ព័ត៍មានសុខភាព
×![]()
ដោយ: ថ្មីៗ
ការឡើងកម្តៅរាងកាយ ឬជំងឺគ្រុនក្តៅ កើតឡើងនៅពេលដែល រាងកាយរបស់គេ កំពុងប្រយុទ្ធប្រឆាំង នឹងការឆ្លងរោគអ្វីមួយ។ ទោះបីជាយ៉ាងណា ជំងឺគ្រុនក្តៅ និងការក្អកធម្មតា ក៏អាចបណ្តាលឲ្យទារកក្តៅខ្លួនផងដែរ។ ពេលខ្លះ កូនក្មេងក្តៅខ្លួនដោយគ្មានមូលហេតុ ដូច្នេះ ប្រសិនបើកូនអ្នកមិនសុខភាពល្អធម្មតា នោះវាគ្មានរឿងអ្វី ត្រូវព្រួយបារម្ភនោះទេ។ អ្នកអាចបញ្ចុះក្តៅកូនរបស់អ្នក នៅផ្ទះបានដោយខ្លួនឯង ក្នុងរយៈពេលត្រឹមតែ ៥ នាទីប៉ុណ្ណោះ។
រសិនបើមិនឡើងកម្តៅម្តងទៀតទេ នោះអ្នកមិនចាំបាច់ នាំគេទៅជួបគ្រូពេទ្យឡើយ។ ទោះបីជាយ៉ាងណា ក្នុងករណីកុមារក្តៅខ្លាំង ឬក្តៅមិនបាត់ អ្នកត្រូវប្រញាប់នាំគេ ទៅមន្ទីរពេទ្យជាបន្ទាន់។ ការឡើងកម្តៅខ្លាំងពេក អាចបំផ្លាញខួរក្បាលរបស់កូនអ្នក ប្រសិនបើវាមិនធ្លាក់ចុះវិញទេ។
ខាងក្រោមនេះ យើងខ្ញុំនឹងណែនាំអ្នក នូវវិធីសាស្ត្រ ៥ ប្រភេទ ដើម្បីបញ្ចុះក្តៅកូនរបស់អ្នក ក្នុងរយៈពេលត្រឹមតែ ៥ នាទី ៖
ដំឡូងបារាំង
យកដំឡូងបារាំងកិនឲ្យម៉ត់ រួចដាក់ក្នុងស្រោមជើង បន្ទាប់មកយកឲ្យកូនអ្នកពាក់ស្រោមជើងនោះ។ វិធីនេះនឹងអាចបញ្ចុះ កម្តៅកូនរបស់អ្នក ត្រឹមតែពីរបីនាទីប៉ុណ្ណោះ។
ស្រាកូញាក់ (Brandy) និងទឹក
លាយស្រានេះកន្លះកែវ ជាមួយនឹងទឹកកន្លះកែវដែរ រួចយកស្រោមជើងមកជ្រលក់ បន្ទាប់មក ឲ្យកូនអ្នកពាក់ស្រោមជើងនោះ។ វាក៏អាចបញ្ចុះកម្តៅបានផងដែរ។
ក្រណាត់សើម
ចូរយកក្រណាត់ ឬកន្សែងសើម ទៅជូតលើខ្លួន និងថ្ងាសរបស់កូនអ្នក។ អ្នកអាចដាក់វានៅទីនោះពីរបីនាទីបាន រួចចាំធ្វើវាម្តងទៀត នៅ ១៥ នាទីក្រោយ។
ទឹក
លើកទឹកចិត្តឲ្យកូនអ្នក ញ៉ាំទឹកឲ្យបានច្រើន តាមដែលអាចធ្វើទៅបាន ដើម្បីបញ្ចុះកម្តៅរាងកាយ។ អ្នកអាចឲ្យគេញ៉ាំទឹកត្រជាក់ ឬការ៉េមបន្តិចបន្តួចបាន។
ស្លៀកខោអាវធូរលុង
ការស្លៀកខោអាវបែបនេះ ក៏អាចជួយបញ្ចុះកម្តៅ ក្នុងរាងកាយរបស់គេបានផងដែរ។
ប្រើកង្ហារ
ដាក់កង្ហារឲ្យចំកូនរបស់អ្នក ពេលគេសម្រាក ដូច្នេះ វាអាចកាត់បន្ថយក្តៅបានខ្លះ។ ប៉ុន្តែ ទោះបីជាយ៉ាងណា កុំឲ្យកូនរបស់អ្នកត្រូវខ្យល់កង្ហារយូរពេក ពីព្រោះគេអាចនឹងផ្តាសាយបាន។ ម្យ៉ាងវិញទៀត ត្រូវដាក់វាឲ្យរេរទៀតផង៕
ត្រួតពិនិត្យដោយ www.health.com.kh
Tag:
សុខភាព
© រក្សាសិទ្ធិដោយ thmeythmey.com
