ពីនេះ ពីនោះ
×![]()
ដោយ: ថ្មីៗ
ការស្រាវជ្រាវថ្មីមួយ បានបង្ហាញថា កម្រិតខ្ពស់នៃស្ត្រេសការងារ អាចបង្កើនហានិភ័យ នៃការសុំច្បាប់ឈឺ ដែលត្រូវបានបង្កឡើង ដោយសុខភាពផ្លូវចិត្ត។ អ្នកស្រាវជ្រាវ បានមើលទៅលើ អ្នកធ្វើការងារជិត ១២.០០០ នាក់។ ជាង ៥ ឆ្នាំ ប្រហែល ៨ភាគរយ នៃអ្នកធ្វើការងារ បានសុំច្បាប់ឈឺ ពីបញ្ហាសុខភាពផ្លូវចិត្ត។ ៣/៤ នៃអ្នកដែលសុំច្បាប់ឈឺនេះ គឺជាមនុស្សស្រី។
អ្នកធ្វើការងារ ដែលមានការគាំទ្រពីសង្គមតិច មានកម្រិតខ្ពស់នៃការងារ គឺមានហានិភ័យខ្ពស់ នៃការសុំច្បាប់ឈឺ ដោយបញ្ហាសុខភាពផ្លូវចិ្ត ដូចជា អ្នកដែលមានរបៀបរស់នៅមិនល្អ។ ការជក់បារី គឺជាកត្តាហានិភ័យមួយ ចំពោះសុំច្បាប់ឈឺ ដោយបញ្ហាសុខភាពផ្លូវចិត្ត ប៉ុន្តែ ការផឹកស្រា មិនមែននោះទេ។
កម្រិតខ្ពស់នៃការធ្វើលំហាត់ប្រាណ បានបន្ថយហានិភ័យ នៃការសុំច្បាប់ឈឺ ដោយបញ្ហាសុខភាពផ្លូវចិត្ត នេះដោយយោងតាមការស្រាវជ្រាវ ដែលត្រូវបានចេញផ្សាយ នៅក្នុងកាសែត Journal of Occupational and Environmental Medicine ។
វេជ្ជបណ្ឌិត លីហ្សា ម៉ាតេ (Lisa Mater) បាននិយាយថា ការស្រាវជ្រាវ បានបន្ថែមទៅលើការបង្ហាញពីមុនថា បញ្ហាចិត្តសាស្ត្រនៅនឹងកន្លែងការងារ ជះឥទ្ធិពលទៅលើ អត្រានៃការសុំច្បាប់ឈឺ ដោយបញ្ហាផ្លូវចិត្ត ហើយអាចបង្ហាញពីមធ្យោបាយ ដើម្បីបន្ថយហានិភ័យបាន។
គាត់បានសរសេរថា អន្តរាគមន៍ ដើម្បីបន្ថយការសុំច្បាប់ឈឺ ដោយបញ្ហាសុខភាពផ្លូវចិត្ត ដែលសំដៅលើភាពប្រសើរឡើង នៃបរិយាកាសនៃការងារនោះ អាចបង្ហាញថាមានប្រសិទ្ធភាព៕
ផ្តល់សិទ្ធិដោយ www.health.com.kh
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
5 ម៉ោង
