ជាតិ
×![]()
ក្រុមហ៊ុន កូកាកូឡា (CocaCola) បានបញ្ជាក់ថា ក្រុមហ៊ុនកំពុងធ្វើការត្រួតពិនិត្យផ្ទៃក្នុង ទៅលើផលិតផលខ្លួន ដែលបានរក្សាទុកក្នុងបន្ទប់សំណាក់គំរូរបស់ក្រុមហ៊ុន ដើម្បីពិនិត្យមើលពីគុណភាពភេសជ្ជៈខ្លួនឲ្យបានច្បាស់ ក្រោយពីមានការចុះផ្សាយថា មានប្រជាពលរដ្ឋពុលដោយសារទទួលទានភេសជ្ជៈ កូកាកូឡា ។ អាជ្ញាធរខេត្តពោធិ៍សាត់ អះអាងថា មានប្រជាពលរដ្ឋចំនួន៤៥នាក់ នៅភូមិតាំងគោក ឃុំតាលោ ស្រុកក្រគរ ខេត្តពោធិ៍សាត់ បានពុលទឹកក្រូច ម៉ាកកូកាកូឡា ក្រោយពីបានទទួលទាននៅក្នុងពិធីសែនព្រេនប្ដីប្រពន្ធ១គូ នៅក្នុងភូមិ។
ក្រុមហ៊ុន កូកាកូឡា មិនទាន់អាចឆ្លើយបំភ្លឺឲ្យលម្អិត ជុំវិញករណីប្រជាពលរដ្ឋពុលនៅខេត្តពោធិ៍សាត់ បានឡើយ ដោយរងចាំការត្រួតពិនិត្យមើលសិន។ នេះជាការបញ្ជាក់របស់អ្នកស្រី លឹម លីណា ប្រធានផ្នែកទំនាក់ទំនង និងកិច្ចការសាធារណៈក្រុមហ៊ុន(CocaCola) ដែលអះអាងថា ក្រុមហ៊ុនកំពុងធ្វើការត្រួតពិនិត្យផ្ទៃក្នុងចំពោះគុណភាពផលិតផល ដែលត្រូវបានរក្សាទុកក្នុងបន្ទប់សំណាក់គំរូ (Retention Sample) ទៅលើប្រភេទផលិតផលតែមួយនៅក្នុងក្រុមហ៊ុន ។
អ្នកស្រី លឹម លីណា បន្ថែមថា នៅពេលនេះក្រុមហ៊ុន ក៏បានទាក់ទងឲ្យភ្នាក់ងាររបស់ខ្លួន ចុះទៅប្រមូលភេសជ្ជៈ កូកាកូឡា ដែលប្រជាពលរដ្ឋទទួលទានពុលនៅខេត្តពោធិ៍សាត់នោះ ដើម្បីយកមកពិនិត្យថា តើគុណភាពភេសជ្ជៈ កូកាកូឡា ពិតជាមានបញ្ហាដូចជាការលើកឡើងមែនដែរឬអត់? បើតាមអ្នកស្រី លីណា ករណីពុលនៅខេត្តពោធិ៍សាត់ ក៏អាចប្រហែលមកពីប្រជាពលរដ្ឋទាំងនោះ ទទួលទានទឹកភេសជ្ជៈចម្រុះលាយឡំជាមួយគ្នា ទើបបណ្ដាឲ្យមានបញ្ហាពុលបែបនេះ។
ថ្លែងប្រាប់សារព័ត៌មានថ្មីៗ ប្រធានផ្នែកទំនាក់ទំនង និងកិច្ចការសាធារណៈរូបនេះបញ្ជាក់ដូច្នេះថា៖ «គ្រប់ផលិតផលរបស់យើងទាំងអស់សុទ្ធតែមានសុវត្ថិភាព និងត្រូវបានអនុម័តដោយអាជ្ញាធរនៅទូទាំងពិភពលោក រួមទាំងនៅប្រទេសកម្ពុជាផងដែរ។ សុវត្ថិភាព និងគុណភាពផលិតផលពិតជាមានសារៈសំខាន់បំផុតសម្រាប់យើង ហើយយើងប្តេជ្ញាចិត្តក្នុងផ្តល់អោយអតិថិជននូវផលិតផលដែលមានគុណភាពខ្ពស់ស្របតាមស្តង់ដារគុណភាព និងច្បាប់។ បន្ទាប់ពីបានឃើញសារព័ត៌មាននេះ ក្រុមហ៊ុនកំពុងធ្វើការត្រួតពិនិត្យផ្ទៃក្នុងចំពោះផលិតផលដែលត្រូវបានរក្សាទុកក្នុងបន្ទប់សំណាក់គំរូ (Retention Sample) ទៅលើប្រភេទផលិតផលតែមួយ ហើយនឹងផ្តល់ព័ត៌មានបន្ថែមបន្ទាប់ពីទទួលបានលទ្ធផលពីការពិសោធន៍»។
មេបញ្ជាការកងរាជអាវុធហត្ថខេត្ត ពោធិ៍សាត់ លោក ខេង ទីតូ បានឲ្យដឹងថា មានប្រជាពលរដ្ឋចំនួន៤៥នាក់ ដែលបានពុលទឹកក្រូចម៉ាក កូកាកូឡា នោះ មានអាការចុកពោះ ក្អួតចង្អោ និងខ្លះទៀតពុលរហូតដល់នោមចេញឈាម និងមានឈាមចេញតាមរោម តាមស្បែកជាដើម។លោកថា ប្រជាពលរដ្ឋទាំង៤៥នាក់នោះ មានអាការពុលជាបន្តបន្ទាប់ក្រោយពីពួកគេ បានទទួលទានទឹកក្រូច កូកាកូឡា នៅក្នុងពិធីសែនព្រេនប្ដីប្រពន្ធ១គូ នៅក្នុងភូមិ កាលពីថ្ងៃទី២១ ធ្នូកន្លងមក។
ថ្លែងប្រាប់សារព័ត៌មានថ្មីៗ មេបញ្ជាការកងរាជអាវុធហត្ថខេត្តរូបនេះ បានបន្ថែមថា រហូតមកដល់ពេលមានប្រជាពលរដ្ឋចំនួន៦នាក់ ដែលមានអាការពុលធ្ងន់ធ្ងរ ហើយត្រូវបានបញ្ជូនមកមន្ទីពេទ្យនៅភ្នំពេញ ដើម្បីសង្គ្រោះបន្ទាន់ផងដែរ។លោកបញ្ជាក់ដូច្នេះថា៖«មានអ្នកខ្លះក្អួតចង្អោ នោមឈាម ចេញឈាមតាមរោម តាមស្បែក រហូតដល់បញ្ជូនមកមន្ទីរពេទ្យភ្នំពេញ៦នាក់ ដោយសារតែការពុលមានអាការធ្ងន់ធ្ងរពេក»។
បើតាមលោក ខេង ទីតូ ជាជំហានដំបូងសមត្ថកិច្ចបានត្រួតពិនិត្យលើទឹកក្រូច ម៉ាកកូកាកូឡា ដែលប្រជាពលរដ្ឋទទួលទានពុលនេះ ឃើញថា ផលិតផលទឹកក្រូចនេះ គឺបាននាំចូលមកពីប្រទេសវៀតណាម ដោយបានចរាចរណ៍លក់នៅក្នុងភូមិកើតហេតុខាងលើ។ ប៉ុន្ដែលោកថា សមត្ថកិច្ច មិនទាន់អាចសន្និដ្ឋានបានទាំងស្រុងនៅឡើយទេ ដោយរងចាំមើលការសិក្សាស្រាវជ្រាវឲ្យបានច្បាស់បន្ថែមទៀត ជុំវិញករណីពុលទឹកក្រូច កូកាកូឡា នេះ៕
ក្រុមហ៊ុន កូកាកូឡា មិនទាន់អាចឆ្លើយបំភ្លឺឲ្យលម្អិត ជុំវិញករណីប្រជាពលរដ្ឋពុលនៅខេត្តពោធិ៍សាត់ បានឡើយ ដោយរងចាំការត្រួតពិនិត្យមើលសិន។ នេះជាការបញ្ជាក់របស់អ្នកស្រី លឹម លីណា ប្រធានផ្នែកទំនាក់ទំនង និងកិច្ចការសាធារណៈក្រុមហ៊ុន(CocaCola) ដែលអះអាងថា ក្រុមហ៊ុនកំពុងធ្វើការត្រួតពិនិត្យផ្ទៃក្នុងចំពោះគុណភាពផលិតផល ដែលត្រូវបានរក្សាទុកក្នុងបន្ទប់សំណាក់គំរូ (Retention Sample) ទៅលើប្រភេទផលិតផលតែមួយនៅក្នុងក្រុមហ៊ុន ។
អ្នកស្រី លឹម លីណា បន្ថែមថា នៅពេលនេះក្រុមហ៊ុន ក៏បានទាក់ទងឲ្យភ្នាក់ងាររបស់ខ្លួន ចុះទៅប្រមូលភេសជ្ជៈ កូកាកូឡា ដែលប្រជាពលរដ្ឋទទួលទានពុលនៅខេត្តពោធិ៍សាត់នោះ ដើម្បីយកមកពិនិត្យថា តើគុណភាពភេសជ្ជៈ កូកាកូឡា ពិតជាមានបញ្ហាដូចជាការលើកឡើងមែនដែរឬអត់? បើតាមអ្នកស្រី លីណា ករណីពុលនៅខេត្តពោធិ៍សាត់ ក៏អាចប្រហែលមកពីប្រជាពលរដ្ឋទាំងនោះ ទទួលទានទឹកភេសជ្ជៈចម្រុះលាយឡំជាមួយគ្នា ទើបបណ្ដាឲ្យមានបញ្ហាពុលបែបនេះ។
ថ្លែងប្រាប់សារព័ត៌មានថ្មីៗ ប្រធានផ្នែកទំនាក់ទំនង និងកិច្ចការសាធារណៈរូបនេះបញ្ជាក់ដូច្នេះថា៖ «គ្រប់ផលិតផលរបស់យើងទាំងអស់សុទ្ធតែមានសុវត្ថិភាព និងត្រូវបានអនុម័តដោយអាជ្ញាធរនៅទូទាំងពិភពលោក រួមទាំងនៅប្រទេសកម្ពុជាផងដែរ។ សុវត្ថិភាព និងគុណភាពផលិតផលពិតជាមានសារៈសំខាន់បំផុតសម្រាប់យើង ហើយយើងប្តេជ្ញាចិត្តក្នុងផ្តល់អោយអតិថិជននូវផលិតផលដែលមានគុណភាពខ្ពស់ស្របតាមស្តង់ដារគុណភាព និងច្បាប់។ បន្ទាប់ពីបានឃើញសារព័ត៌មាននេះ ក្រុមហ៊ុនកំពុងធ្វើការត្រួតពិនិត្យផ្ទៃក្នុងចំពោះផលិតផលដែលត្រូវបានរក្សាទុកក្នុងបន្ទប់សំណាក់គំរូ (Retention Sample) ទៅលើប្រភេទផលិតផលតែមួយ ហើយនឹងផ្តល់ព័ត៌មានបន្ថែមបន្ទាប់ពីទទួលបានលទ្ធផលពីការពិសោធន៍»។
មេបញ្ជាការកងរាជអាវុធហត្ថខេត្ត ពោធិ៍សាត់ លោក ខេង ទីតូ បានឲ្យដឹងថា មានប្រជាពលរដ្ឋចំនួន៤៥នាក់ ដែលបានពុលទឹកក្រូចម៉ាក កូកាកូឡា នោះ មានអាការចុកពោះ ក្អួតចង្អោ និងខ្លះទៀតពុលរហូតដល់នោមចេញឈាម និងមានឈាមចេញតាមរោម តាមស្បែកជាដើម។លោកថា ប្រជាពលរដ្ឋទាំង៤៥នាក់នោះ មានអាការពុលជាបន្តបន្ទាប់ក្រោយពីពួកគេ បានទទួលទានទឹកក្រូច កូកាកូឡា នៅក្នុងពិធីសែនព្រេនប្ដីប្រពន្ធ១គូ នៅក្នុងភូមិ កាលពីថ្ងៃទី២១ ធ្នូកន្លងមក។
ថ្លែងប្រាប់សារព័ត៌មានថ្មីៗ មេបញ្ជាការកងរាជអាវុធហត្ថខេត្តរូបនេះ បានបន្ថែមថា រហូតមកដល់ពេលមានប្រជាពលរដ្ឋចំនួន៦នាក់ ដែលមានអាការពុលធ្ងន់ធ្ងរ ហើយត្រូវបានបញ្ជូនមកមន្ទីពេទ្យនៅភ្នំពេញ ដើម្បីសង្គ្រោះបន្ទាន់ផងដែរ។លោកបញ្ជាក់ដូច្នេះថា៖«មានអ្នកខ្លះក្អួតចង្អោ នោមឈាម ចេញឈាមតាមរោម តាមស្បែក រហូតដល់បញ្ជូនមកមន្ទីរពេទ្យភ្នំពេញ៦នាក់ ដោយសារតែការពុលមានអាការធ្ងន់ធ្ងរពេក»។
បើតាមលោក ខេង ទីតូ ជាជំហានដំបូងសមត្ថកិច្ចបានត្រួតពិនិត្យលើទឹកក្រូច ម៉ាកកូកាកូឡា ដែលប្រជាពលរដ្ឋទទួលទានពុលនេះ ឃើញថា ផលិតផលទឹកក្រូចនេះ គឺបាននាំចូលមកពីប្រទេសវៀតណាម ដោយបានចរាចរណ៍លក់នៅក្នុងភូមិកើតហេតុខាងលើ។ ប៉ុន្ដែលោកថា សមត្ថកិច្ច មិនទាន់អាចសន្និដ្ឋានបានទាំងស្រុងនៅឡើយទេ ដោយរងចាំមើលការសិក្សាស្រាវជ្រាវឲ្យបានច្បាស់បន្ថែមទៀត ជុំវិញករណីពុលទឹកក្រូច កូកាកូឡា នេះ៕
Tag:
កូកាកូឡាពោធិ៍សាត់
© រក្សាសិទ្ធិដោយ thmeythmey.com
