ជាតិ
តំណាងរាស្ត្ររងការវាយដំពីររូប គ្រោងស្នើជួបប្រធានរដ្ឋសភា សុំថវិកាព្យាបាលរបួស
×![]()
តំណាងរាស្ត្រគណបក្សសង្គ្រោះជាតិពីររូប គឺលោក គង់ សភា និងលោក ញ៉យ ចំរើន ដែលរងគ្រោះដោយសារការវាយដំពីជនដៃដល់ កាលពីថ្ងៃទី២៦ តុលា កន្លងមក គ្រោងស្នើសុំជួបជាមួយប្រធានរដ្ឋសភាដោយផ្ទាល់ ដើម្បីស្នើសុំថវិកាព្យាបាលរបួសបន្ថែម។
លោក គង់ សភា និងលោក ញ៉យ ចំរើន បានបញ្ជាក់ថា រូបលោកទាំងពីរបានដាក់សំណើស្នើសុំថវិកាព្យាបាលរបួសបន្ថែមពីរដ្ឋសភាម្ដងជាពីរដងហើយ ប៉ុន្ដែរដ្ឋសភាបដិសេធឈប់បន្ដផ្ដល់ឲ្យទៀតហើយ។បើតាមតំណាងរាស្ត្ររងគ្រោះទាំងពីររូបនេះ រហូតមកពេលនេះពួកគេបានចំណាយថវិកាផ្ទាល់ខ្លួនពី៣ទៅ៤ពាន់ដុល្លារហើយ សម្រាប់ថែទាំជំងឺជាប្រចាំតាមការណាត់ជួបជាមួយគ្រូពេទ្យនៅប្រទេសថៃ។
លោក គង់ សភា បានបន្ថែមថា មូលហេតុដែលលោកនឹងលោក ញ៉យ ចំរើន ស្នើសុំថវិកាថែទាំរបួសបន្ថែមនេះ ដោយសារតែរបួសនៅមិនទាន់មានភាពធូស្បើយច្រើនឡើយ ហើយត្រូវបន្ដព្យាបាលរយៈពេលយូទៀត ដូច្នេះត្រូវការចំណាយថវិកាផ្ទាល់ខ្លួនក៏ច្រើនដែរ។
ថ្លែងប្រាប់សារព័ត៌មានថ្មីៗ តំណាងរាស្ត្ររងគ្រោះដោយការវាយដំរូបនេះ បានបញ្ជាក់ដូច្នេះថា៖«បានជាពួកខ្ញុំស្នើសុំថវិកាបន្ថែមនេះ ដោយសារតែពួកខ្ញុំក៏មានការខ្វះខាតដែរ។ខ្ញុំមិនមែនជាអ្នកមានប្រាក់ពីណាច្រើនសម្រាប់ ជិះយន្ដហោះ ថ្លៃហូបចុក សេវាផ្សេងៗ ឡើងចុះព្យាបាលនៅប្រទេសថៃ ដូចនេះហើយបានជាពួកខ្ញុំគ្រោងស្នើសុំជួបសម្ដេចប្រធានរដ្ឋសភាដោយផ្ទាល់ ដើម្បីបង្ហាញរបួសនិងស្នើសុំថវិកាសម្រាប់ព្យាបាលបន្ថែម»។
អ្នកនាំពាក្យរដ្ឋសភា លោក ឡេង ប៉េងឡុង បានបញ្ជាក់ថា មូលហេតុដែលសភាឈប់បន្ដផ្ដល់ថវិកាបន្ថែមជូនតំណារាស្ត្ររងគ្រោះទាំងពីរនេះ ដោយសារតែមិនមានការអនុញ្ញាតពីសម្ដេច ហេង សំរិន ប្រធានរដ្ឋសភា ។លោកបញ្ជាក់ថា ៖«សម្ដេចប្រធាន ថា ឈប់ផ្ដល់ទឹកប្រាក់បន្ថែមឲ្យតំណាងរាស្ត្រទាំងពីររូបនោះហើយ ព្រោះទឹកប្រាក់ប៉ុណ្ណឹងគឺគ្រប់គ្រាន់ហើយ»។
បើតាមអ្នកនាំពាក្យរូបនេះ កន្លងមករដ្ឋសភាបានចំណាយទឹកប្រាក់ផ្ដល់ឲ្យតំណាងរាស្ត្រទាំងពីរនោះ ក្នុងម្នាក់ៗចំនួន១ម៉ឺន ៨ពាន់ដុល្លារហើយ សម្រាប់ព្យាបាលជំងឺ និងជួសជុលឡានជាដើម។
កាលពីថ្ងៃទី២៨ តុលា សម្ដេចនាយករដ្ឋមន្ត្រី ហ៊ុន សែន បានស្នើសុំឲ្យរដ្ឋសភាបញ្ចេញថវិកាបន្ថែមដើម្បីព្យាបាលរបួសលោក ញ៉យ ចំរើន និងលោក គង់ សភា ឲ្យជាសះស្បើយ។លើសពីនេះទៅទៀត រដ្ឋសភាត្រូវចេញប្រាក់ដើម្បីជួសជុលរថយន្តរបស់តំណាងរាស្ត្រដែលខូចខាតផងដែរ។ជាមួយគ្នានោះ ប្រមុខរដ្ឋាភិបាល ក៏បានបញ្ជាឲ្យសមត្ថកិច្ចតាមចាប់ខ្លួនជនល្មើសដែលបានវាយដំតំណាងរាស្ត្របក្សសង្គ្រោះជាតិឲ្យខាងតែបាន។
ក្រោយមកជនដៃដល់បីនាក់ ចូលបង្ហាញខ្លួនចំពោះមុខសមត្ថកិច្ច កាលពីថ្ងៃទី៣ ខែវិច្ឆិកា ឆ្នាំ២០១៥ ហើយត្រូវបានសាលាដំបូងរាជធានីភ្នំពេញ សម្រេចបញ្ជូនពួកគេ ទៅឃុំខ្លួនបណ្តោះអាសន្ន ក្នុងពន្ធនាគារព្រៃស ក្រោយការចោទប្រកាន់ពីបទបង្កហិង្សាដោយចេតនា និងធ្វើឲ្យខូចខាតទ្រព្យសម្បត្តិមានស្ថានទម្ងន់ទោស។
តែការឃុំជនដៃដល់៣នាក់នេះ មិនអាចធ្វើឲ្យលោក គង់ សភា និងលោក ញ៉យ ចំរើន ស្ងប់ចិត្តឡើយ ។ទាំងលោក គង់ សភា ទាំងលោក ញ៉យ ចំរើន នៅតែទទូចឲ្យអាជ្ញាធរ និងប្រព័ន្ធយុត្តិធម៌ ស្វែងរកជនដៃបន្ថែមទៀត ដើម្បីរកយុត្តិធម៌ជូនខ្លួន និងកុំឲ្យជនដៃដល់ដែលមិនទាន់ចាប់ខ្លួនបានទាំងនោះហ៊ានប្រព្រឹត្តិហិង្សាតំណាងរាស្ត្រដទៃទៀត៕
លោក គង់ សភា និងលោក ញ៉យ ចំរើន បានបញ្ជាក់ថា រូបលោកទាំងពីរបានដាក់សំណើស្នើសុំថវិកាព្យាបាលរបួសបន្ថែមពីរដ្ឋសភាម្ដងជាពីរដងហើយ ប៉ុន្ដែរដ្ឋសភាបដិសេធឈប់បន្ដផ្ដល់ឲ្យទៀតហើយ។បើតាមតំណាងរាស្ត្ររងគ្រោះទាំងពីររូបនេះ រហូតមកពេលនេះពួកគេបានចំណាយថវិកាផ្ទាល់ខ្លួនពី៣ទៅ៤ពាន់ដុល្លារហើយ សម្រាប់ថែទាំជំងឺជាប្រចាំតាមការណាត់ជួបជាមួយគ្រូពេទ្យនៅប្រទេសថៃ។
លោក គង់ សភា បានបន្ថែមថា មូលហេតុដែលលោកនឹងលោក ញ៉យ ចំរើន ស្នើសុំថវិកាថែទាំរបួសបន្ថែមនេះ ដោយសារតែរបួសនៅមិនទាន់មានភាពធូស្បើយច្រើនឡើយ ហើយត្រូវបន្ដព្យាបាលរយៈពេលយូទៀត ដូច្នេះត្រូវការចំណាយថវិកាផ្ទាល់ខ្លួនក៏ច្រើនដែរ។
ថ្លែងប្រាប់សារព័ត៌មានថ្មីៗ តំណាងរាស្ត្ររងគ្រោះដោយការវាយដំរូបនេះ បានបញ្ជាក់ដូច្នេះថា៖«បានជាពួកខ្ញុំស្នើសុំថវិកាបន្ថែមនេះ ដោយសារតែពួកខ្ញុំក៏មានការខ្វះខាតដែរ។ខ្ញុំមិនមែនជាអ្នកមានប្រាក់ពីណាច្រើនសម្រាប់ ជិះយន្ដហោះ ថ្លៃហូបចុក សេវាផ្សេងៗ ឡើងចុះព្យាបាលនៅប្រទេសថៃ ដូចនេះហើយបានជាពួកខ្ញុំគ្រោងស្នើសុំជួបសម្ដេចប្រធានរដ្ឋសភាដោយផ្ទាល់ ដើម្បីបង្ហាញរបួសនិងស្នើសុំថវិកាសម្រាប់ព្យាបាលបន្ថែម»។
អ្នកនាំពាក្យរដ្ឋសភា លោក ឡេង ប៉េងឡុង បានបញ្ជាក់ថា មូលហេតុដែលសភាឈប់បន្ដផ្ដល់ថវិកាបន្ថែមជូនតំណារាស្ត្ររងគ្រោះទាំងពីរនេះ ដោយសារតែមិនមានការអនុញ្ញាតពីសម្ដេច ហេង សំរិន ប្រធានរដ្ឋសភា ។លោកបញ្ជាក់ថា ៖«សម្ដេចប្រធាន ថា ឈប់ផ្ដល់ទឹកប្រាក់បន្ថែមឲ្យតំណាងរាស្ត្រទាំងពីររូបនោះហើយ ព្រោះទឹកប្រាក់ប៉ុណ្ណឹងគឺគ្រប់គ្រាន់ហើយ»។
បើតាមអ្នកនាំពាក្យរូបនេះ កន្លងមករដ្ឋសភាបានចំណាយទឹកប្រាក់ផ្ដល់ឲ្យតំណាងរាស្ត្រទាំងពីរនោះ ក្នុងម្នាក់ៗចំនួន១ម៉ឺន ៨ពាន់ដុល្លារហើយ សម្រាប់ព្យាបាលជំងឺ និងជួសជុលឡានជាដើម។
កាលពីថ្ងៃទី២៨ តុលា សម្ដេចនាយករដ្ឋមន្ត្រី ហ៊ុន សែន បានស្នើសុំឲ្យរដ្ឋសភាបញ្ចេញថវិកាបន្ថែមដើម្បីព្យាបាលរបួសលោក ញ៉យ ចំរើន និងលោក គង់ សភា ឲ្យជាសះស្បើយ។លើសពីនេះទៅទៀត រដ្ឋសភាត្រូវចេញប្រាក់ដើម្បីជួសជុលរថយន្តរបស់តំណាងរាស្ត្រដែលខូចខាតផងដែរ។ជាមួយគ្នានោះ ប្រមុខរដ្ឋាភិបាល ក៏បានបញ្ជាឲ្យសមត្ថកិច្ចតាមចាប់ខ្លួនជនល្មើសដែលបានវាយដំតំណាងរាស្ត្របក្សសង្គ្រោះជាតិឲ្យខាងតែបាន។
ក្រោយមកជនដៃដល់បីនាក់ ចូលបង្ហាញខ្លួនចំពោះមុខសមត្ថកិច្ច កាលពីថ្ងៃទី៣ ខែវិច្ឆិកា ឆ្នាំ២០១៥ ហើយត្រូវបានសាលាដំបូងរាជធានីភ្នំពេញ សម្រេចបញ្ជូនពួកគេ ទៅឃុំខ្លួនបណ្តោះអាសន្ន ក្នុងពន្ធនាគារព្រៃស ក្រោយការចោទប្រកាន់ពីបទបង្កហិង្សាដោយចេតនា និងធ្វើឲ្យខូចខាតទ្រព្យសម្បត្តិមានស្ថានទម្ងន់ទោស។
តែការឃុំជនដៃដល់៣នាក់នេះ មិនអាចធ្វើឲ្យលោក គង់ សភា និងលោក ញ៉យ ចំរើន ស្ងប់ចិត្តឡើយ ។ទាំងលោក គង់ សភា ទាំងលោក ញ៉យ ចំរើន នៅតែទទូចឲ្យអាជ្ញាធរ និងប្រព័ន្ធយុត្តិធម៌ ស្វែងរកជនដៃបន្ថែមទៀត ដើម្បីរកយុត្តិធម៌ជូនខ្លួន និងកុំឲ្យជនដៃដល់ដែលមិនទាន់ចាប់ខ្លួនបានទាំងនោះហ៊ានប្រព្រឹត្តិហិង្សាតំណាងរាស្ត្រដទៃទៀត៕
Tag:
ញ៉យ ចំរើន
គង់ សភា
© រក្សាសិទ្ធិដោយ thmeythmey.com
