នាយករដ្ឋមន្ត្រីលុបចោលការយកលុយធ្វើដំណើរលើផ្លូវវេងស្រេង

ជាតិ

សង្គមជាតិ

នាយករដ្ឋមន្ត្រីលុបចោលការយកលុយធ្វើដំណើរលើផ្លូវវេងស្រេង

28, Dec 2015 , 8:55 am

រូបភាព

ដោយ: ថ្មីៗ

ពីពិធីចែកសញ្ញាបត្រដល់និស្សិតសាកលវិទ្យាល័យភូមិន្ទនីតិសាស្ត្រ និងវិទ្យាសាស្រ្តសេដ្ឋកិច្ច នៅព្រឹកថ្ងៃទី ២៨នេះ សម្តេចនាយករដ្ឋមន្ត្រី ហ៊ុន សែន បានប្រកាសឈប់យកលុយថ្លៃ ធ្វើដំណើរលើផ្លូវវេងស្រេង។

រដ្ឋាភិបាលបានសម្រេចដកយកសិទ្ធិគ្រប់គ្រងផ្លូវវ៉េងស្រេងនេះ ពីក្រុមហ៊ុនថូលវេ (Phnom Penh Tool way ) មកគ្រប់គ្រងវិញ ដូចនេះរាល់ការធ្វើដំណើរនៅលើផ្លូវនេះ មិនតម្រូវឲ្យបង់ថវិកាដូចមុននោះទេ។ ក្រោយពីទទួលសំណើប្រជាពលរដ្ឋតាមទំព័រហ្វេសប៊ុកខ្លួន លោកនាយករដ្ឋមន្ត្រីថ្លែងយ៉ាងដូច្នេះថា៖«ក្រោយម៉ោង១២យប់ កន្លងមកនេះ ខ្ញុំបានសម្រេចដកយកផ្លូវវេងស្រេងមកគ្រប់គ្រងវិញ បន្ទាប់ពីបានទទួលយោបល់ដ៏ល្អពីសំណាក់ប្រជាជនយើងមកកាន់ Facebook របស់ខ្ញុំ។ខ្ញុំសូមបញ្ជាក់សារជាថ្មីថា ពេលនេះ ការធ្វើដំណើរតាមផ្លូវវេង ស្រេងមិនមានបង់ប្រាក់ទៀតទេ។ អ្វីដែលខ្ញុំសុំពីបងប្អូនវិញគឺត្រូវគោរពច្បាប់ចរាចរណ៍ទាំងអស់គ្នា។ សូមកុំឲ្យមានគ្រោះថ្នាក់ចរាចរណ៍លើផ្លូវវេងស្រេង»៕