បទយកការណ៍ / បទសម្ភាសន៍
លោក ប៉ែន សុវណ្ណ មានជំងឺស្ទះសរសៃឈាមខួរក្បាល ស្ទះសរសៃឈាមបេះដូង ទឹកនោមផ្អែម លើសឈាម
× លោក ប៉ែន សុវណ្ណ បានធ្លាក់ខ្លួនឈឺចាប់តាំងខែមករា ឆ្នាំ ២០១៥ មកម្លេះ ហើយលោកធ្លាប់ត្រូវបានគណបក្សសង្គ្រោះជាតិដឹកទៅព្យាបាលនៅប្រទេសសិង្ហបូរីដែរ។ លោក ប៉ែន សុវណ្ណ មានជំងឺកាចសាហាវៗចំនួន ៤ ប្រចាំកាយ គឺជំងឺស្ទះសរសៃឈាមខួរក្បាល ស្ទះសរសៃឈាមបេះដូង ទឹកនោមផ្អែម និងជំងឺលើសឈាម។ ស្ថានភាពជំងឺរបស់លោក ប៉ែន សុវណ្ណ មកដល់ពេលនេះ ហាក់ធូរស្រាលជាងពេលធ្លាក់ខ្លួនឈឺពីដំបូងបន្តិច តែលោកនៅតែមិនអាចនិយាយបានទេ។ បើតាមកូនស្រីធម៌របស់ ប៉ែន សុវណ្ណ ការចំណាយលើថ្នាំព្យាបាលលោកអតីតនាយករដ្ឋមន្ត្រីខ្មែររូបនេះ ដោយសារពឹងលើប្រាក់ខែលោកជាតំណាងរាស្ត្រ ជំនួយពីគណបក្សសង្គ្រោះជាតិ និងជនជាតិខ្មែរដែលរស់នៅក្រៅប្រទេស។
លោកស្រី ប៉ែន សុទ្ធា កូនស្រីធម៌របស់លោក ប៉ែន សុវណ្ណ ប្រាប់សារពត៌មានថ្មីៗថា ចាប់តាំងពីឪពុករបស់លោកស្រីធ្លាក់ខ្លួនឈឺមក ក្រៅតែមន្ត្រីគណបក្សសង្គ្រោះជាតិ និងប្រជាពលរដ្ឋស្រឡាញ់លោក ប៉ែន សុវណ្ណ គ្មានមន្ត្រីគណបក្សប្រជាជនកម្ពុជារូបណាដែលធ្លាប់ធ្វើការជាមួយលោក ប៉ែន សុវណ្ណ មកសួរសុខទុក្ខឪពុករបស់លោកស្រីឡើយ។
សូមទស្សនាបទសម្ភាសន៍រវាងលោក ជា ធីរិទ្ធ និពន្ធនាយករងនៃសារព័ត៌មានថ្មីៗជាមួយលោកស្រី ប៉ែន សុទ្ធា ខាងក្រោម៖
© រក្សាសិទ្ធិដោយ thmeythmey.com