ជាតិ
សង្គមជាតិ
ក្រចេះ៖ ឆ្កែងាប់ដោយសារការបំពុល ហើយមនុស្ស៦នាក់ពុលស្លាប់ដោយសារហូបសាច់ឆ្កែនោះ
×![]()
ភ្នំពេញ៖ ពលរដ្ឋរស់នៅស្រុក ស្នួល ខេត្តក្រចេះ បានបាត់បង់ជីវិតដល់ចំនួន ៦នាក់ហើយ ចំណោមពលរដ្ឋរងគ្រោះចំនួន ៣៦នាក់ ដែលកំពុងសម្រាកព្យាបាលនៅមណ្ឌលសុខភាពស្រុកស្នួល និងមន្ទីពេទ្យបង្អែកខេត្តក្រចេះ ពាក់ព័ន្ធនឹងករណីហូបសាច់ឆ្កែដែលគេបំពុល កាលពីថ្ងៃទី៧ធ្នូ។ នេះបើតាមការបញ្ជាក់របស់លោក អ៊ុំ ភី ស្នងការរងទទួលបន្ទុកនគរបាលព្រហ្មទណ្ឌនៃស្នងការដ្ឋានខេត្តក្រចេះ។
លោក អ៊ុំ ភី បានរៀបរាប់ប្រាប់សារព័ត៌មានថ្មីៗ ពីដើមហេតុករណីពុលសាច់ឆ្កែដែលបណ្តាលឲ្យមនុស្សស្លាប់ជាបន្តបន្ទាប់ និងជនរងគ្រោះកំពុងសម្រាកព្យាបាលនៅមន្ទីរពេទ្យនេះ កើតឡើងដោយសារជនរងគ្រោះស្លាប់ឈ្មោះ ជា រ៉េត អាយុ ៧៦ឆ្នាំ បានទិញឆ្កែងាប់មួយក្បាល ដោយសារការដាក់ថ្នាំបំពុលពីអ្នកភូមិម្នាក់យកមកចម្អិនហូប កាលពីថ្ងៃចន្ទ។
លោកប្រាប់ថា៖«ជនរងគ្រោះ ជា រ៉េត ដែលមានជំងឺលើសឈាមបានទិញឆ្កែពីអ្នកភូមិ ដែលគេប្រើក្មេងឲ្យយកទៅកប់ចោលនៅស្រែហើយ តែគាត់សុំចែកយកមកចម្អិនហូប។ ក្រោយពីចម្អិនហូបហើយ គាត់បានពុលស្លាប់។ អ្នកភូមិពុំបានដឹងថា គាត់ស្លាប់ដោយសារ ពុលសាច់ឆ្កែនោះទេ គឺពួកគេថា គាត់ស្លាប់ដោយសារជំងឺលើសឈាម។ ដូនេះ នៅពេលពួកគេ មកកំដរបុណ្យសព សាច់ញាតិគាត់បានចម្អិនសាច់ឆ្កែពុលនោះ ដាក់ឲ្យពលរដ្ឋក្លែមហូបជាមួយស្រា នៅកំដរសពជនរងគ្រោះ។ ក្រោយមកទើប អ្នកភូមិស្លាប់ និងពុលជាបន្តបន្ទាប់ ត្រូវបញ្ជូនទៅមន្ទីរព្យាបាលស្រុកស្នួល និងទីរួមខេត្ត»។
ស្នងការរង បានឲ្យដឹងថា រហូតមកទល់ព្រឹកថ្ងៃទី៩ ធ្នូនេះ អ្នកពុលស្លាប់ឡើងដល់ចំនួន ៦នាក់ ក្នុងនោះ ប្រុស ៤ ស្រី២ នាក់និងជនរងគ្រោះផ្សេងទៀតកំពុងសម្រាកព្យាបាលនៅមន្ទីរព្យាបាល ខ្លះសះស្បើយទៅផ្ទះវិញហើយ។
បើតាមលោកស្នងការរងដដែល សមត្ថកិច្ចកំពុងស្រាវជ្រាវរកមុខអ្នកដាក់ថ្នាំបំពុលឆ្កែនេះ នៅឡើយ។
ករណីពុលសាច់ឆ្កែនៅខេត្តក្រចេះ នេះ ក៏ទទួលបាននូវការចាប់អារម្មណ៍ពី បណ្តាញព័ត៌មានអន្តរជាតិ ផងដែរ ជាពិសេសក្រោយការចេញផ្សាយរបស់ភ្នាក់ងារព័ត៌មាន AFP, Xinhua ជាដើម៕
លោក អ៊ុំ ភី បានរៀបរាប់ប្រាប់សារព័ត៌មានថ្មីៗ ពីដើមហេតុករណីពុលសាច់ឆ្កែដែលបណ្តាលឲ្យមនុស្សស្លាប់ជាបន្តបន្ទាប់ និងជនរងគ្រោះកំពុងសម្រាកព្យាបាលនៅមន្ទីរពេទ្យនេះ កើតឡើងដោយសារជនរងគ្រោះស្លាប់ឈ្មោះ ជា រ៉េត អាយុ ៧៦ឆ្នាំ បានទិញឆ្កែងាប់មួយក្បាល ដោយសារការដាក់ថ្នាំបំពុលពីអ្នកភូមិម្នាក់យកមកចម្អិនហូប កាលពីថ្ងៃចន្ទ។
លោកប្រាប់ថា៖«ជនរងគ្រោះ ជា រ៉េត ដែលមានជំងឺលើសឈាមបានទិញឆ្កែពីអ្នកភូមិ ដែលគេប្រើក្មេងឲ្យយកទៅកប់ចោលនៅស្រែហើយ តែគាត់សុំចែកយកមកចម្អិនហូប។ ក្រោយពីចម្អិនហូបហើយ គាត់បានពុលស្លាប់។ អ្នកភូមិពុំបានដឹងថា គាត់ស្លាប់ដោយសារ ពុលសាច់ឆ្កែនោះទេ គឺពួកគេថា គាត់ស្លាប់ដោយសារជំងឺលើសឈាម។ ដូនេះ នៅពេលពួកគេ មកកំដរបុណ្យសព សាច់ញាតិគាត់បានចម្អិនសាច់ឆ្កែពុលនោះ ដាក់ឲ្យពលរដ្ឋក្លែមហូបជាមួយស្រា នៅកំដរសពជនរងគ្រោះ។ ក្រោយមកទើប អ្នកភូមិស្លាប់ និងពុលជាបន្តបន្ទាប់ ត្រូវបញ្ជូនទៅមន្ទីរព្យាបាលស្រុកស្នួល និងទីរួមខេត្ត»។
ស្នងការរង បានឲ្យដឹងថា រហូតមកទល់ព្រឹកថ្ងៃទី៩ ធ្នូនេះ អ្នកពុលស្លាប់ឡើងដល់ចំនួន ៦នាក់ ក្នុងនោះ ប្រុស ៤ ស្រី២ នាក់និងជនរងគ្រោះផ្សេងទៀតកំពុងសម្រាកព្យាបាលនៅមន្ទីរព្យាបាល ខ្លះសះស្បើយទៅផ្ទះវិញហើយ។
បើតាមលោកស្នងការរងដដែល សមត្ថកិច្ចកំពុងស្រាវជ្រាវរកមុខអ្នកដាក់ថ្នាំបំពុលឆ្កែនេះ នៅឡើយ។
ករណីពុលសាច់ឆ្កែនៅខេត្តក្រចេះ នេះ ក៏ទទួលបាននូវការចាប់អារម្មណ៍ពី បណ្តាញព័ត៌មានអន្តរជាតិ ផងដែរ ជាពិសេសក្រោយការចេញផ្សាយរបស់ភ្នាក់ងារព័ត៌មាន AFP, Xinhua ជាដើម៕
© រក្សាសិទ្ធិដោយ thmeythmey.com
