ជាតិ
×![]()
ដោយ: ថ្មីៗ
កំពង់ធំ៖ កងកម្លាំងនៃអធិការង ស្រុកសណ្តាន់ ខេត្តកំពង់ធំ បានស្ទាក់ចាប់ជនសង្ស័យចំនួន៣នាក់ ពាក់ព័ន្ឋនឹងលក់ក្បាលអ្នកតា និងវត្ថុបុរាណ ដែលជាមុខសញ្ញាដើរឆបោកលក់ក្បាលអ្នកតាមកយូរហើយ ។ នេះបើតាមអគ្គស្នងការដ្ឋាននគរបាលជាតិ។
កាលពីម្សិលមិញ លោក សាយ ណូរ៉ា ព្រះរាជអាជ្ញារង ខេត្តកំពង់ធំ បានដឹកនាំកម្លាំងសហការជាមួយកម្លាំងចម្រុះខេត្តកំពង់ធំ ស្ទាក់ចាប់ជនសង្ស័យចំនួន៣នាក់ ពាក់ព័ន្ឋនឹងលក់ក្បាលអ្នកតា និងវត្ថុបុរាណ ដោយមានភស្ដុតាងរូបបដិមាករ ចំនួន៧អង្គ យកមករក្សាទុក។
លោក អ៊ិត សុធាព្រះរាជអាជ្ញាខេត្តកំពង់ធំ បានបញ្ជាក់ថា មុខសញ្ញាជនសង្ស័យនេះ គឺបានតាមដានយូរមកហើយ ដែលជាមុខសញ្ញាសំខាន់តែងតែធ្វើសកម្មភាពលក់ក្បាលអ្នកតា ។បើតាមលោក វត្ថុតាងនៃរូបបដិមាករទាំង៧អង្គនេះ ត្រូវបានមន្ត្រីជំនាញសន្និដ្ឋានថា គឺជារូបបដិមាការពិត។
ចំណែកជនសង្ស័យទាំង៣នាក់ ត្រូវបានបញ្ជូនមកកាន់ស្នងការដ្ឋាននគរបាលខេត្តកំពង់ធំ ដើម្បីកសាងសំណុំរឿងបញ្ជូនតុលាការ ៕
© រក្សាសិទ្ធិដោយ thmeythmey.com
