ជាតិ
សម្តេច ហ៊ុន សែន បញ្ចុះតម្លៃប្រើប្រាស់អគ្គិសនីចាប់ពីឆ្នាំ២០១៧
× សម្តេចនាយករដ្ឋមន្ត្រី ហ៊ុន សែន បានសន្យាបន្តជួយសម្រួលលើតម្លៃប្រើប្រាស់អគ្គិសនីរបស់ពលរដ្ឋខ្មែរជាបន្តទៀតនៅឆ្នាំ២០១៧ ខាងមុខ។ នេះបើតាមសំណេរដោយផ្ទាល់របស់ប្រធានគណបក្សប្រជាជនកម្ពុជា តាមរយៈទំព័រហ្វេសប៊ុករបស់ខ្លួន នៅថ្ងៃទី២នៃសន្និបាតលើកទី៣៩ នៃគណៈកម្មាធិការកណ្តាលគណបក្សប្រជាជនកម្ពុជា។
ការសន្យារបស់សម្តេច ហ៊ុន សែន លើបញ្ហាអគ្គិសនី គឺធ្វើឡើងបន្ទាប់ពីសម្តេចចេញសេចក្តីសម្រេចជាផ្លូវការស្តីពីការលើកឡើងពន្ធប្រថាប់ត្រាលើការផ្ទេរកម្មសិទ្ធិ ឬសិទ្ធិកាន់កាប់អចលនទ្រព្យ។ សម្រាប់តម្លៃប្រើប្រាស់អគ្គិសនី ចាប់ពីខែមេសា ឆ្នាំ២០១៧ទៅ ពលរដ្ឋដែលប្រើប្រាស់បណ្តាញអគ្គិសនីរដ្ឋក្នុងបរិមាណពី៥០គីឡូវ៉ាត់ចុះក្រោម គឺត្រូវបង់ថ្លៃតែ៦១០រៀលតែប៉ុណ្ណោះ។
នាយករដ្ឋមន្ត្រី បានពន្យល់ពីមូលហេតុនៃការជួយសម្រួលរបស់ខ្លួនថា៖ «ការសម្រេចបន្ធូរបន្ថយតម្លៃប្រើប្រាស់អគ្គិសនីជូនបងប្អូនជនរួមជាតិ គឺពិតជានឹងជួយសម្រួលដល់ជីវភាពរស់ប្រចាំថ្ងៃរបស់បងប្អូនជនរួមជាតិបានមួយកម្រិតធំជាមិនខាន៕
Tag:
អគ្គិសនី
សម្តេច ហ៊ុន សែន
© រក្សាសិទ្ធិដោយ thmeythmey.com