យុវជនកម្ពុជា ៣រូបទទួលបានមេដាយសំរិទ្ធពីការប្រឡងអូឡាំព្យាដអន្តរជាតិ

ជាតិ

សង្គមជាតិ

យុវជនកម្ពុជា ៣រូបទទួលបានមេដាយសំរិទ្ធពីការប្រឡងអូឡាំព្យាដអន្តរជាតិ

11, Dec 2015 , 9:40 pm

រូបភាព

ដោយ: ថ្មីៗ

ភ្នំពេញ៖ យុវជនកម្ពុជា ០៣រូបទទួលបានមេដាយសំរិទ្ធពីការប្រឡងអ្នកវិទ្យាសាស្ត្រវ័យក្មេងអូឡាំព្យាដអន្តរជាតិ លើកទី ១២ (The 12th IJSO: International Junior Science Olympiad) ដែលបានប្រព្រឹត្តទៅរយៈពេល ១០ថ្ងៃ ចាប់ពីថ្ងៃទី២ ដល់១១ ខែធ្នូ ឆ្នាំ២០១៥ នៅប្រទេសកូរ៉េខាងត្បូង។ នេះបើតាមសេចក្តីប្រកាសព័ត៌មានរបស់ក្រសួងអប់រំ យុវជន និងកីឡា។

ក្រសួងអប់រំបានបញ្ជូនគ្រូដឹកនាំចំនួន ០៣រូប និងបេក្ខជនចំនួន ០៦រូប ទៅចូលរួមប្រឡង IJSO លើកទី១២នេះ។ ជាលទ្ធផល បេក្ខជនចំនួន ០៣នាក់ ទទួលបានមេដាយសំរិទ្ធម្នាក់មួយគ្រឿង ក្នុងនោះមាន យុវជន វង់ ស៊ិនរិទ្ធី ជាសិស្សនៃវិទ្យាល័យមង្គលបុរី ខេត្តបន្ទាយមានជ័យ, យុវជន អ៊ិត រស្មី ជាសិស្សនៃវិទ្យាល័យ ហ៊ុន សែន កោះធំ ខេត្តកណ្តាល និង យុវជន ហុន នួន ជាសិស្សនៃវិទ្យាល័យមេសាង ខេត្តព្រៃវែង៕