ្មីៗនេះមានព័ត៌មានបែកធ្លាយពីរឿងអាស្រូវពុករលួយនៅក្នុងឧស្យាន រាចាបាទី ដែលស្ថិតក្រោមការគ្រប់គ្រងដោយ លោកឧត្តមសេនីយ៍ Udomdej Sitabutr អនុរដ្ឋមន្ត្រីក្រសួងការពារជាតិថៃ។ រឿងអា ស្រូវ នោះគឺមានការអះអាងមួយចំនួនលើកឡើងថា មានការប្រព្រឹត្តអំពើពុករលួយ និងភាពមិនប្រក្រតី លើមូលនីតិនៃការសាងសង់ឧទ្យាននោះ។
បញ្ហានេះ បានកែប្រែតំបន់ឧទ្យានរាចាបាទី ក្លាយជាតំបន់នយោបាយក្តៅ និងរសើប។ កាលពីសបា្តហ៍ មុន មេដឹកនាំបក្សប្រឆាំងភឿថៃពីររូប ក៏ត្រូវបានចាប់ខ្លួន ក្រោយពីពួកគេ បានព្យាយាមទៅទីនោះ និង ថែមទាំងរិះគន់អាជ្ញាធរទៀតផង។ ពួកគេត្រូវបានដោះលែងវិញហើយ ក្រោយពីទទួលការណែនាំ។
តែអ្វីដែលធ្ងន់ធ្ងរនោះ កាលពីថ្ងៃទី០៧ ខែធ្នូ ម្សិលមិញ យោធា ក៏បានចាប់ខ្លួន និងឃុំខ្លួនក្រុមនិស្សិត ជាច្រើននាក់ដែលអះអាងខ្លួនថាអ្នកសិក្សាលទ្ធិប្រជាធិបតេយ្យ ខណៈពួកគេកំពុងតែធ្វើដំណើរឆ្ពោះ ទៅកាន់ឧទ្យានក្នុងគោលបំណងប្រមូលផ្តុំគ្នាដើម្បីប្រឆាំង និងទាមទារឲ្យរដ្ឋាភិបាលថៃចាត់វិធានលើ រឿងអាស្រូវនោះ។
ជុំវិញបញ្ហានេះ លោកនាយករដ្ឋមន្ត្រីរដ្ឋប្រហារ ប្រាយុទ្ធ ចាន់អូចា បានអះអាងថា គ្មានអំពើពុករលួយ បានកើតឡើងនោះទេ ហើយលោក ក៏មិនមានគម្រោងដើម្បីដាក់សម្ពាធទៅលើអនុរដ្ឋមន្ត្រីការពារជាតិដើម្បីចុះចេញពីតំណែងដែរ។ តែលោក ប្រាយុទ្ធ បានបង្កើតគណៈកម្មាការមួយដើម្បីស៊ើបអង្កេតលើ រឿងអាស្រូវនេះ។ មតិសាធារណៈ បានទាមទារឲ្យមានការស៊ើបអង្កេតមួយដោយឯករាជ្យ ដ្បិត ប្រធានស៊ើបអង្កេតនោះ គឹជាឧត្តមសេនីយ៍ដែលជាប្អូនប្រុសរបស់លោកនាយករដ្ឋមន្ត្រីប្រាយុទ្ធផងដែរ៕
© រក្សាសិទ្ធិដោយ thmeythmey.com
