កម្ពុជា-វៀតណាម ចុះហត្ថលេខាលើផែនការកិច្ចសហប្រតិបត្តិការការពារជាតិសម្រាប់ឆ្នាំ២០១៦

ជាតិ

សង្គមជាតិ

កម្ពុជា-វៀតណាម ចុះហត្ថលេខាលើផែនការកិច្ចសហប្រតិបត្តិការការពារជាតិសម្រាប់ឆ្នាំ២០១៦

11, Dec 2015 , 3:41 pm

រូបភាព

ដោយ: ថ្មីៗ

លោក ទៀ បាញ់ រដ្ឋមន្ត្រីក្រសួងការពារជាតិកម្ពូជា នឹងដឹកនាំគណៈប្រតិភូទៅបំពេញទស្សនកិច្ចនៅប្រទេសវៀតណាម រយៈពេល៣ថ្ងៃ ចាប់ពីថ្ងៃទី១១ដល់ថ្ងៃទី១៣ខែធ្នូនេះ។

បើតាមសេចក្តីជូនដំណឹងរបស់ក្រសួងការពាជាតិកម្ពុជា ក្នុងកំឡុងពេលនៃដំណើរទស្សនកិច្ចនេះ លោក ទៀ បាញ់ នឹងជួបប្រជុំទ្វេភាគីជាមួយសមភាគីរបស់លោក ព្រមទាំងចុះហត្ថលេខា លើផែនការកិច្ចសហប្រតិបត្តិការឆ្នាំ២០១៦ រវាងក្រសួងការពាជាតិនៃប្រទេសទាំង២ ។

ក្រសួងការពារជាតិកម្ពុជា បានបញ្ជាក់ទៀតថា លោក ទៀ បាញ់ ក៏នឹងទៅទស្សនកិច្ចកងវរសេនាតូច រថពាសដែក៤៧ បញ្ជាការដ្ឋាន រដ្ឋធានីហាណូយ និងទៅសួរសុខទុក្ខសិក្ខាកាមកងយោធពលខេមរភូមិន្ទ ដែលកំពុងសិក្សានៅទីនោះផងដែរ៕