អន្តរជាតិ
×![]()
ស្ថានភាពនៅមជ្ឈិមបូព៌ាកាន់តែតានតឹង ដោយសារ ជម្លោះការទូតរវាងរដ្ឋប្រកាន់និកាយស៊ីអ៊ីតអ៊ីរ៉ង់និងបណ្តារដ្ឋអារ៉ាប់។ គេខ្លាចថាការប្រឈមមុខគ្នាបង្កជាសង្គ្រាមរវាងមហាអំណាចក្នុងតំបន់ទាំងពីរ ប៉ុន្តែរាជវង្សអារ៉ាប៊ីសាអូឌីតបានបញ្ជាក់ហើយថាសង្គ្រាមរវាងប្រទេសទាំងពីរមិនអាចកើតឡើងឡើយ។
អារ៉ាប៊ីសាអូឌីត មិនយល់ថា ការប្រឈមមុខគ្នាផ្នែកការទូតរវាងអ៊ីរ៉ង់និងអារ៉ាប៊ីសាអូឌីតអាចនឹងបង្កជាសង្គ្រាមក្នុងតំបន់ឡើយ។ ថ្លែងប្រាប់អ្នកសារព័ត៌មាន Aj Jazeera រាជទាយាទរងអារ៉ាប៊ីសាអូឌីត Mohammed bin Salman ពន្យល់ថា វាគ្មានហេតុផលអ្វីដែលសង្គ្រាមរវាងអ៊ីរ៉ង់និង អារ៉ាប៊ី សាអូឌីត ទោះជាភាពតានតឹងកើនឡើងខ្លាំងក៏ដោយចុះ។
រាជទាយាទអារ៉ាប៊ីសាអូឌីតពន្យល់ថា សង្គ្រាមអារ៉ាប៊ីសាអូឌីត ជាមួយអ៊ីរ៉ង់ នឹងក្លាយជាគ្រោះមហន្តរាយធំធេងសម្រាប់តំបន់ ដូច្នេះហើយអារ៉ាប៊ី សាអូឌីត មិនអនុញ្ញាតឲ្យមានរឿងបែបនេះកើតឡើងឡើយ។ មន្ត្រីជាន់ខ្ពស់ក្រុងរីយ៉ាដ បកស្រាយបែបនេះ ក្រោយពេលដែលសហគមន៍អន្តរជាតិបង្ហាញការព្រួយបារម្ភថា ជម្លោះការទូតរវាងអ៊ីរ៉ង់និងរដ្ឋអារ៉ាប់អាចនឹងវិវត្តទៅរកបញ្ហអស្ថិរភាពនិងជម្លោះទ្រង់ទ្រាយធំ។ អ៊ីរ៉ង់និងអារ៉ាប៊ីសាអូឌីតមិនមានទំនាក់ទំនងល្អជាមួយគ្នាឡើយតាំងពីយូរមកហើយ ព្រោះតែរដ្ឋទាំងពីរនេះមានមហិច្ឆតាគ្រប់គ្រងតំបន់រៀងខ្លួន ហើយម្យ៉ាងមនោគមន៍វិជ្ជាសាសនាក៏ខុសប្លែកគ្នាទៀត។
ជម្លោះការទូតរវាងប្រទេសទាំងពីររហូតដល់ផ្តាច់ចំណងការទូតជាមួយក្រុងតេហរ៉ង់ កើតឡើងដោយសារក្រុមបាតុករវាយប្រហារស្ថានទូតនៅអារ៉ាប៊ី សាអូឌីត នៅទីក្រុងតេហេរ៉ង់។ ហើយការវាយប្រហារក៏បណ្តាលមកការខឹងសម្បាររបស់សហគមន៍អ្នកប្រកាន់និកាយស៊ីអ៊ីតដោយសារការប្រហារជីវិតមេដឹកនាំនិកាយស៊ីអ៊ីត Nimr al-Nimr ដោយអាជ្ញាធរអារ៉ាប៊ីសាអូឌីតកាលពីសប្តាហ៍មុន។បន្ទាប់ពីអារ៉ាប៊ីសាអូឌីតផ្តាច់ចំណងទាក់ទំនងជាមួយអ៊ីរ៉ង់ បណ្តាសម្ព័ន្ធមិត្តអារ៉ាប៊ីសាអូឌីត មានអារ៉ាប់រួម ស៊ូដង់ និងបារ៉ែន បានសម្រេចផ្តាច់ទំនាក់ទំនងនិងបន្ថយកម្រិតចំណងការទូតជាមួយអ៊ីរ៉ង់ដូចគ្នា។
គេឃើញមានការស្នើសុំឲ្យភាគីអ៊ីរ៉ង់និងអារ៉ាប៊ីសាអូឌីត បញ្ចៀសឲ្យបាននូវការប្រើប្រាស់កម្លាំងទ័ពប្រឆាំងគ្នាទៅវិញទៅមកពីសំណាក់ក្រុងវ៉ាស៊ីនតោន អង្គការសហប្រជាជាតិ រុស្ស៊ី និងចិនផងដែរ។ ចិនដែលជាប្រទេសដែលប្រើប្រាស់ប្រេងច្រើននោះ ដាច់ចិត្តបញ្ជូនអ្នកការទូតរបស់ខ្លួនលោក Zhang Ming ទៅកាន់ប្រទេសអារ៉ាប៊ីសាអូឌីតដើម្បីជួយឲ្យភាគីទាំងពីរដោះស្រាយបញ្ហាការទូតដោយសន្តិវិធី។
អារ៉ាប៊ីសាអូឌីត មិនយល់ថា ការប្រឈមមុខគ្នាផ្នែកការទូតរវាងអ៊ីរ៉ង់និងអារ៉ាប៊ីសាអូឌីតអាចនឹងបង្កជាសង្គ្រាមក្នុងតំបន់ឡើយ។ ថ្លែងប្រាប់អ្នកសារព័ត៌មាន Aj Jazeera រាជទាយាទរងអារ៉ាប៊ីសាអូឌីត Mohammed bin Salman ពន្យល់ថា វាគ្មានហេតុផលអ្វីដែលសង្គ្រាមរវាងអ៊ីរ៉ង់និង អារ៉ាប៊ី សាអូឌីត ទោះជាភាពតានតឹងកើនឡើងខ្លាំងក៏ដោយចុះ។
រាជទាយាទអារ៉ាប៊ីសាអូឌីតពន្យល់ថា សង្គ្រាមអារ៉ាប៊ីសាអូឌីត ជាមួយអ៊ីរ៉ង់ នឹងក្លាយជាគ្រោះមហន្តរាយធំធេងសម្រាប់តំបន់ ដូច្នេះហើយអារ៉ាប៊ី សាអូឌីត មិនអនុញ្ញាតឲ្យមានរឿងបែបនេះកើតឡើងឡើយ។ មន្ត្រីជាន់ខ្ពស់ក្រុងរីយ៉ាដ បកស្រាយបែបនេះ ក្រោយពេលដែលសហគមន៍អន្តរជាតិបង្ហាញការព្រួយបារម្ភថា ជម្លោះការទូតរវាងអ៊ីរ៉ង់និងរដ្ឋអារ៉ាប់អាចនឹងវិវត្តទៅរកបញ្ហអស្ថិរភាពនិងជម្លោះទ្រង់ទ្រាយធំ។ អ៊ីរ៉ង់និងអារ៉ាប៊ីសាអូឌីតមិនមានទំនាក់ទំនងល្អជាមួយគ្នាឡើយតាំងពីយូរមកហើយ ព្រោះតែរដ្ឋទាំងពីរនេះមានមហិច្ឆតាគ្រប់គ្រងតំបន់រៀងខ្លួន ហើយម្យ៉ាងមនោគមន៍វិជ្ជាសាសនាក៏ខុសប្លែកគ្នាទៀត។
ជម្លោះការទូតរវាងប្រទេសទាំងពីររហូតដល់ផ្តាច់ចំណងការទូតជាមួយក្រុងតេហរ៉ង់ កើតឡើងដោយសារក្រុមបាតុករវាយប្រហារស្ថានទូតនៅអារ៉ាប៊ី សាអូឌីត នៅទីក្រុងតេហេរ៉ង់។ ហើយការវាយប្រហារក៏បណ្តាលមកការខឹងសម្បាររបស់សហគមន៍អ្នកប្រកាន់និកាយស៊ីអ៊ីតដោយសារការប្រហារជីវិតមេដឹកនាំនិកាយស៊ីអ៊ីត Nimr al-Nimr ដោយអាជ្ញាធរអារ៉ាប៊ីសាអូឌីតកាលពីសប្តាហ៍មុន។បន្ទាប់ពីអារ៉ាប៊ីសាអូឌីតផ្តាច់ចំណងទាក់ទំនងជាមួយអ៊ីរ៉ង់ បណ្តាសម្ព័ន្ធមិត្តអារ៉ាប៊ីសាអូឌីត មានអារ៉ាប់រួម ស៊ូដង់ និងបារ៉ែន បានសម្រេចផ្តាច់ទំនាក់ទំនងនិងបន្ថយកម្រិតចំណងការទូតជាមួយអ៊ីរ៉ង់ដូចគ្នា។
គេឃើញមានការស្នើសុំឲ្យភាគីអ៊ីរ៉ង់និងអារ៉ាប៊ីសាអូឌីត បញ្ចៀសឲ្យបាននូវការប្រើប្រាស់កម្លាំងទ័ពប្រឆាំងគ្នាទៅវិញទៅមកពីសំណាក់ក្រុងវ៉ាស៊ីនតោន អង្គការសហប្រជាជាតិ រុស្ស៊ី និងចិនផងដែរ។ ចិនដែលជាប្រទេសដែលប្រើប្រាស់ប្រេងច្រើននោះ ដាច់ចិត្តបញ្ជូនអ្នកការទូតរបស់ខ្លួនលោក Zhang Ming ទៅកាន់ប្រទេសអារ៉ាប៊ីសាអូឌីតដើម្បីជួយឲ្យភាគីទាំងពីរដោះស្រាយបញ្ហាការទូតដោយសន្តិវិធី។
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
5 ម៉ោង
