ពីនេះ ពីនោះ
×![]()
ដោយ: ថ្មីៗ
មុនពេលធ្វើបទបង្ហាញតាមការស្រាវជ្រាវបានអោយដឹងថា ការរួមភេទអាចធ្វើអោយធូរដល់សរសៃប្រសាទ បន្ថយសម្ពាធឈាម និងស្ត្រេស។ អ្នកដែលរួមភេទរួចមុនពេលធ្វើបទបង្ហាញនៅទីសាធារណៈគឺមានភាពតានតឹងក្នុងអារម្មណ៍តិចតួចបំផុតតែម្តង។
ព្រឹកឡើង
អ្វីដែលគួរអោយភ្ញាក់ផ្អើលនោះគឺថា រាងកាយរបស់អ្នកត្រូវបានបង្កើតឡើងដើម្បីរួមភេទនៅពេលព្រឹកតែម្តង។
នៅពេលដែលអ្នកយល់ថាខ្លួនឯងចាញ់អាកាសធាតុបន្តិចបន្តួច
តាមការសិក្សាបានអោយដឹងថា ការរួមភេទពិតជាអាចជួយបង្កើនមុខងារប្រព័ន្ធភាពស៊ាំបានមែន។ នេះគឺជាវិធីសាស្ត្រដ៏ល្អមួយសម្រាប់ត្រៀមខ្លួនចូលរដូវកាលជំងឺផ្តាសាយ។
ថ្ងៃទី១៤ នៃវដ្តរដូវមនុស្សស្រី
តាមការសិក្សាថ្មីមួយបានរកឃើញថា នៅជុំវិញរយៈពេលពីរសប្តាហ៍នៃវដ្តរដូវមនុស្សស្រី សេរ (Clitoris) នឹងលូតធំជាងមុន ២០ភាគរយ ហើយក៏ជាកន្លែងដែលងាយនឹងទទួលបានភាពស្រើបស្រាលជាងគេផងដែរ។ ការឈានដល់ចំណុចកំពូលរបស់អ្នកប្រហែលជាងាយស្រួលនឹងទទួលបានតាមរយៈការរួមភេទនៅថ្ងៃពិសេសមួយនេះ។
ក្រោយពីហាត់ប្រាណរួច
ចូរធ្វើការទាញយកប្រយោជន៍ក្រោយពីការហាត់ប្រាណ ហើយគួរតែបន្ថែមនូវអត្ថប្រយោជន៍ជាច្រើនទៀតនៃមុខងារផ្លូវភេទនៅពេលបន្ទាប់។ ការសិក្សាបានអោយដឹងថា ក្រោយពីស្ត្រីហាត់ប្រាណដោយការជិះកង់រយៈពេល ២០នាទីរួចមកគឺធ្វើអោយលំហូរឈាមទៅកាន់តំបន់ប្រដាប់ភេទរបស់ពួកគេកាន់តែខ្លាំងរហូតដល់ ១៦៩ភាគរយឡើយទៅឯណោះ។ ជាមួយគ្នានេះដែរ រាងកាយរបស់អ្នកនឹងបញ្ចេញអ័រម៉ូនភេទតេស្តូស្តេរ៉ូនកាន់តែច្រើននៅពេលហាត់ប្រាណ ដូច្នេះចំណង់ផ្លូវភេទបែបធម្មជាតិរបស់អ្នកនឹងកើតឡើងខ្ពស់ជាមិនខានក្រោយពីបែកញើសរួច។
ក្រោយពីជួបនូវថ្ងៃស៊យ
តើអ្នកចង់បំបាត់ភាពតានតឹងដែលកើតចេញពីពេលវេលាដ៏អាក្រក់មួយនៅកន្លែងធ្វើការដែរទេ? ការរួមភេទប្រហែលជាជម្រើសដ៏ផ្តល់សុខភាពជាងការបំបាត់ទុក្ខដោយការផឹកស្រាបៀរ។ តាមការសិក្សាបានអោយដឹងថា ការរួមភេទ និងសកម្មភាពរាងកាយផ្សេងៗដូចជាការកាន់ដៃគ្នា ក៏សុទ្ធតែអាចជួយពង្រឹងដល់អារម្មណ៍ និងបន្ថយស្ត្រេសបានច្រើនដែរ៕
ផ្តល់សិទ្ធិដោយ www.health.com.kh
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
6 ម៉ោង
