អន្តរជាតិ
រុស្សីប្រើនាវាមុជទឹកកម្ទេចទីតាំងក្រុមរដ្ឋឥស្លាមនៅស៊ីរីជាលើកដំបូង
×![]()
រុស្សីបានបញ្ចេញសាច់ដុំកាន់តែខ្លាំងបន្ថែមទៀតក្នុងយុទ្ធនាការកម្ទេចក្រុមជ្រុលនិយមរដ្ឋឥស្លាមនៅស៊ីរី ដោយបានបាញ់មីស៊ីលនាវាមុជទឹកក្នុងសមុទ្រមេឌីទែរ៉ានេសំដៅគោលដៅក្រុមជ្រុលនិយមនៅទីក្រុង Raqqa ។ នេះគឺជាការបន្ថែមបន្ទុកកាន់តែធ្ងន់ដល់ក្រុមរដ្ឋឥស្លាមនៅស៊ីរី ខណៈក្រុមនេះកំពុងរងគ្រោះផ្ទួនៗដោយសារប្រតិបត្តិការរបស់អន្តរជាតិ។
រដ្ឋមន្ត្រីការពារជាតិរុស្សីលោក Sergey Shoigu បានបញ្ជាក់ថា នាវាមុជទឹក Rostov-on-Don ដែលកំពុងសំចតនៅសមុទ្រមេឌីទែរ៉ានេ បានបាញ់កាំជ្រួចសំដៅដល់ទីតាំងក្រុមជ្រុលនិយមរដ្ឋឥស្លាមនៅទីក្រុង Raqqa ដែលនេះជាលើកដំបូងហើយដែលរុស្សីប្រើនាវាមុជទឹកក្នុងយុទ្ធនាការកម្ទេចក្រុមនេះ។ ក្នុងជំនួបជាមួយប្រធានាធិបតី វ្ល៉ាឌីមៀរ ពូទីន លោក Shoigu រាយការណ៍ថា មីស៊ីលប្រភេទ 3M-54 Calibre ត្រូវបានបាញ់ចេញពីនាវាមុជទឹក។
លោក Shoigu ក៏បានបញ្ជាក់ដែរថា មីស៊ីលនេះបានទទួលជោគជ័យក្នុងការកម្ទេចគោលដៅសំខាន់ៗរបស់ក្រុមរដ្ឋឥស្លាមនៅ Raqqa ដូចជា ឃ្លាំងគ្រាប់ រោងចក្រផលិតមីននិងទីតាំងប្រេងកាត។ មិនតែប៉ុណ្ណោះ លោក Shoigu ក៏បានលើកឡើងពីសមត្ថភាពមីស៊ីល Calibre ដែលអាចបាញ់ក្នុងរយៈចម្ងាយឆ្ងាយប្រកបដោយប្រសិទ្ធភាព។
ជាការកត់សម្គាល់ នេះគឺជាលើកទីពីរដែលរុស្សី បានវាយប្រហារ គោលដៅក្រុម រដ្ឋឥស្លាម ពីនាវាសមុទ្រ។ លើកទីមួយនោះ រុស្សីបានបាញ់មីស៊ីលចេញពីនាវាចម្បាំងរបស់ខ្លួននៅឯសមុទ្រ កាសព្យែន (Caspian) ដែលមានទីតាំងប្រមាណជាង១ពាន់គីឡូម៉ែតពីស៊ីរីនិងបានកម្ទេចទីតាំងជាច្រើនរបស់ក្រុមរដ្ឋឥស្លាម។
គេសង្កេតឃើញថា រុស្សីកំពុងតែបង្កើនសកម្មភាពយោធារបស់ខ្លួនកាន់តែខ្លាំងឡើង ជាពិសេសក្រោយការពេលក្រុមរដ្ឋឥស្លាមប្រកាសនៅពីក្រោយការធ្លាក់យន្តហោះដឹកអ្នកដំណើររុស្សីកាលពីខែតុលាកន្លង។ ដោយគិតចាប់ពីថ្ងៃសៅរ៍មក រុស្សីបានទម្លាក់គ្រាប់បែកចំនួនជិត២ពាន់គ្រាប់លើទីតាំងជាច្រើនរបស់ដូចជា ទីតាំងបញ្ជា កន្លែងហ្វឹកហាត់និងឃ្លាំងអាវុធជាដើមនៅក្នុងខេត្ត Aleppo និង Idlib។
រុស្សីបានចូលអន្តរាគមន៍ដោយផ្ទាល់ក្នុងប្រតិបត្តិការប្រយុទ្ធនឹងក្រុមរដ្ឋឥស្លាមនិងក្រុមជ្រុលនិយមដទៃទៀតនៅស៊ីរី កាលពីថ្ងៃទី៣០ ខែកញ្ញាកន្លងមក ហើយតែងតែអះអាងថា ការវាយប្រហារតាមដែនអាកាស គឺមានការស្នើសុំពីប្រធានាធិបតីស៊ីរីលោក អាសាដ។ យ៉ាងណាមិញ ក្រុមលោកខាងលិចបានរិះគន់ថា រុស្សីមិនមែនមកកម្ទេចក្រុមរដ្ឋឥស្លាមទេ តែមកជួយលោក អាសាដ ក្នុងការប្រឆាំងក្រុមឧទ្ទាមដែលចង់ទម្លាក់របបលោកប៉ុណ្ណោះ៕
រដ្ឋមន្ត្រីការពារជាតិរុស្សីលោក Sergey Shoigu បានបញ្ជាក់ថា នាវាមុជទឹក Rostov-on-Don ដែលកំពុងសំចតនៅសមុទ្រមេឌីទែរ៉ានេ បានបាញ់កាំជ្រួចសំដៅដល់ទីតាំងក្រុមជ្រុលនិយមរដ្ឋឥស្លាមនៅទីក្រុង Raqqa ដែលនេះជាលើកដំបូងហើយដែលរុស្សីប្រើនាវាមុជទឹកក្នុងយុទ្ធនាការកម្ទេចក្រុមនេះ។ ក្នុងជំនួបជាមួយប្រធានាធិបតី វ្ល៉ាឌីមៀរ ពូទីន លោក Shoigu រាយការណ៍ថា មីស៊ីលប្រភេទ 3M-54 Calibre ត្រូវបានបាញ់ចេញពីនាវាមុជទឹក។
លោក Shoigu ក៏បានបញ្ជាក់ដែរថា មីស៊ីលនេះបានទទួលជោគជ័យក្នុងការកម្ទេចគោលដៅសំខាន់ៗរបស់ក្រុមរដ្ឋឥស្លាមនៅ Raqqa ដូចជា ឃ្លាំងគ្រាប់ រោងចក្រផលិតមីននិងទីតាំងប្រេងកាត។ មិនតែប៉ុណ្ណោះ លោក Shoigu ក៏បានលើកឡើងពីសមត្ថភាពមីស៊ីល Calibre ដែលអាចបាញ់ក្នុងរយៈចម្ងាយឆ្ងាយប្រកបដោយប្រសិទ្ធភាព។
ជាការកត់សម្គាល់ នេះគឺជាលើកទីពីរដែលរុស្សី បានវាយប្រហារ គោលដៅក្រុម រដ្ឋឥស្លាម ពីនាវាសមុទ្រ។ លើកទីមួយនោះ រុស្សីបានបាញ់មីស៊ីលចេញពីនាវាចម្បាំងរបស់ខ្លួននៅឯសមុទ្រ កាសព្យែន (Caspian) ដែលមានទីតាំងប្រមាណជាង១ពាន់គីឡូម៉ែតពីស៊ីរីនិងបានកម្ទេចទីតាំងជាច្រើនរបស់ក្រុមរដ្ឋឥស្លាម។
គេសង្កេតឃើញថា រុស្សីកំពុងតែបង្កើនសកម្មភាពយោធារបស់ខ្លួនកាន់តែខ្លាំងឡើង ជាពិសេសក្រោយការពេលក្រុមរដ្ឋឥស្លាមប្រកាសនៅពីក្រោយការធ្លាក់យន្តហោះដឹកអ្នកដំណើររុស្សីកាលពីខែតុលាកន្លង។ ដោយគិតចាប់ពីថ្ងៃសៅរ៍មក រុស្សីបានទម្លាក់គ្រាប់បែកចំនួនជិត២ពាន់គ្រាប់លើទីតាំងជាច្រើនរបស់ដូចជា ទីតាំងបញ្ជា កន្លែងហ្វឹកហាត់និងឃ្លាំងអាវុធជាដើមនៅក្នុងខេត្ត Aleppo និង Idlib។
រុស្សីបានចូលអន្តរាគមន៍ដោយផ្ទាល់ក្នុងប្រតិបត្តិការប្រយុទ្ធនឹងក្រុមរដ្ឋឥស្លាមនិងក្រុមជ្រុលនិយមដទៃទៀតនៅស៊ីរី កាលពីថ្ងៃទី៣០ ខែកញ្ញាកន្លងមក ហើយតែងតែអះអាងថា ការវាយប្រហារតាមដែនអាកាស គឺមានការស្នើសុំពីប្រធានាធិបតីស៊ីរីលោក អាសាដ។ យ៉ាងណាមិញ ក្រុមលោកខាងលិចបានរិះគន់ថា រុស្សីមិនមែនមកកម្ទេចក្រុមរដ្ឋឥស្លាមទេ តែមកជួយលោក អាសាដ ក្នុងការប្រឆាំងក្រុមឧទ្ទាមដែលចង់ទម្លាក់របបលោកប៉ុណ្ណោះ៕
© រក្សាសិទ្ធិដោយ thmeythmey.com
