ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
ជាតិ
ទម្លាប់ល្អក្នុងសង្គម៥ចំណុច ដែលសិស្ស AIS ប្រកាន់ខ្ជាប់ពេលចុះទស្សនកិច្ចសិក្សា
08, Jan 2016 ,
10:37 am
រូបភាព
×
ដោយ:
ថ្មីៗ
សិស្សថ្នាក់ទី១០ សាលារៀន អន្តរទ្វីប អាមេរិកាំង ចំនួន៤៩០នាក់ បានចុះទស្សនកិច្ចសិក្សានៅរមណីយដ្ឋានភ្នំប្រសិទ្ធិ និងភ្នំរាប សម្អាតបរិស្ថាន និងចុះចែកសម្ភារសិក្សាមួយចំនួនជូនដល់ប្អូនៗសិស្សានុសិស្សសាលាបឋមសិក្សាពញាពន់ ស្ថិតក្នុងស្រុកអង្គស្នួល និងស្រុកពញាឮ ខេត្តកណ្តាល កាលពីពេលថ្មីៗកន្លងទៅនេះ។
ក្នុងដំណើរទស្សកិច្ចសិក្សានៅតំបន់ប្រវត្តិសាស្ត្រ កសិកម្ម សិប្បកម្ម រមណីយដ្ឋានទេសចរណ៍ ពិសេសនៅទីជនបទម្តងៗមិនថាជិត ឬឆ្ងាយ សិស្សានុសិស្សសាលារៀន អន្តរទ្វីប អាមេរិកាំង តែងតែប្រកាន់ខ្ជាប់នូវទម្លាប់ល្អផ្ទាល់ខ្លួន៥យ៉ាងគឺ ទី១.សិស្សានុសិស្សបានស្វែងយល់ និងផ្សារភ្ជាប់ទីកន្លែងចុះទស្សនកិច្ចសិក្សាទៅនឹងមេរៀនដែលមានក្នុងកម្មវិធីសិក្សាក្នុងថ្នាក់ជាក់ស្តែង ទី២.បន្ទាប់ពីបានសិក្សាស្វែងយល់ ពួកគេបានចែករំលែកនូវចំណេះដឹងដែលទទួលបានពីទស្សនកិច្ចសិក្សាដល់មិត្តភក្តិរួមដំណើរ ទី៣.សិស្សានុសិស្សបានចូលរួមសកម្មភាពសប្បុរសធម៌ផ្តល់នូវអំណោយចែកជូនដល់ប្អូនៗសិស្សានុសិស្សខ្វះខាតនៅតាមសាលានានា ទី៤.សិស្សានុសិស្សទាំងអស់ជួបជុំគ្នាទទួលទានអាហារថ្ងៃត្រង់ជាលក្ខណៈរួបរួមសាមគ្គីបង្កើនភាពស្និទ្ធស្នាលរាប់អានគ្នាជាភាតរភាព ទី៥.សិស្សានុសិស្សបានចូលរួមសកម្មភាពសង្គមតាមរយៈការសម្អាតបរិស្ថានដើម្បីបង្កើននូវទម្លាប់ល្អជាគំរូដល់មូលដ្ឋាន និងសង្គមជាតិ។
ជាក់ស្តែងក្នុងដំណើរទស្សនកិច្ចសិក្សាទៅកាន់រមណីយដ្ឋានភ្នំប្រសិទ្ធិ និងភ្នំរាប លើកនេះ លោកស្រី ឡា សុភៈ នាយកចាងហ្វាង និងចាងហ្វាងមធ្យមសិក្សាទុតិយភូមិ បានឱ្យអ្នកយកព័ត៌មានដឹងថា សិស្សានុសិស្សសាលារៀន អន្តរទ្វីប អាមេរិកាំង បានយកនូវអំណោយសប្បុរធម៌ដូចជា សៀវភៅ ប៊ិក ខ្មៅដៃ ជ័រលុប បន្ទាត់ រួមទាំងសម្ភារសិក្សាយ៉ាងច្រើនសន្ធឹកសន្ធាប់ផ្សេងទៀតយកទៅចែកជូនដល់ប្អូនៗសិស្សានុសិស្សសាលាបឋមសិក្សាពញាពន់ ចំនួនជាង៥០០នាក់។ បន្ទាប់មក ពួកគេបានបន្តទៅសិក្សាស្វែងយល់ពីប្រាសាទបុរាណស្រីគ្រប់លក្ខណ៍នៅភ្នំប្រសិទ្ធិ ផ្សារភ្ជាប់ទៅនឹងខ្លឹមសារមេរៀនប្រវត្តិសាស្ត្រ រួមទាំងរមណីយដ្ឋានភ្នំរាប ដែលជារមណីយដ្ឋានធម្មជាតិ ប្រវត្តិសាស្ត្រ និងកែច្នៃ និងក៏ជាទីកន្លែងដែលសិល្បករខ្មែរនិយមថតខ្សែភាពយន្តបុរាណជាច្រើនកន្លងមក។ ទន្ទឹមនឹងនេះ សិស្សានុសិស្សបានពិភាក្សាក្រុម និងធ្វើបទបង្ហាញចែករំលែកនូវចំណេះដឹងទទួលបានពីទស្សនកិច្ចសិក្សាឱ្យគ្នាទៅវិញទៅមក និងជាការពង្រឹងពុទ្ធិមុនពេលសម្រាកបរិភោគអាហារថ្ងៃត្រង់ជួបជុំដ៏មានឱជារសយ៉ាងសប្បាយរីករាយជាមួយគ្នា។ នៅចុងបញ្ចប់នៃដំណើរទស្សនកិច្ចសិក្សា សិស្សានុសិស្សទាំងអស់គ្នាបានចូលរួមយុទ្ធនាការសម្អាតបរិស្ថានរមណីដ្ឋានភ្នំរាប ដើម្បីលើកកម្ពស់សម្រស់តំបន់ទេសចរណ៍ឱ្យកាន់តែមានភាពទាក់ទាញថែមទៀត៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
© រក្សាសិទ្ធិដោយ thmeythmey.com
អត្ថបទពេញនិយម
ផ្សារដើមគរថ្មី លើផ្ទៃដី៣០ហិកតា ត្រូវបានដាក់ដំណើរការជាផ្លូវការហើយ
6 ថ្ងៃ
ដំណឹងបឋម៖ ករណីផ្ទុះឃ្លាំងគ្រាប់នៅបន្ទាយភូមិភាគ៣ ក្រុងច្បារមន មានអ្នកស្លាប់ និងរបួសច្រើននាក ...
1 សប្តាហ៍
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ
2 ថ្ងៃ
តើពាក្យងារជា «សម្តេច» មានន័យដូចម្តេច?
4 ថ្ងៃ
រោងចក្រដំឡើងរថយន្តរបស់ក្រុមហ៊ុនជប៉ុនមួយទៀត បើកដំណើរការនៅកម្ពុជា
3 ថ្ងៃ
អត្ថបទពេញនិយមបន្ថែម