Facebook៖ សម្តេច ហ៊ុន សែន ចាញ់ឯកឧត្តម សម រង្ស៊ី ជាង ៣០ម៉ឺន Like

ជាតិ

Facebook៖ សម្តេច ហ៊ុន សែន ចាញ់ឯកឧត្តម សម រង្ស៊ី ជាង ៣០ម៉ឺន Like

27, Dec 2015 , 12:57 pm

រូបភាព

ដោយ:

ភ្នំពេញ៖ ក្នុងមួយរយៈចុងក្រោយនេះ គេសង្កេតឃើញថា ទាំងសម្តេច ហ៊ុន សែន ក៏ដូចជាឯកឧត្តម សម រង្ស៊ី ដែរ បានប្រើប្រាស់ទំព័រ Facebook របស់ខ្លួនបង្ហោះពីសកម្មភាពផ្សេងៗជាច្រើន ដូចជារឿងនយោបាយ រឿងសង្គម និងរឿងផ្ទាល់ខ្លួនទៀតផង ដើម្បីបង្កើតឱ្យមានការទាក់ទាញពីសំណាក់ប្រជាពលរដ្ឋទាំងនៅក្នុងស្រុក និងក្រៅស្រុក។

គិតត្រឹមថ្ងៃទី២៧ ខែធ្នូឆ្នាំ២០១៥ វេលាម៉ោង១២ និង ៥០នាទីថ្ងៃត្រង់ ទំព័រ Facebook របស់សម្តេច ហ៊ុន សែន មានអ្នកគាំទ្រតិចជាងទំព័រ Facebook របស់ឯកឧត្តម សម រង្ស៊ី រហូតដល់ជាង ៣០ម៉ឺននាក់។ តួលេខជាក់ស្តែងបានបង្ហាញថា ទំព័រ Facebook របស់ សម្តេច ហ៊ុន សែន មានអ្នកគាំទ្រត្រឹមតែ ១,៦៤២,១៥៣នាក់ប៉ុណ្ណោះ ខណៈអ្នកគាំទ្រទំព័រ Facebook របស់ ឯកឧត្តម សម រង្ស៊ី មានរហូតដល់ ១,៩៥៦,៩០២នាក់។

បច្ចុប្បន្ននេះ បណ្តាញសង្គមហ្វេសប៊ុកបានក្លាយទៅជាឧបករណ៍ឃោសនានយោបាយដ៏មានប្រសិទ្ធិភាព។ ដូច្នេះហើយទើបអ្នកនយោបាយខ្មែរ រួមទាំងមេដឹកនាំគណបក្សធំៗផង បាននាំគ្នាបង្កើតទំព័រហ្វេសប៊ុកដើម្បីបង្ហាញជំហរនយោបាយរបស់ពួកគេ។ នៅក្នុងការបោះឆ្នោតឃុំសង្កាត់ឆ្នាំ២០១៧ និងការបោះឆ្នោតជាតិឆ្នាំ២០១៨ខាងមុខនេះ អ្នកនយោបាយកាន់តែច្រើនឡើងនឹងប្រើប្រាស់បណ្តាញសង្គមហ្វេសប៊ុកដើម្បីឃោសនាទាក់ទាញសំឡេងឆ្នោតពីអ្នកគាំទ្រ។ អ្នកនយោបាយមិនចេះប្រើប្រាស់បច្ចេកវិទ្យាព័ត៌មានទំនើបដើម្បីសាបព្រោះមនោគមន៍វិជ្ជាខ្លួនឯងអាចនឹងបាត់បង់ប្រជាប្រិយភាពខ្លះ ហើយអាចថា អ្នកទាំងនោះរត់មិនទាន់គេផង ក៏ថាបាន៕

សណ្ដែកកួរ ឡើងដល់៤ម៉ឺនរៀល ក្នុងមួយគីឡូក្រាម

4 ថ្ងៃ

«ប្រសប់»និង«ប្រសព្វ» មានសូរសព្ទដូចគ្នា តែន័យខុសគ្នា!

6 ថ្ងៃ

បុរាណវិទូប្រឹងគាស់កកាយអាថ៌កំបាំងព្រែកជីកស្រមោច ដែលបានជីកមុនរាជ្យព្រះបាទជ័យវរ្ម័នទី៧

6 ថ្ងៃ

ដំរីព្រៃ ដែលគេសង្គ្រោះចេញពីល្បាប់ភក់ ក្នុងដែនជម្រកសត្វព្រៃភ្នំព្រេច បានងាប់ហើយ

1 សប្តាហ៍

រវាង «លស់» «លួស» និង «លោះ» មានអត្ថន័យខុសគ្នាដូចម្តេច?

5 ថ្ងៃ

អត្ថបទពេញនិយមបន្ថែម