សម្តេច ហ៊ុន សែនថា លោកប្រាយុទ្ធ គ្រវីក្បាលមិនមែនមើលងាយខ្លួនឡើយ

ជាតិ

នយោបាយជាតិ

សម្តេច ហ៊ុន សែនថា លោកប្រាយុទ្ធ គ្រវីក្បាលមិនមែនមើលងាយខ្លួនឡើយ

28, Dec 2015 , 10:33 am

រូបភាព

ដោយ: រំដួល ចិត្រា (Romdoul Chetra)

ប្រមុខរដ្ឋាភិបាលកម្ពុជា បានបកស្រាយនូវសកម្មភាពគ្រវីក្បាលរបស់លោកនាយករដ្ឋមន្ត្រីថៃ ប្រាយុទ្ធ ច័ន្ទអូចា នៅពេលដែលខ្លួនកេះលោកថា ការគ្រវីក្បាលរបស់លោក ប្រាយុទ្ធ មិនមែនជាសកម្មភាពមើលងាយខ្លួនឡើយ តែសម្តេច បញ្ជាក់ថា វាជាសកម្មភាពបង្ហាញភាពស្និទ្ធស្នាលរវាងប្រមុខរដ្ឋាភិបាលកម្ពុជា និងប្រមុខរដ្ឋាភិបាលថៃ។ សម្តេច ពន្យល់ថា ការគ្រវីក្បាលរបស់លោក ប្រាយុទ្ធ ដោយសារលោកនាយករដ្ឋមន្ត្រីថៃ ហួសចិត្តខ្លួនឯងដែលនិយាយច្រើនមិនឲ្យអ្នកបកប្រែបានបកប្រែជាភាសាខ្មែរ។ ជាងនេះទៅទៀតសម្តេច លើកឡើងថា លោក ប្រាយុទ្ធ ក៏កេះខ្លួនផងដែរ។

សូមរម្លឹកថា ក្នុងអំឡុងពេលធ្វើសន្និសីទកាសែតបិទបញ្ចប់នៃកិច្ចប្រជុំគណៈរដ្ឋមន្ត្រីចម្រុះកម្ពុជា-ថៃ លើកទី ២ កាលពីថ្ងៃទី ១៩ ខែធ្នូ នាយករដ្ឋមន្ត្រីថៃ លោក ប្រាយុទ្ធ ច័ន្ទអូចា បានគ្រវីក្បាលនៅពេលសម្តេច ហ៊ុន សែន កេះលោកពេលកំពុងថ្លែងក្នុងសន្និសីទកាសែត។ ការគ្រវីក្បាលរបស់លោក ប្រាយុទ្ធ បានធ្វើឲ្យមានការបកស្រាយផ្សេងៗគ្នា។

សូមចូលអានអត្ថបទ៖ លោក ប្រាយុទ្ធ គ្រវីក្បាលពេលសម្តេច ហ៊ុន សែន កេះខ្លួនកំពុងថ្លែងក្នុងសន្និសីទកាសែត