មន្ត្រីសង្ឃទូទាំងប្រទេសនឹងជួបជុំគ្នាពិភាក្សាពីកិច្ចការសាសនាប្រចាំឆ្នាំ

ជាតិ

មន្ត្រីសង្ឃទូទាំងប្រទេសនឹងជួបជុំគ្នាពិភាក្សាពីកិច្ចការសាសនាប្រចាំឆ្នាំ

28, Dec 2015 , 4:07 pm

រូបភាព

ដោយ: ម៉ៅ សុផា

នៅថ្ងៃទី២៩ ខែធ្នូស្អែកនេះ ក្រសួងធម្មការនិងសាសនា នឹងរៀបចំអនុសំវច្ចរមហាសន្និបាតលើកទី២៤ នៅសាលចតុមុខ។ អនុសំវច្ចរមហាសន្និបាត គឺជាការជួបជុំរបស់ព្រះសង្ឃទូទាំងប្រទេស ដែលត្រូវបានរៀបចំឡើងមួយដងក្នុងមួយឆ្នាំ។ ការជួបជុំរបស់មន្ត្រីសង្ឃទូទាំងប្រទេសនេះ គឺដើម្បីពិភាក្សាគ្នាពីកិច្ចការសាសនា ប្រចាំឆ្នាំ។

អ្នកនាំពាក្យក្រសួងធម្មការនិងសាសនា លោក សេង សុមុនី បានលើកឡើងថា ព្រះសង្ឃប្រមាណជាង ៨០០អង្គ និមន្តចូលរួមក្នុងអនុសំវច្ចរមហាសន្និបាតលើកទី២៤ នៅថ្ងៃនេះ។ លោកបន្ថែមថា ព្រះសង្ឃដែលនិមន្តមកចូលរួម គឺជាមន្ត្រីសង្ឃ ដែលឋានៈចាប់ពីព្រះអនុគណស្រុកឡើងទៅ នៅទូទាំង២៥ រាជធានីខេត្ត។

អ្នកនាំពាក្យរូបនេះបានបញ្ជាក់ដូច្នេះថា៖«ការប្រជុំនេះ គឺយកតែព្រះអនុគណស្រុកឡើងលើ នៅទូទាំងប្រទេស។ ការប្រជុំហ្នឹង ដើម្បីស្តាប់ការបូកសរុប លទ្ធផលការងាររបស់ព្រះសង្ឃ ក្នុងការប្រតិបត្តិអស់រយៈពេលមួយឆ្នាំនេះ។ បើមានការខ្វះខាត និងមានចំណុចណាដែលប៉ះពាល់ដល់ព្រះពុទ្ធសាសនា ព្រះសង្ឃនឹងលើកមកពិភាក្សាក្នុងកិច្ចប្រជុំនោះ ហើយកែលម្អឡើងវិញ»៕