អន្តរជាតិ
ប្រេងធ្លាក់ចុះនៅក្រោម៣០$ក្នុងមួយបារ៉ែលខណៈ OPEC គ្រោងកោះប្រជុំបន្ទាន់
×![]()
ដោយ: ថ្មីៗ
តម្លៃប្រេងនៅទីផ្សារអន្តរជាតិបានធ្លាក់ចុះនៅក្រោម៣០ដុល្លារក្នុងមួយបារ៉ែល ជាលើកដំបូងចាប់តាំងពីឆ្នាំ២០០៣ មក ។ ហើយតម្លៃប្រេងឆៅនេះបានចាប់ផ្ដើមប្រែប្រួលខ្លាំងតាំងពីខែវិច្ឆិកា ឆ្នាំ២០១៥មកម្លេះ ។ ជាការឆ្លើយតបនោះ OPEC នឹងកោះប្រជុំបន្ទាន់មួយដើម្បីដោះស្រាយការធ្លាក់ថ្លៃនេះ ។ នេះបើយោងតាមការផ្សាយរបស់ទូរទស្សន៍អាមេរិក CNBC ។
តម្លៃប្រេងឆៅលើទីផ្សារអន្តរជាតិបានបន្តធ្លាក់ចុះមកនៅក្រោម៣០ដុល្លារក្នុងមួយបារ៉ែល ដែលវាជាការធ្លាក់ថ្លៃខ្លាំងបំផុតក្នុងរយៈពេល១២ឆ្នាំកន្លងមកនេះ ។ តម្លៃប្រេងឆៅ បានធ្លាក់សឹងតែ៧៥ភាគរយ ចាប់តាំងពីខែវិច្ឆិកា ឆ្នាំ២០១៥ ដោយសារតែការផ្គត់ផ្គង់លើសតម្រូវការ ។ ការធ្លាក់ចុះតម្លៃនេះបានបង្កការព្រួយបារម្ភជាខ្លាំង ក្នុងចំណោមប្រទេសនាំចេញប្រេង ដែលជាសមាជិកនៃអង្គការប្រទេសនាំចេញប្រេង (OPEC) ។
ប្រធានអង្គការ OPEC លោក Emmanuel Kachikwu និយាយថា ជាមួយស្ថានភាពបែបនេះ OPEC គួរតែបើកកិច្ចប្រជុំបន្ទាន់មួយ ពិភាក្សាលើយុទ្ធសាស្ត្រដើម្បីដោះស្រាយការធ្លាក់ថ្លៃរបស់ប្រេងឆៅ ។ លោក Emmanuel Kachikwu ដែលជារដ្ឋមន្ត្រីទទួលបន្ទុកធនធានប្រេងរបស់នីហ្សេរីយ៉ាផងនោះ លើកជាសំណើរនេះ ក្នុងពេលលោកចូលរួមកិច្ចប្រជុំ ស្ដីពីថាមពលនៅទីក្រុង អាប៊ូ ដាប៊ី ។ ចំណែកប្រធានបទវិញ គឺប្រហែលជាស្វែងរកការស្នើសុំណាមួយទៅកាន់អារ៉ាប៊ី សាអូឌីត ឲ្យកាត់បន្ថយការផលិតរបស់ខ្លួន ។ នេះក៏ដោយសារតែវានឹងជួយឲ្យតម្លៃប្រេងឡើងថ្លៃវិញ ។
យ៉ាងណាក្ដី គំនិតរបស់លោក Emmanuel Kachikwu ដូចជាមិនទទួលបានការគាំទ្រពីសមាជិក OPEC ទេ ។ អារ៉ាប់រួមអេមីរ៉ាត (UAE) ដែលជាសមាជិកមួយរបស់ OPEC នោះមិនឯកភាពលើសំណើកោះប្រជុំបន្ទាន់ស្វែងរកដំណោះស្រាយនោះទេ ។ រដ្ឋមន្ត្រីថាមពលរបស់ប្រទេសនេះ Suhail bin Mohammed al-Mazroui បញ្ជាក់ថា យុទ្ធសាស្ត្ររបស់ OPEC សព្វថ្ងៃគឺកំពុងតែដំណើរការហើយ ។ ហើយយុទ្ធសាស្ត្រនេះគឺត្រូវការពេលវេលា ដែលអាចមានរយៈពេលមួយឆ្នាំឬមួយឆ្នាំកន្លះទៀត ។
យុទ្ធសាស្ត្ររបស់ OPEC នៅពេលបច្ចុប្បន្ននេះ គឺរក្សាកម្រិតផលិតកម្មប្រេងឆៅ ដោយមិនកាត់បន្ថយការផ្គត់ផ្គងនោះទេ ។
យ៉ាងណាមិញ កិច្ចប្រជុំដើម្បីដោះស្រាយបញ្ហាការធ្លាក់ចុះតម្លៃប្រេងឆៅចេញជារូបរាង ឬយ៉ាងណា គឺអាស្រ័យលើអារ៉ាប៊ី សាអូឌីត ដែលជាប្រទេសនាំចេញប្រេងច្រើនជាងគេលើពិភពលោក ។ តែវាច្បាស់ណាស់ថា អារ៉ាប៊ី សាអូឌីត នៅតែចចេសរឹងរូសមិនព្រមកាត់បន្ថយផលិតកម្មប្រេងឆៅរបស់ខ្លួននោះទេ ៕
តម្លៃប្រេងឆៅលើទីផ្សារអន្តរជាតិបានបន្តធ្លាក់ចុះមកនៅក្រោម៣០ដុល្លារក្នុងមួយបារ៉ែល ដែលវាជាការធ្លាក់ថ្លៃខ្លាំងបំផុតក្នុងរយៈពេល១២ឆ្នាំកន្លងមកនេះ ។ តម្លៃប្រេងឆៅ បានធ្លាក់សឹងតែ៧៥ភាគរយ ចាប់តាំងពីខែវិច្ឆិកា ឆ្នាំ២០១៥ ដោយសារតែការផ្គត់ផ្គង់លើសតម្រូវការ ។ ការធ្លាក់ចុះតម្លៃនេះបានបង្កការព្រួយបារម្ភជាខ្លាំង ក្នុងចំណោមប្រទេសនាំចេញប្រេង ដែលជាសមាជិកនៃអង្គការប្រទេសនាំចេញប្រេង (OPEC) ។
ប្រធានអង្គការ OPEC លោក Emmanuel Kachikwu និយាយថា ជាមួយស្ថានភាពបែបនេះ OPEC គួរតែបើកកិច្ចប្រជុំបន្ទាន់មួយ ពិភាក្សាលើយុទ្ធសាស្ត្រដើម្បីដោះស្រាយការធ្លាក់ថ្លៃរបស់ប្រេងឆៅ ។ លោក Emmanuel Kachikwu ដែលជារដ្ឋមន្ត្រីទទួលបន្ទុកធនធានប្រេងរបស់នីហ្សេរីយ៉ាផងនោះ លើកជាសំណើរនេះ ក្នុងពេលលោកចូលរួមកិច្ចប្រជុំ ស្ដីពីថាមពលនៅទីក្រុង អាប៊ូ ដាប៊ី ។ ចំណែកប្រធានបទវិញ គឺប្រហែលជាស្វែងរកការស្នើសុំណាមួយទៅកាន់អារ៉ាប៊ី សាអូឌីត ឲ្យកាត់បន្ថយការផលិតរបស់ខ្លួន ។ នេះក៏ដោយសារតែវានឹងជួយឲ្យតម្លៃប្រេងឡើងថ្លៃវិញ ។
យ៉ាងណាក្ដី គំនិតរបស់លោក Emmanuel Kachikwu ដូចជាមិនទទួលបានការគាំទ្រពីសមាជិក OPEC ទេ ។ អារ៉ាប់រួមអេមីរ៉ាត (UAE) ដែលជាសមាជិកមួយរបស់ OPEC នោះមិនឯកភាពលើសំណើកោះប្រជុំបន្ទាន់ស្វែងរកដំណោះស្រាយនោះទេ ។ រដ្ឋមន្ត្រីថាមពលរបស់ប្រទេសនេះ Suhail bin Mohammed al-Mazroui បញ្ជាក់ថា យុទ្ធសាស្ត្ររបស់ OPEC សព្វថ្ងៃគឺកំពុងតែដំណើរការហើយ ។ ហើយយុទ្ធសាស្ត្រនេះគឺត្រូវការពេលវេលា ដែលអាចមានរយៈពេលមួយឆ្នាំឬមួយឆ្នាំកន្លះទៀត ។
យុទ្ធសាស្ត្ររបស់ OPEC នៅពេលបច្ចុប្បន្ននេះ គឺរក្សាកម្រិតផលិតកម្មប្រេងឆៅ ដោយមិនកាត់បន្ថយការផ្គត់ផ្គងនោះទេ ។
យ៉ាងណាមិញ កិច្ចប្រជុំដើម្បីដោះស្រាយបញ្ហាការធ្លាក់ចុះតម្លៃប្រេងឆៅចេញជារូបរាង ឬយ៉ាងណា គឺអាស្រ័យលើអារ៉ាប៊ី សាអូឌីត ដែលជាប្រទេសនាំចេញប្រេងច្រើនជាងគេលើពិភពលោក ។ តែវាច្បាស់ណាស់ថា អារ៉ាប៊ី សាអូឌីត នៅតែចចេសរឹងរូសមិនព្រមកាត់បន្ថយផលិតកម្មប្រេងឆៅរបស់ខ្លួននោះទេ ៕
Tag:
ប្រេងឆៅ
OPEC
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
6 ម៉ោង
