ជាតិ
ក្រោយការបញ្ជាតាមហ្វេសប៊ុក សាលារាជធានីប្រកាសឈប់យកលុយនៅផ្លូវវេងស្រេង
×![]()
សាលារាជធានីភ្នំពេញនៅថ្ងៃទី២៨ ខែធ្នូ បានចេញសេចក្តីជូនដំណឹងស្តីពីការបញ្ឈប់យកកម្រៃសេវាលើរថយន្តចរាចរឆ្លងកាត់ផ្លូវចោមចៅ-ស្ទឹងមានជ័យ (ផ្លូវវេងស្រេង)។ សេចក្តីជូនដំណឹងនេះ គឺធ្វើតាមបញ្ជារបស់សម្តេចនាយករដ្ឋមន្ត្រី ហ៊ុន សែន ដែលសរសេរតាមហ្វេសប៊ុកថា សម្តេចជូនជាកាដូឆ្នាំថ្មីសម្រាប់ពលរដ្ឋ តាមរយៈការបញ្ចប់កិច្ចសន្យាជាមួយក្រុមហ៊ុន ភ្នំពេញ ថូលវេ លើការយកកម្រៃសេវារថយន្តដែលឆ្លងកាត់ផ្លូវនេះ។
កាលពីវេលាម៉ោង៩ និង៤៦នាទី យប់ថ្ងៃទី២៧ខែធ្នូ សម្តេច ហ៊ុន សែន បានសរសេរនៅលើហ្វេសប៊ុកផ្លូវការរបស់ខ្លួនថា សម្តេចទើបតែដឹងពីការយកលុយពីម្ចាស់រថយន្តនៅតាមបណ្តោយផ្លូវវេងស្រេង។ សម្តេចបានដឹងដំណឹងនេះ ពីពលរដ្ឋម្នាក់ដែលបានសំណូមពរដល់សម្តេចតាមហ្វេសប៊ុក ឲ្យជួយដោះស្រាយ។
តាមរយៈហ្វេសប៊ុកដដែល ប្រមុខរដ្ឋាភិបាល បានបញ្ជាដល់សាលារាជធានីភ្នំពេញឲ្យចាត់កម្លាំងធ្វើ Sticker ជូនពល ដោយមិនចាំបាច់បង់ប្រាក់សម្រាប់រថយន្តគ្រួសារដែលរស់នៅតាមបណ្តោយផ្លូវ និងស្ថិតនៅក្នុងតំបន់ដែលក្រុមហ៊ុនធ្វើវិនិយោគ។ សម្តេចនាយករដ្ឋមន្ត្រី បានសរសេរថា៖ «បងប្អូនត្រូវបំពេញកាត្វកិច្ចបង់ពន្ធផ្លូវជូនរដ្ឋតាមការកំណត់នៃច្បាប់ តែមិនត្រូវបង់ថ្លៃផ្លូវមុខផ្ទះបងប្អូននោះទេ»។
បន្ទាប់មកទៀតបុរសខ្លាំងនៅកម្ពុជា បានសរសេរបន្ថែមនៅលើហ្វេសប៊ុកថា៖ «ក្រោយពីបានសិក្សាល្អិតល្អន់មួយកម្រិតធំថែមទៀត គឺរាជរដ្ឋាភិបាលសម្រេចទិញយកការវិនិយោគទាំងមូលនៃផ្លូវវេងស្រេងនេះមកកាន់កាប់ទាំងស្រុងវិញ។ ខ្ញុំបានបញ្ជាទៅសាលាក្រុង និងក្រុមហ៊ុនឯកជនត្រូវបញ្ឈប់យកលុយទាំងស្រុងចាប់ពីពេលចេញដំណឹងនេះ ហើយចាប់ពីពេលនេះតទៅ គឺបងប្អូនប្រជាពលរដ្ឋ និងអ្នកធ្វើដំណើរទូទៅគឺឈប់បង់ប្រាក់តទៅទៀតហើយ។ នេះគឺជាកាដូសម្រាប់បងប្អូនជនរួមជាតិនៅក្នុងឆ្នាំថ្មី ២០១៦ នេះ!បងប្អូននិងសន្សំបានប្រាក់ដែលធ្លាប់បង់ថ្លៃផ្លូវមកលើកកំពស់ជីវភាពក្នុងក្រុមគ្រួសារវិញ»។
បទបញ្ជាមិនដល់២៤ម៉ោងស្រួលបួលផង សាលារាធានីភ្នំពេញ បានដោះស្រាយបញ្ហាដែលរាំរៃអស់ជាច្រើនឆ្នាំនេះ បានរួចរាល់។ តាមរយៈសេចក្តីជូនដំណឹងរបស់ខ្លួននៅថ្ងៃទី២៨ ខែធ្នូ សាលារាជធានីភ្នំពេញ បានប្រកាសសងថវិកាជូនពលរដ្ឋដែលបានទិញស្ទីកឃ័រ សម្រាប់ឆ្លងកាត់ផ្លូវ ដោយការទូទាត់សងធ្វើនៅទីស្នាក់ការក្រុមហ៊ុន ភ្នំពេញ ថូលវេ ស្ថិតក្នុងបុរីពិភពថ្មី តាមបណ្តោយផ្លូវវេងស្រេងផ្ទាល់។
ជាមួយគ្នានេះផងដែរ សាលារាជធានីប្រកាសទទួលខុសត្រូវលើការគ្រប់គ្រង និងធ្វើការកែលម្អផ្លូវខាងលើតាមស្តង់ដារបច្ចេកទេស ដើម្បីដាក់ជូនពលរដ្ឋប្រើប្រាស់សម្រាប់ប្រយោជន៍សាធារណៈ៕
កាលពីវេលាម៉ោង៩ និង៤៦នាទី យប់ថ្ងៃទី២៧ខែធ្នូ សម្តេច ហ៊ុន សែន បានសរសេរនៅលើហ្វេសប៊ុកផ្លូវការរបស់ខ្លួនថា សម្តេចទើបតែដឹងពីការយកលុយពីម្ចាស់រថយន្តនៅតាមបណ្តោយផ្លូវវេងស្រេង។ សម្តេចបានដឹងដំណឹងនេះ ពីពលរដ្ឋម្នាក់ដែលបានសំណូមពរដល់សម្តេចតាមហ្វេសប៊ុក ឲ្យជួយដោះស្រាយ។
តាមរយៈហ្វេសប៊ុកដដែល ប្រមុខរដ្ឋាភិបាល បានបញ្ជាដល់សាលារាជធានីភ្នំពេញឲ្យចាត់កម្លាំងធ្វើ Sticker ជូនពល ដោយមិនចាំបាច់បង់ប្រាក់សម្រាប់រថយន្តគ្រួសារដែលរស់នៅតាមបណ្តោយផ្លូវ និងស្ថិតនៅក្នុងតំបន់ដែលក្រុមហ៊ុនធ្វើវិនិយោគ។ សម្តេចនាយករដ្ឋមន្ត្រី បានសរសេរថា៖ «បងប្អូនត្រូវបំពេញកាត្វកិច្ចបង់ពន្ធផ្លូវជូនរដ្ឋតាមការកំណត់នៃច្បាប់ តែមិនត្រូវបង់ថ្លៃផ្លូវមុខផ្ទះបងប្អូននោះទេ»។ បន្ទាប់មកទៀតបុរសខ្លាំងនៅកម្ពុជា បានសរសេរបន្ថែមនៅលើហ្វេសប៊ុកថា៖ «ក្រោយពីបានសិក្សាល្អិតល្អន់មួយកម្រិតធំថែមទៀត គឺរាជរដ្ឋាភិបាលសម្រេចទិញយកការវិនិយោគទាំងមូលនៃផ្លូវវេងស្រេងនេះមកកាន់កាប់ទាំងស្រុងវិញ។ ខ្ញុំបានបញ្ជាទៅសាលាក្រុង និងក្រុមហ៊ុនឯកជនត្រូវបញ្ឈប់យកលុយទាំងស្រុងចាប់ពីពេលចេញដំណឹងនេះ ហើយចាប់ពីពេលនេះតទៅ គឺបងប្អូនប្រជាពលរដ្ឋ និងអ្នកធ្វើដំណើរទូទៅគឺឈប់បង់ប្រាក់តទៅទៀតហើយ។ នេះគឺជាកាដូសម្រាប់បងប្អូនជនរួមជាតិនៅក្នុងឆ្នាំថ្មី ២០១៦ នេះ!បងប្អូននិងសន្សំបានប្រាក់ដែលធ្លាប់បង់ថ្លៃផ្លូវមកលើកកំពស់ជីវភាពក្នុងក្រុមគ្រួសារវិញ»។
បទបញ្ជាមិនដល់២៤ម៉ោងស្រួលបួលផង សាលារាធានីភ្នំពេញ បានដោះស្រាយបញ្ហាដែលរាំរៃអស់ជាច្រើនឆ្នាំនេះ បានរួចរាល់។ តាមរយៈសេចក្តីជូនដំណឹងរបស់ខ្លួននៅថ្ងៃទី២៨ ខែធ្នូ សាលារាជធានីភ្នំពេញ បានប្រកាសសងថវិកាជូនពលរដ្ឋដែលបានទិញស្ទីកឃ័រ សម្រាប់ឆ្លងកាត់ផ្លូវ ដោយការទូទាត់សងធ្វើនៅទីស្នាក់ការក្រុមហ៊ុន ភ្នំពេញ ថូលវេ ស្ថិតក្នុងបុរីពិភពថ្មី តាមបណ្តោយផ្លូវវេងស្រេងផ្ទាល់។
ជាមួយគ្នានេះផងដែរ សាលារាជធានីប្រកាសទទួលខុសត្រូវលើការគ្រប់គ្រង និងធ្វើការកែលម្អផ្លូវខាងលើតាមស្តង់ដារបច្ចេកទេស ដើម្បីដាក់ជូនពលរដ្ឋប្រើប្រាស់សម្រាប់ប្រយោជន៍សាធារណៈ៕
Tag:
ផ្លូវវេងស្រេង
សាលារាជធានីភ្នំពេញ
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
11 ម៉ោង
