ប្រទេស១៥ចូលរួមសន្និសីទអន្តរជាតិស្តីពីតម្លៃវប្បធម៌អាស៊ីអាគ្នេយ៍លើកទី១១

ជាតិ

សង្គមជាតិ

ប្រទេស១៥ចូលរួមសន្និសីទអន្តរជាតិស្តីពីតម្លៃវប្បធម៌អាស៊ីអាគ្នេយ៍លើកទី១១

11, Dec 2015 , 9:34 am

រូបភាព

ដោយ: អុីសា រ៉ហានី (Isa Rohany)

សៀមរាប៖ សន្និសីទអន្តរជាតិលើកទី១១ ស្តីពីតម្លៃវប្បធន៌អាស៊ីអាគ្នេយ៍៖ វប្បធម៌ កំណើនបៃតង និងទេសចរណ៍ បានចាប់ផ្តើមធ្វើហើយនៅព្រឹកថ្ងៃសុក្រនេះ។ សិក្ខាសាលាអន្តរជាតិប្រចាំឆ្នាំលើកទី១១នេះ មានប្រទេសក្នុងតំបន់អាស៊ីអាគ្នេយ៍ចំនួន១៥ចូលរួម។

ក្រុមសាស្ត្រាចារ្យ បណ្ឌិត វាគ្មិន និងអ្នកជំនាញវប្បធម៌មកពី១៥ប្រទេស បានជួបគ្នាក្នុងសន្និសីទអន្តរជាតិលើកទី១១ ស្តីពីតម្លៃវប្បធម៌៖ វប្បធម៌-កំណើនបៃតង និងទេសចរណ៍ ដែលធ្វើឡើងរយៈពេល២ថ្ងៃនៅខេត្តសៀមរាប គឺចាប់ពីថ្ងៃទី១១ ដល់១២ ធ្នូ ឆ្នាំ២០១៥នេះ។ ភ្ញៀវជាតិ និងអន្តរជាតិទាំងនោះ រួមមានមកពីប្រទេសកម្ពុជា កូរ៉េ ចិន ថៃ បារាំង ព្រុយណេ ម៉ាឡេស៊ី មីយ៉ាន់ម៉ា វៀតណាម អាមេរិក ឡាវ អង់គ្លេស ឥណ្ឌា និងឥណ្ឌូនេស៊ី ដែលសរុបទាំងអស់ប្រមាណ ១២៦នាក់។

ប្រធានបទសំខាន់ៗនៅក្នុងសន្និសីទអន្តរជាតិនៅពេលនេះ នឹងជជែកលើកប្រធានបទសំខាន់ចំនួនបី រួមមាន វប្បធម៌ និងអត្តសញ្ញាណអាស៊ីអាគ្នេយ៍ ការរក្សាបេតិកភណ្ឌវប្បធម៌ដើម្បីការអភិវឌ្ឍប្រកបដោយនិរន្តរភាព និងការកសាងសន្តិភាព និងចុងក្រោយនិយាយពី កម្លាំងវប្បធម៌ ដើម្បីការរួបរួមសង្គម។

គួរបញ្ជាក់ថា សន្និសីទនេះប្រព្រឹត្តិទៅបានក្រោមការឧបត្ថម្ភពីមូលនិធិកូរ៉េសម្រាប់ការសិក្សាជាន់ខ្ពស់៕