ជាតិ
សង្គមជាតិ
អង្គការព័ត៌មានមូស្លីមកម្ពុជាថ្កោលទោសការភ្ជាប់អំពើភេវរកម្មទៅនឹងសាសនាឥស្លាម
×![]()
ដោយ: សារព័ត៌មានថ្មីៗ
ភ្នំពេញ៖ អង្គការមជ្ឈមណ្ឌលព័ត៌មានមូស្លីមកម្ពុជា Cambodian Muslim Media Center ហៅកាត់ថា CIMM បានប្រកាសថ្កោលទោសសារព័ត៌មានក្នុងស្រុកមួយចំនួន ដែលតែងសរសេរអត្ថបទ ភា្ជប់អំពើភេវរកម្ម ទៅនឹងសាសនាឥស្លាម។ អង្គការមួយនេះ ចាត់ទុកអត្ថបទចុះផ្សាយទាំងនោះថា បានប្រើពាក្យខុសឆ្គងយ៉ាងធ្ងន់ធ្ងរ និងអាចឲ្យមហាជនមើលមិនល្អ ចំពោះអ្នកគោរពប្រតិបត្តិសាសនាឥស្លាម។
អង្គការមជ្ឈមណ្ឌលព័ត៌មានមូស្លីមកម្ពុជា ដែលជាស្ថាប័នផលិតព័ត៌មាន ជុំវិញសហគមន៍ឥស្លាមដំបូងគេនៅកម្ពុជា បានសង្កេតឃើញថា មានបណ្តាញព័ត៌មានជាច្រើន ទាំងប្រព័ន្ធអនឡាញ ជាពិសេសបណ្តាញសង្គមហ្វេសប៊ុក បានប្រើពាក្យមួយចំនួន ក្នុងន័យភ្ជាប់ក្រុមភេវរកម្ម ទៅនឹងសាសនាឥស្លាម។ ពាក្យទាំងនោះ មានដូចជា ក្រុមភេវរករឥស្លាម ISIS ជនជាតិឥស្លាម ឫចាម សំដៅអ្នកកាន់សាសនាឥស្លាមជាដើម។
ក្នុងសេចក្តីថ្លែងការណ៍ដែលចេញផ្សាយនៅថ្ងៃទី ២៨ ធ្នូ ឆ្នាំ២០១៥ អង្គការមជ្ឈមណ្ឌល ព័ត៌មានមូស្លីមកម្ពុជា បញ្ជាក់ថា ការប្រើពាក្យទាំងនោះ អាចឲ្យសាធារណៈជនមួយចំនួនយល់ច្រឡំ និងអាចវិនិឆ្ឆ័យមិនល្អ ដល់សាសនិកឥស្លាម ឫអ្នកកាន់សាសនាឥស្លាម។ ការភ្ជាប់អំពើរភេវរកម្មរបស់ក្រុម ISIS ឫអំពើភេវរកម្មផ្សេងៗទៅនឹងពាក្យឥស្លាមនោះ ជារឿងមួយដែលខុសឆ្គងបំផុត។
ក្នុងខ្លឹមសារសេចក្តីថ្លែងការណ៍ខ្លួន អង្គការមជ្ឈមណ្ឌលព័ត៌មានមូស្លីមកម្ពុជា ក៏បានលើកករណីជាក់ស្តែងរបស់ វេបសាយ ខ្មែរ៧៩ (Khmer79) ដែលកន្លងទៅថ្មីៗនេះ វេបសាយនេះ បានសរសេរអត្ថបទមួយ ដោយដាក់ចំណងជើងថា «ជនជាតិចាម ឫឥស្លាមនៅជាយដែនម៉ាឡេស៊ីបានធ្វើគត់ព្រះសង្ឃជាច្រើនអង្គ និងដុតកុដ្ឋជាច្រើន»។ មជ្ឈមណ្ឌលព័ត៌មានមូស្លីមកម្ពុជា ចាត់ទុកអត្ថបទដែលចេញផ្សាយនៅថ្ងៃទី ២៧ ធ្នូនោះ ថាជាអត្ថបទខ្វះការយល់ដឹង និងមិនបានបែងចែកច្បាស់លាស់ រវាងជនជាតិ និងអ្នកកាន់សាសនាឥស្លាម។
អង្គការមជ្ឈមណ្ឌលព័ត៌មានមូស្លីមកម្ពុជា បានអំពាវនាវឲ្យស្ថាប័នព័ត៌មានទាំងអស់ ជួយកែតម្រូវពាក្យពេចន៍ឡើងវិញ ជៀសវាងការភ័ន្តច្រឡំណាមួយ ជាយថាហេតុ។ ទន្ទឹមនឹងនោះ មុននឹងចេញផ្សាយអត្ថបទ ឫព័ត៌មានអំពីសាសនាឥស្លាម ឫក៏វប្បធម៌នោះ គួរប្រឹក្សាជាមួយសាស្ត្រាចារ្យ ឫអ្នកមានចំណេះដឹងជ្រៅជ្រះផ្នែកសាសនាជាមុន។
គួរបញ្ជាក់ថា កន្លងមកប្រមុខរដ្ឋាភិបាលកម្ពុជា សម្តេច ហ៊ុន សែន ក៏ធ្លាប់បានប្រកាសថ្កោលទោសចំពោះអំពើភេវរកម្មផ្សេងៗ ដែលបង្កឡើងដោយក្រុមភេវរករផងដែរ ក្នុងនោះ សម្តេចហាមមិនឲ្យមានការភ្ជាប់អំពើក្រុមភេវរករទៅនឹងសាសនាណាមួយនោះឡើយ។ តាមប្រសាសន៍សម្តេច ហ៊ុន សែន គ្រប់សាសនាទាំងអស់ មិនដែលបង្រៀនមនុស្សធ្វើអំពើអាក្រក់ឡើយ លើកលែងតែបុគ្គលិកជាអ្នកប្រព្រឹត្តិតែប៉ុណ្ណោះ៕
អង្គការមជ្ឈមណ្ឌលព័ត៌មានមូស្លីមកម្ពុជា ដែលជាស្ថាប័នផលិតព័ត៌មាន ជុំវិញសហគមន៍ឥស្លាមដំបូងគេនៅកម្ពុជា បានសង្កេតឃើញថា មានបណ្តាញព័ត៌មានជាច្រើន ទាំងប្រព័ន្ធអនឡាញ ជាពិសេសបណ្តាញសង្គមហ្វេសប៊ុក បានប្រើពាក្យមួយចំនួន ក្នុងន័យភ្ជាប់ក្រុមភេវរកម្ម ទៅនឹងសាសនាឥស្លាម។ ពាក្យទាំងនោះ មានដូចជា ក្រុមភេវរករឥស្លាម ISIS ជនជាតិឥស្លាម ឫចាម សំដៅអ្នកកាន់សាសនាឥស្លាមជាដើម។
ក្នុងសេចក្តីថ្លែងការណ៍ដែលចេញផ្សាយនៅថ្ងៃទី ២៨ ធ្នូ ឆ្នាំ២០១៥ អង្គការមជ្ឈមណ្ឌល ព័ត៌មានមូស្លីមកម្ពុជា បញ្ជាក់ថា ការប្រើពាក្យទាំងនោះ អាចឲ្យសាធារណៈជនមួយចំនួនយល់ច្រឡំ និងអាចវិនិឆ្ឆ័យមិនល្អ ដល់សាសនិកឥស្លាម ឫអ្នកកាន់សាសនាឥស្លាម។ ការភ្ជាប់អំពើរភេវរកម្មរបស់ក្រុម ISIS ឫអំពើភេវរកម្មផ្សេងៗទៅនឹងពាក្យឥស្លាមនោះ ជារឿងមួយដែលខុសឆ្គងបំផុត។
ក្នុងខ្លឹមសារសេចក្តីថ្លែងការណ៍ខ្លួន អង្គការមជ្ឈមណ្ឌលព័ត៌មានមូស្លីមកម្ពុជា ក៏បានលើកករណីជាក់ស្តែងរបស់ វេបសាយ ខ្មែរ៧៩ (Khmer79) ដែលកន្លងទៅថ្មីៗនេះ វេបសាយនេះ បានសរសេរអត្ថបទមួយ ដោយដាក់ចំណងជើងថា «ជនជាតិចាម ឫឥស្លាមនៅជាយដែនម៉ាឡេស៊ីបានធ្វើគត់ព្រះសង្ឃជាច្រើនអង្គ និងដុតកុដ្ឋជាច្រើន»។ មជ្ឈមណ្ឌលព័ត៌មានមូស្លីមកម្ពុជា ចាត់ទុកអត្ថបទដែលចេញផ្សាយនៅថ្ងៃទី ២៧ ធ្នូនោះ ថាជាអត្ថបទខ្វះការយល់ដឹង និងមិនបានបែងចែកច្បាស់លាស់ រវាងជនជាតិ និងអ្នកកាន់សាសនាឥស្លាម។
អង្គការមជ្ឈមណ្ឌលព័ត៌មានមូស្លីមកម្ពុជា បានអំពាវនាវឲ្យស្ថាប័នព័ត៌មានទាំងអស់ ជួយកែតម្រូវពាក្យពេចន៍ឡើងវិញ ជៀសវាងការភ័ន្តច្រឡំណាមួយ ជាយថាហេតុ។ ទន្ទឹមនឹងនោះ មុននឹងចេញផ្សាយអត្ថបទ ឫព័ត៌មានអំពីសាសនាឥស្លាម ឫក៏វប្បធម៌នោះ គួរប្រឹក្សាជាមួយសាស្ត្រាចារ្យ ឫអ្នកមានចំណេះដឹងជ្រៅជ្រះផ្នែកសាសនាជាមុន។
គួរបញ្ជាក់ថា កន្លងមកប្រមុខរដ្ឋាភិបាលកម្ពុជា សម្តេច ហ៊ុន សែន ក៏ធ្លាប់បានប្រកាសថ្កោលទោសចំពោះអំពើភេវរកម្មផ្សេងៗ ដែលបង្កឡើងដោយក្រុមភេវរករផងដែរ ក្នុងនោះ សម្តេចហាមមិនឲ្យមានការភ្ជាប់អំពើក្រុមភេវរករទៅនឹងសាសនាណាមួយនោះឡើយ។ តាមប្រសាសន៍សម្តេច ហ៊ុន សែន គ្រប់សាសនាទាំងអស់ មិនដែលបង្រៀនមនុស្សធ្វើអំពើអាក្រក់ឡើយ លើកលែងតែបុគ្គលិកជាអ្នកប្រព្រឹត្តិតែប៉ុណ្ណោះ៕
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 2 ថ្ងៃ
