ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
អត្ថបទពាណិជ្ជកម្ម
បទយកការណ៍/សម្ភាស
ជាតិ
កូនៗរបស់កម្មករចម្ការកៅស៊ូអាចក្លាយជាកីឡាករប្រកួតកីឡាស៊ីហ្គេមនៅកម្ពុជាឆ្នាំ ២០២៣
27, Dec 2015 ,
7:19 pm
រូបភាព
×
ដោយ:
ថ្មីៗ
ព្រះវិហារ៖កីឡាជាច្រើនប្រភេទមានដូចជាកីឡាបាល់ទះ កីឡាបាល់ឱប បាល់ទាត់ និងកីឡាវាយសី ជាដើម គឺជាប្រភេទកីឡាដែលក្រុមហ៊ុនសិលាដាម៉ិច (Seladamex) កំពុងបង្រៀនកូនៗរបស់កម្មករដាំកៅស៊ូ និងកម្មករមួយចំនួនជាប្រចាំ ក្រៅពីមេរៀនសាលានៅក្នុងហ៊ុននេះ។ ធនធានកីឡាករវ័យក្មេងនៅក្នុងទឹកដីដាច់ស្រយាលក្នុងឃុំស្រយ៉ង់ ស្រុកគូលែន ខេត្តព្រះវិហារនេះ ត្រូវមន្ត្រីក្រសួងអប់រំរំពឹងថា នឹងអាចក្លាយជាកីឡាករប្រកួតកីឡាស៊ីហ្គេម នៅឆ្នាំ ២០២៣ ខាងមុខ ដែលកម្ពុជាធ្វើជាម្ចាស់ផ្ទះ។
អគ្គនាយកក្រុមហ៊ុន សិលាដាម៉ិច លោក ហ្វីលីព ម៉ូណាំង (Philipppe Monnin) បាននិងកំពុងជួលគ្រូបង្រៀនផ្នែកកីឡាមកបង្ហាត់កីឡាករវ័យក្មេងដែលជាកូនៗរបស់កម្មករចម្ការកៅស៊ូរបស់លោកស្ថិតនៅក្នុងឃុំស្រយ៉ង់ ស្រុកគូលែនខេត្តព្រះវិហារ។ ប្រភេទកីឡាដែលក្រុមហ៊ុនរៀបចំឡើងសម្រាប់បង្ហាត់កីឡាករវ័យក្មេង មានជាអាទិ៍ កីឡាបាល់ទាត់ កីឡាបាល់ទះ កីឡាវាយសី ហើយជាពិសេសកីឡាករបាល់ឱប។ លោក ហ្វីលីព ម៉ូណាំង រំពឹងថា ទៅថ្ងៃអនាគត កីឡាករ កីឡាការិនីវ័យក្មេងដែលជាកូនចៅរបស់កម្មករចម្ការកៅស៊ូរបស់លោកនឹងមានសមត្ថភាពប្រកួតនៅលើឆាកជាតិ និងអន្តរជាតិ។
អនុរដ្ឋលេខាធិការក្រសួងអប់រំយុវជន និងកីឡា លោក សាមឺឌី ស៊ីវឌ្ឍនា បានថ្លែងនៅក្នុងពិធីអបអរសាទរចូលឆ្នាំសកល និងបុណ្យ Christmas ដែលមានការប្រកួតកីឡាជាច្រើនប្រភេទនៅក្នុងក្រុមហ៊ុនសិលាដាម៉ិច កាលពីពេលថ្មីៗនេះថា លោកពេញចិត្តយ៉ាងខ្លាំងណាស់ចំពោះក្រុមហ៊ុនដែលមានម្ចាស់ជនជាតិបារាំងមួយនេះ ដែលបានគិតគូរពីបញ្ហាសុខមាលភាពរបស់កូនៗកម្មករតាមរយៈការបង្ហាត់កីឡាដល់ពួកគេ។ លោកថា សកម្មភាពនេះ ជាផ្នែកមួយដ៏សំខាន់ដើម្បីលើកកម្ពស់វិស័យកីឡានៅកម្ពុជា។ មន្ត្រីក្រសួងអប់រំរូបនេះ សង្ឈឹមថា កីឡាករវ័យក្មេងរបស់ក្រុមហ៊ុននេះ នឹងអាចឈានទៅប្រកួតកីឡាស៊ីហ្គេមនៅឆ្នាំ ២០២៣ ខាងមុខ ដែលកម្ពុជាធ្វើជាម្ចាស់ផ្ទះ។
ជាមួយគ្នានេះ លោក ប៉ាង យាត អភិបាលស្រុកគូលេន បានថ្លែងថា រូបលោករំភើបជំនួសកូនៗរបស់កម្មករចម្ការកៅស៊ួនេះ ដែលមានឱកាសបានចូលរៀនត្រឹមត្រូវ និងហាត់កីឡា បើទោះបីជាពួកគេនៅក្នុងទីដាច់ស្រយាលពីទីប្រជុំជនក៏ដោយ។ ក្នុងនាមជាអាជ្ញាធរដែនដី លោក ប៉ាង យាត ចង់ឃើញក្រុមហ៊ុនដទៃទៀតដែលមកវិនិយោគនៅក្នុងប្រទេសកម្ពុជា យកគំរូតាមក្រុមហ៊ុនមួយនេះ។« យើងត្រូវការក្រុមហ៊ុនបែបនេះ។ ពួកយើងមិនត្រូវការក្រុមហ៊ុន ដែលមិនអនុវត្តតាមច្បាប់ត្រឹមត្រូវវិនិយោគនៅលើទឹកដីយើងឡើយ»។ នេះជាការបញ្ជាក់របស់លោក ប៉ាង យាត ទន្ទឹមនឹងមានក្តីសង្ឃឹមថា កុមារនៅទីនេះ នឹងអាចក្លាយជាកីឡាករនៅក្នុងការប្រកួតថ្នាក់ជាតិ ឬស៊ីហ្គេមនា ឆ្នាំ ២០២៣ ។
អគ្គនាយកក្រុមហ៊ុន សិលាដាម៉ិច លោក ហ្វីលីព ម៉ូណាំង បានថ្លែងថា ក្រៅពីគិតគូរពីបញ្ហាជីវភាពរបស់កម្មករ បញ្ហាសុខមាលភាពរបស់កម្មករ និងកូនៗរបស់កម្មករ តាមរយៈវិស័យកីឡា ក៏ជាគោលការណ៍ដែលក្រុមហ៊ុនរបស់លោកបាន និងកំពុងអនុវត្តយ៉ាងយកចិត្តទុកដាក់។
កុមារា ភុទ សុបញ្ញា អាយុ ១២ ឆ្នាំ ដែលកំពុងហ្វឹកហាត់ជំនាញផ្នែកកីឡាបាល់ឱបនៅក្នុងក្រុមហ៊ុននេះ បាននិយាយថា រូបគេបានទទួលការបណ្តាលផ្នែកកីឡាបាល់ឱបពីលោក ហ្វីលីព ម៉ូណាំង និងគ្រូកីឡារបស់គេអស់រយៈពេលជាង ១ ឆ្នាំមកហើយ។ កុមារកូនកម្មករដែលមានសម្បុរខ្មៅស្រអែមរូបនេះ មានមហិច្ឆតាចង់ក្លាយជាកីឡាបាល់ឱបអាជីពនៅក្នុងជីវិតរបស់គេ ហើយបានបញ្ជាក់យ៉ាងនេះថា៖ « ខ្ញុំស្រឡាញ់កីឡានេះ។ ខ្ញុំចង់ឡើងទៅប្រកួតថ្នាក់ជាតិ និងអន្តរជាតិដូចបងៗ និងកីឡាករបាល់ឱបអន្តរជាតិដទៃទៀត»។
សូមបបញ្ជាក់ថា ក្រុមហ៊ុនសិលាដាម៉ិច ដែលកំពុងតែវិនិយោគដំណាំកៅស៊ូនៅក្នុងឃុំស្រយ៉ង់ ឃុំគូលែន ខេត្តព្រះវិហារ បច្ចុប្បន្នមានកម្មករជិត ១ ពាន់នាក់ និងកុមារដែលជាកូនៗរបស់កម្មករប្រមាណ ២ រយនាក់កំពុងធ្វើការ និងស្នាក់នៅក្រុមហ៊ុន។ កម្មករដាំកៅស៊ូនៅទីនេះ មកពីតាមបណ្តាលខេត្តនានាស្ទើរទូទាំងប្រទេសកម្ពុជា។ មិនត្រឹមតែទទួលបានប្រាក់ខែសមរម្យឡើយ កម្មករធ្វើការនៅក្រុមហ៊ុននេះ មានផ្ទះនៅស្រាប់ មានពេទ្យព្យាបាលជំងឺដោយអត់អស់លុយ មានអាហារស្រាប់ ហើយកូនៗរបស់ពួកគេទទួលបានការអប់រំ និងមានអ្នកមើលថែផងដែរនៅពេលដែលពួកគេទៅធ្វើការ។
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
កម្មករ
កីឡា
ក្រុមហ៊ុនសិលាដាម៉ិច
© រក្សាសិទ្ធិដោយ thmeythmey.com
អត្ថបទពេញនិយម
សណ្ដែកកួរ ឡើងដល់៤ម៉ឺនរៀល ក្នុងមួយគីឡូក្រាម
4 ថ្ងៃ
«ប្រសប់»និង«ប្រសព្វ» មានសូរសព្ទដូចគ្នា តែន័យខុសគ្នា!
6 ថ្ងៃ
បុរាណវិទូប្រឹងគាស់កកាយអាថ៌កំបាំងព្រែកជីកស្រមោច ដែលបានជីកមុនរាជ្យព្រះបាទជ័យវរ្ម័នទី៧
6 ថ្ងៃ
ដំរីព្រៃ ដែលគេសង្គ្រោះចេញពីល្បាប់ភក់ ក្នុងដែនជម្រកសត្វព្រៃភ្នំព្រេច បានងាប់ហើយ
1 សប្តាហ៍
រវាង «លស់» «លួស» និង «លោះ» មានអត្ថន័យខុសគ្នាដូចម្តេច?
5 ថ្ងៃ
អត្ថបទពេញនិយមបន្ថែម