រដ្ឋមន្ត្រីក្រសួងមហាផ្ទៃបន្តក្រើនរម្លឹកពីការរឹតបន្តឹងច្បាប់ចរាចរណ៍ផ្លូវគោកថ្មី

ជាតិ

រដ្ឋមន្ត្រីក្រសួងមហាផ្ទៃបន្តក្រើនរម្លឹកពីការរឹតបន្តឹងច្បាប់ចរាចរណ៍ផ្លូវគោកថ្មី

28, Dec 2015 , 9:19 pm

រូបភាព

ដោយ:

ភ្នំពេញ៖ រដ្ឋមន្ត្រីក្រសួងមហាផ្ទៃ សម្តេច ស ខេង បានបន្តក្រើនរម្លឹកពីវិធានការសមត្ថកិច្ច ត្រួតពិនិត្យរឹតបន្តឹងការអនុវត្តច្បាប់ចរាចរណ៍ផ្លូវគោក ចាប់ពីដើមខែមករា ឆ្នាំ ២០១៦ខាងមុខ។

សមត្ថកិច្ចនៅទូទាំង ២៥ រាជធានី-ខេត្ត នឹងចាប់ផ្តើមត្រួតពិនិត្យ និង រឹតបន្តឹងការអនុវត្តច្បាប់ចរាចរណ៍ ផ្លូវគោកថ្មី នៅឆ្នាំ ២០១៦ ដើម្បីរៀបចំសណ្តាប់ធ្នាប់ចរាចរផ្លូវគោក ជាពិសេសគឺ កាត់បន្ថយគ្រោះថ្នាក់ចរាចរផ្លូវគោកតែម្តង។ បើតាមការផ្សាយរបស់អគ្គស្នងការដ្ឋាននគរបាលជាតិ រដ្ឋមន្ត្រីក្រសួងមហាផ្ទៃ បានក្រើនរម្លឹកប្រាប់ប្រជាពលរដ្ឋដែលបានចូលរួមពិធី បុណ្យបញ្ចុះបឋមសិលាកសាងព្រះវិហារ និងរាប់បាត្រព្រះសង្ឃ ក្នុងខណ្ឌព្រែកព្នៅ កាលថ្ងៃ២៧ ធ្នូថា សមត្ថកិច្ចនឹងអនុវត្តច្បាប់ថ្មីនេះ តឹងតែងជាងមុន ហើយថា វានឹងជៀសមិនផុតពីការប៉ះពាល់ខ្លះ ដល់អ្នកបញ្ជាចរាចរមួយចំនួន។

យ៉ាងណា សម្តេចបញ្ជាក់ថា៖«យើងមិនអាចឈរមើលប្រជាពលរដ្ឋ ដែលរងគ្រោះថ្នាក់ចរាចរណ៍ជារៀងរាល់ថ្ងៃច្រើនជាងសម័យសង្គ្រាមទៅទៀត ដោយសារការ បើកបរមិនគោរពច្បាប់ចរាចរណ៍ទេ»៕