អន្តរជាតិ
×![]()
ដុំដែក៣ដុំ ក្នុងនោះមាន១ដុំធ្ងន់ប្រមាណជា៤៥គីឡូក្រាម បានធ្លាក់ចុះពីលើមេឃចូលទឹកដីវៀតណាម កាលពីថ្ងៃ២មករា។ ថ្ងៃសុក្រម្សិលមិញ ទាហានវៀតណាមបានប្រកាសបើកការអង្កេត និងមិនធ្វើសកម្មភាពយោធាក្នុងតំបន់ដែលដុំដែកទាំង៣ដុំធ្លាក់ចុះទេ។
ថ្ងៃ២មករា កន្លងទៅ ដុំដែក២ដុំទំងន់២៥០ក្រាម និង៦គីឡូក្រាមបានធ្លាក់ចុះនៅ ខេត្តYen Bai ភាគខាងជើង។ រីឯមួយដុំទៀត ទំងន់ធ្ងន់ជាងគេ គឺប្រមាណ៤៥គីឡូក្រាម បានធ្លាក់នៅខេត្តTuyen Quang ដែលស្ថិតក្បែរនោះ។ ហេតុការណ៍ធ្លាក់ដុំដែកនេះ មិនបានបង្ករបួស រឺគ្រោះថ្នាក់ដល់ប្រជាជនក្នុងស្រុកទេ។ ប្រជាជនប្រាប់ថា បានលឺសំឡេងផ្គរលាន់មុននឹងដុំដែកទាំងនេះធ្លាក់ចុះមក។
យោងតាមការស៊ើបអង្កេតដំបូង វត្ថុទាំងនេះប្រហែលជាផលិតផលរបស់រុស្ស៊ី។ ហេតុការណ៍ចម្លែកនេះក៏អាចបណ្តាលមកពីការបាញ់មីស៊ីល តែក៏អាចជាដុំដែកនៃយានអវកាសដែរ។ យោងតាមអ្នកជំនាញវៀតណាម Nguyen Khoa Son ដុំដែកនេះអាចមានប្រភពមកពីការបាញ់បង្ហោះផ្កាយរណបមិនបានសម្រេច។ អង្គការណាសាធ្លាប់ប្រាប់ថា កំទេចកំទីអវកាសមានជាង៥០០ ០០០ កំពុងវិលក្នុងគន្លងជុំវិញផែនដី។ រៀងរាល់ឆ្នាំ មានកំទេចខ្លះធ្លាក់ចុះមកក្នុងផែនដីយើង។
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
5 ម៉ោង
